كهرباء باور ام اتصالات | معلومات عن قسم قوي وقسم اتصالات ومجالات عمل كل منهم

كهرباء باور ام اتصالات | معلومات عن قسم قوي وقسم اتصالات ومجالات عمل كل منهم

قسم كهربا او ما يقال عنه قسم العظماء، فى البداية كده اولى وتانية كهربا فى القسم بتعرف فيهم ميولك للتخصص بعد كدة سواء كنت عاوز باور او اتصالات عن طريق مواد بتتدرس من التخصصين،اهم حاجة فى كهربا تكون بتحب الرياضه وسريع فى الحسابات والفيزيا وخيالك واسع، نبدأ فى المهم التخصصات وشرح لكل تخصص سواء باور او اتصالات وعلي اساسه اختار انت عاوز تدخل ايه.

ما هو قسم كهرباء باور

قسم قوى والالات كهربائية  او كهربا باور(electrical power and machines department)
هو قسم عام تفرع منه كذا تخصص
( renewable energy-protection – control – distribution - machine – high voltage – power electrons )

تعال بقى نشوف احنا كمهندسين كهرباء باور هنشتغل ازاى فى التخصص السابقة
بص احنا هنولد كهرباء ونوصلها 3 نواحى
البيوت – المصانع – المنشات العامة

اولا البيوت
فى محطة توليد الكهرباء يبدا شغلك انت من ال generator بيوصل منه لمحول رفع وتتوصل خطوط من الخطوط بتروح محطات نقل
كمهندس كهرباء انا بعمل control و protection على ال generators and transformers and lines
protection يعنى بحمى المحولات والمولدات والخطوط من جهد او تيار عالى
control بعمل على المولدات علشان اعرف الجهود والتيارات خارجة وابعت اشارات تقول جهد والتيار كم الشارات ده بتكون عبرة خطوط نفسه بس فى اول خط من فوق اسمه خط الارضي
يبقى التخصص اللى لازم اكون عرفها علشان اشتغل فى محطة توليد
(protection , control , machine )
شغل المهندسات هنا فى protection
ـــــــــــــــــــــــــــــــــــــــــــــــــــــــــــــــــــــ
نيجى بقى فى محطات النقل فيها خطوط ومحولات وتنقل الكهرباء فى الخطوط
التخصصات علشان اعرف اشتغل فى محطات النقل
(machine , protection , high voltage )
وشغل المهندسات هنا فى protection او فى مكاتب
من محطات النقل الى مراكز التحكم الكبرى فى القاهرة ومنها الى محطات التوزيع
ــــــــــــــــــــــــــــــــــــــــــــــــــــــــــــــــــــــــــ
ومن محطات النقل الى محطات التوزيع
فيها محولات خفض جهد وخطوط وغيره
(machine , protection , high voltage )
وشغل المهندسات هنا فى protection او فى مكاتب
ـــــــــــــــــــــــــــــــــــــــــــــــــــــــــــــــــــــــــــ
المفروض بقى من محطة التوزيع للبيوت
هضيف تخصص جديد هو distribution
ممكن يطلب منك انك تعمل مخطط تصميم كهربى مدينة او قرية فى حالة ده انت designer وده ينفع جدا لمهندسات
وممكن يطلب منك انك نفذ مخطط لتصميم كهربى لمدينة او قرية على موقع فى حالة ده انت مهندس موقع
ــــــــــــــــــــــــــــــــــــــــــــــــــــــــــــــــــــــــــــــــــ
فيه بقى اللى بيشتغل فى محطات التوزيع او الشبكات الكهرباء اللى فى مدينة نفسها او شركة الكهرباء نفسها فى قطاع التوليد او شركة الكهرباء نفسها فى قطاع النقل والتوزيع او وزارة الكهرباء ( كل دول بيتعينوا عن مسابقات اغلبهم وسائط ) ( اغلبهم شغل ادارة ومكاتب وبرضو ينفع للمهندسات )
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ثانيا المصانع
بعد ما الكهرباء تدخل مصنع
دور كمهندس كهرباء فى المصانع
ممكن تبقى مدير مصنع او نائب المدير او رئيسى قسم مهندسى الكهرباء
او مهندس كهرباء بيتعمل مع الكهرباء للمصنع ككل او مهندس انتاج
علشان اشتغل كمهندس انتاج فى مصنع لازم يكون عارف تخصصين
( machine , control)
control علشان نظام الكامل لتحكم فى المصنع وتعرف تشتغل عليه
machine علشان تصلح الاعطال لو وجدت فى الالات المصانع
وشغل المصانع نادرا لما تشتغل فيه المهندسات
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ثالثا المنشات العامة
اللى اقصده انك تشتغل فى تخصص واحد بس هو ال distribution وده اغلب الناس شغالة فيه علشان سهل وفلوسه كتير ومتوفر جدا هو كورس بتاخده وبشتغل بيه
ياما انك تعمل مخطط تصميم كهربى بيت جديد او عمارة او فندق او فلة او مدرسة او مستشفى او مسجد او اى منشات عامة او شركة فى حالة ده انت designer وده برضو كويس لمهندسات
وممكن يطلب منك انك نفذ مخطط نفسها فى حالة ده انت مهندس موقع

