القائمة الرئيسية

الصفحات

عايز اعرف كورس ‏professional program ‎ بتاع ‏eduvate ‎ مناسب ليا وانا لسه ف سنه تانيه ولا لا و هل هو كويس فعلا ولا اخد كورس ‏distribution ‎عادي شكرا

هذا السؤال سأله احد الزملاء وللاستفادة يوجد العديد من الاراء وكلا علي حسب هدفه وميوله ولعل افضل تعليقين هم الاتيين 

وجهة نظري هي إن كل سنة ليها الاختيارات الأمثل في الاجازه بتاعتها والتأهيل لسوق العمل مش عباره عن كورسات بس.
ف لو هنتكلم عن أجازه سنة تانية هفضل استغلالها في التعرف على السوق بشكل اكبر وده هييجي من خلال التدريبات في الشركات المختلفة. أجازه سنة تانية لو نزلتي فيها 2 أو 3 تدريبات في شركات مختلفة زي استشاريين (ممكن دكاتره الكلية بيبقى عندهم مكاتب ويساعدوكم تنزلوا تدريب فيها)، مقاولين (زي المقاولين العرب)، موردين (إيجيماك والماكو والسويدي للكابلات وايماس بيقدموا تدريبات للطلبة)، مصانع (مصانع الانتاج الحربي وحديد عز واعتقد حديد المصريين فيهم تدريب)، محطات كهربا (شمال القاهرة او المركز القومي للتحكم في الطاقة التدريب بتاعهم ممتاز) .. الخ.

الاستفادة من التدريبات دي هتكون مناسبة جداً جداً وهتوجهك اكتر في اخيتار البرامج التدريبية المتخصصة في الصيف اللي بعده
مش برشح الكورسات المتخصصة في صيف سنة تانية لان تخصصك في مجال من دلوقتي ممكن يضر في حاجتين: 
  • - ممكن تتحمسي للمجال اللي اخدتي كورس فيه دوناً عن الباقي ويخليكي تصرفي نظر عن باقي المجالات اللي ممكن نشتغل فيها كـ مهندسين كهربا وده مش صح من وجهة نظري والأفضل انك تتخرجي من الكلية جاهزه لأكثر من مجال بشكل كويس عشان تزودي فرصك في إنك تلاقي شغل.
  • - ممكن عدم جاهزيتك ونقص أساسيات التخصص اللي بتتشرح في الكلية في مواد سنة تالته تخليكي تاخدي حكم مش مضبوط عن المجال وتكرهيه أو يضعف ثقتك في نفسك.
في النهاية متستعجليش اسعي واحسبيها وتوكلي على الله وربنا يوفقك 🤝

عايز اعرف كورس ‏professional program ‎ بتاع ‏eduvate ‎ مناسب ليا وانا لسه ف سنه تانيه ولا لا و هل هو كويس فعلا ولا اخد كورس ‏distribution ‎عادي شكرا
----------------
😅 عشان نقفل القصة دي

في سنة اولى

اهم حاجة تاخدي تدريب واحد متنوع زي محطة او شركة أو صيانة عشان بس تاخدي فكرة عن مجالات الشغل و طبيعته و تشوف ميال لايه اكتر
مع الاهتمام الشديد باللغة و soft skills و computer skills

من سنة ٢

ندخل في خطوة اننا عايزين نقرب اكتر للتخصص اللي عايزينه.
هنا عندك مسارين اما كورس و ليكن في التوزيع او نكمل مشوارنا في التدريبات اللي في المحطات او الشركات مع شرط انها تكون مش في المجال اللي خلاص كرهته. طيب إجابة السؤال هل هستفيد لو اخدت كورس زي اللي بنقدمه في Eduvate

الإجابة اه طبعا هيحصل استفادة و كبيرة مش قليلة و هختلف هنا مع فيليب في نقطة مهمة اللي هم في المرحلة دي هتبقى سابق الزملا في نفس الفرقة بعد كده و لكن هل استفادتي بنفس درجة طالب ٣
الإجابة ان الموضوع مش كده
الموضوع شغف حضرتك الدراسي و ليكن
انت دخلت التدريب و كرهت المجال ده يبقى كده الحمد لله انت عرفت ان الكار ده مش كارك و تركز في حاجة تانية مع معلومة ان عندي معلومات متميزة في المجال ده لو احتجتها
و لو نجحت و بقى عندي شغف فيها يبقى انا هبني على ده بشكل كبير و اتطور اكتر في سنة ٣

و في رأي تاني هيقول لا انا اجهز الأول و اجرب في تانية و اتعلم اتوكاد مثلا او اقرا اكتر و اخد تدريب زي ده في ٣ و ده برضه رأي يحترم مش غلط
بس عندك التفكيرين بالشكل ده تفكر فيهم 
الموضوع مش بيقف عند حاجة واحدة و خلاص في ملايين الخطوات اللي ممكن اعملها بعد كده

تدريبات هندسية

تعليقات