القائمة الرئيسية

الصفحات

انا في تانية هندسة قسم كهربا وتايهه مش عارفه اختار اي مجال | مجالات عمل مهندس كهربا


أنا معرفش نظام الدراسة والايحة عندك إيه بس عموما الأول لازم تعرفي إن قسم كهربا باور مجاله كبير جدا فلو هحاول أقولك مجالاته هقول: 
1-مقاولات : تصميم (مكتب استشاري) أو تنفيذ (شركة مقاولات) سواء مكتب فني او مهندس موقع أو شغل مع موردين سواء sales أو design أو أو وظايف تانية داخل كل حاجة فيهم بjob descriptions مختلفة
2-مجال المحطات High voltage substations واللي فيها نفس الكلام تقريبا 
3-مجال الRenewable 
4-مجال الSmart عموما ودا شامل smart panels أو systems و KNX ودول برضه بيظهروا في مشاريع المقاولات 
5-مجال الصيانة 
6-مجال البترول 
7-مجال التحكم 

فأنا كواحد في سنة رابعة ولسة هتخرج السنة دي لما كنت في سنك كنت بسمع كلام برضه عن المجالات دي وتايه بس الأحسن إنك تبدأي تدوري وتقرأي في المجالات على قد ماتقدري وتسالي ناس اكبر منك م اللي معاكي في الكلية وتستفيدي من معرفتهم+تخلي هدفك وإنتي في الكلية إنك تاخدي كورسات وتدريبات تجهزك بشكل كويس لسوق العمل اللي شامل كل اللي فوق دا واكتر لكن وإنتي بتاخدي كورسات هتلاقي نفسك ميالة لبعض الحاجات دي مثلا فتبدأي تتعمقي أكتر وتتعلمي أكتر فيها 

مقالات مهمة جدا

تعليقات