المطلوب منى علشان اكون عارف التخصصات ده


1- machines
تكون عارف dc motor , ac induction motor , synchronous generator and transformer
ده كله هتدرسه فى الكلية فى تانية وتالتة ورابعة وطبعا مش هتاخد كل حاجات وساعات ممكن يوصل مقدر الاستفادة 0%
بالتالى انت لازم تبحث وتذاكر فى مراجع وتشوف فيديوهات عن كل دول
وبالنسبة للمحولات فانت ممكن تروح تدرب فى مركز شبكات حلوان كورس اسبوع محولات هتعرف كل حاجة عن المحولات وتشوف بعيينك ( على فكرة لما اخدته اكتشفت ان احنا ماخدنش حاجة فى الكلية)

2- control
كورس automation كامل بتكون من
classic control
plc basic
plc advanced
motor drive
ASCAD
لو اخد كورس اشتغل فيه بجد علشان تستفاد برضو مش هتاخد كل حاجة هتعتمد على نفسك كمان عن النت ومراجع

3- distribution
تخصص معظم الناس وزى ما قولت كورس من two levels وهتشتغل بي

4- protection
تخصص بتاخد معلومات فى الكلية فى تلاتة ورابعة وتبحث عن النت عنه كورسات
وفيه كورس 3 اسابيع فى شبكات حلوان

5- high voltage
معلوماتك فى كلية عن مواد power فى تانية وتالتة ورابعة وطبعا بتسفاد عن طريق المراجع والنت

6- power electronics
كل اللى اعرف عنه انك بتصنع
inverters , drivers
dc to dc inverter
dc-to ac inverter
ac to ac inverter in different frequency
وطبعا مفيش تصنيع وبنستورد ونستخدم فقط

فيه ناس يقول احنا هتخصص فى حاجة معينة

  • افرض بقى يا بطل اتخصصت وتخصصك مش جى لك شغل فيه وجتلك شغل كويس فى تجصصات تانية هتندم انك اتخصصت فى حاجة معينة


وفيه ناس بتقول انها لو عرفت معلومات عن كل حاجات هتنسى

  • ايوة هتنسى فعلا، مش هكدب عليك واقول لك انك هتفضل فاكر بعد الجيش لكن لما تاخد كل التدريبات والكورسات وتكون فاهم كل حاجة وتكتب كل المعلومات فى كشاكيل ويكون معاك date لكل كورس وكل تدريب وكل تخصصات على الكمبيوتر وجالك شغل فى تخصص كذا او كذا اجيب كل الورق والكشاكيل وdate والمراجع من الكمبيوتر وراجع يا معلم هتفتكر كل حاجة
  • وعلى فكرة انت اى مكان هتروح له هتدرب فيه، انت خارج من الكلية اسمك مهندس عندك اساسات تعرف تتعلم ازاى تشتغل معنا


ما هو قسم كهرباء اتصالات


تانى تخصص معانا فى كهربا (اتصالات) وده اللى هيكلمنا عنه م\محمود عبد الغنى
قسم اتصاﻻت: يعني اكتر قسم الناس بتبقي حابه تدخله وهي ف اعدادي قبل ما يسيطر عليها فكره ان المدني بيكسب فلوس اكتر 😀
قسم اتصاﻻت هو من اوسع المجاﻻت اللي ممكن تشوفها في حياتك، القسم حرفيا متشعب جدا لدرجه اننا مش هانقدر نحصر كل المجاﻻت في المقال ده

1- مجال embedded systems او اﻻنظمه المدمجه :

وده من اكتر الحاجات المطلوبه في السوق وهو عباره عن انك بتبرمج chip حاجه هاردوير كده زي الic اللي بنشوفوا كتير ف الكمبيوتر والموبايل وبتخليه يعمل الحاجه اللي انت تطلبها منه
الشركات اللي بتوظف مهندسين من النوع ده زي mentor graphics , valeo

2-مجال الNetwork او الIT عموما

وده طبعا اكبر سوق مفتوح حاليا نظرا لان كل الشركات ﻻزم يبقي فيها مهندس it طبعا المجال ده ﻻزم تاخد فيه كورسات كتير جدا وتتميز فيها اولهم الCCNA وبعدين تكمل ccnp او ccna VOIP او CCNA Security او حاجات تانيه كتير سيرش علي جوجل علي شهادات cisco ... طبعا المجال كبير وسوقه كبير ولكن بيبقي فيه منافسه من كليات تانيه زي علوم حاسب وحاسبات بس ده مايمنعش انك ممكن تكون مميز فيه
الشركات اللي بتوظف مهندسين it كل شركات وبنوك مصر تقريبا 😀

3-مجال الMobile communication

مجال الموبايل هو اساس دراسه القسم اساسا وده ﻻزم نبقي فاهم فيه انوا الmodulations او التعديﻻت اللي بتحصل علي اﻻشاره من اول ما تطلع من موبايلك لحد ما تروح موبايل اللي بتكلمه زي الGSM
الشركات زي اتصاﻻت وفودافون وموبينيل

4-مجال اﻻلكترونكس

كنا ممكن نحط تحته الembedded systems بس انا قولت اتكلم عن كل واحد لوحده
طبعا عشان تبقي كويس ف المجال ده ﻻزم تهتم بماده اﻻكترونكس اللي بتتكلم عن الترانزستور والدايود زي في فيزيا ثانوي عام بس علي اكبر حبه او حبتين تﻻته اربعه يعني 😀 ودي الماده
الوحيده تقريبا اللي هاتدرسها اﻻربع سنين ف القسم وﻻزم تهتم بالanalog design وال digital design
شركات زي سامسونج

5-مجال control

وده مجال بيشترك فيه باور واتصاﻻت مع بعض وده ﻻزم تبقي واخد كورس classic control وبعد كده PLC وتكمل ف الطريق ده وشغله مطلوب برضو بشكل كويس
الشركات : اي مصنع هتلاقي فيه مهندس كنترول

طبعا انت ممكن تاخد منح من جهات كتير ف مصر زي منحه ITI او ال NTI في اي مجال من المجاﻻت اللي فوق دي ماعدا الكنترول وميزتها انك حرفيا بعد ماتطلع هاتبقي شخص تاني ف المجال وبتتوظف ف شركات multinational والمنح دي طبعا عايزه بوست لوحديها... مش عايز اطول ... اتمني اكون قدرت اوصل ولو فكره بسيطه عن القسم

اقرأ ايضا



حجم الخط
+
16
-
تباعد السطور
+
2
-