القائمة الرئيسية

الصفحات






تجربتي كطالب هندسة كهرباء باور فرقة تانية وانزل تدريب صيفي فين

انا كنت نزلت العام الماضي بعد فرقة اولي كهرباء تدريب  في مركز تدريب شبكات حلوان التابع لشركة نقل الكهرباء 5 اسابيع وكل اسبوع دورة مكثفة عن موضوع معين (سبستيشن وبروتكشن ومحولات واختبارات محولات واخر كنترول) ونزلنا زيارةل محطة AIS ,و GIS غير معامل المركز الي موفره كل حاجة من محولات واجزائها وتدريب في المقاولون في اسبوع في الورشة المركزية واسبوعين في ادارة الاعمال الكهروميكانيكية التابعة للشركة وكمان نزلنا زيارة لمحطة مياه

والدكتور المسئول علي التدريب هذا العام كلمته علي الفيس قلي تعالي بكره المكتب عنده واما روحت قالي مينفعش من غير ما يلتفت ولا يشوف شهادات او محتوي ومش موافق عليهم ل3 اسباب 
  • في الاول بيقول علشان انا اخدت التدريب بعد اولي والمفروض اخده بعد تانية حتي انا جبت له الشهادات والمحاضرات والماتريل وكلمت المهندسين الي اتدربت معاهم علشان لو عاوز يكلمهم او اجبله خطاب من الشركتين ومشفهاش
  • وبعدين بيقول حتي لو طلعت السنادي مش هوافق علشان مطلعتش في مجموعة من 5 افراد من الكلية
  • ثالثا الله اعلم

والتدريبات الصيفية اللي الكلية موفراها للطلاب عبارة عن مجموعة شركات لانتاج وتوزيع الكهرباء لمحطات الكهرباء ويعتبر افضل المحطات اللي موجودة في مصر وكل طالب يختار الافضل تبعا لمكان سكنه




تدريب صيفي لطلاب فرقة تانية كهربا باور

  • شركة القاهرة لانتاج الكهرباء
  • شركة شمال القاهرة لتوزيع الكهرباء
  • شركة القنال لتوزيع الكهرباء
  • هيئة الطاقة الجديدة و المتجددة
  • المحطة الحرارية بالسويس
  • محطة طنطا
  • محطة ابوقير
  • محطة الكوريمات
  • محطة الغردقة
  • شركة الالمونيوم بقنا
  • طلخا
دلوقتي بما اني نزلت محطة توزيع قبل كده ففيه حيره ما بين اني اختار بين المحطات بحيث يكون فيه استفادة جديدة ـ فاضطريت اسأل واعمل استبيان علي اكبر جروب بيجمع مهندسين القوي الكهربائية بالاتي "يا بشمهندسين هاخد تدريب في محطة من المحطات دي للكلية ايه افضل تدريب وفيه استفادة

وكانت نتيجة الاستبيان ان المناسب لي محطة الكوريمات او هئية الطاقة الجديدة والمتجددة ثم شركة شمال القاهرة للتوزيع والتوليد، وايضا تعليقات الاخوة المهندسين للافادة 

تجربتي كطالب هندسة كهرباء باور فرقة تانية وانزل تدريب صيفي فين

تعليق فؤاد عيسي
تدريب الهيئة فعلاً عبارة عن محاضرات من واقع الخبرة ،مدمجة بزيارات لاغلب المعامل اللي ف الهيئة وبرضه هتشوف المحطة السولار اللي فوق الهيئة ، بشكل عامل التدريب واخد طابع الجو الحكومي الفايدة مش اللي هي برضه


تعليق مصطفي السيسي
سلام عليكم
اولا بالتوفيق لحضرتك ان شاء الله
وعشان ما تحترش اكتر في الاختيار
انت ممكن تقسم الاختيارت للاتي
اولا: توليد كهرباء ( انتاج كهربا) ودي هتشمل محطة توليد الكريمات ومحطة توليد طلخا ومحطة توليد السويس الحراريه وكمان شركة القاهرة للانتاج وانا في رأي المتواضع افضلهم الكريمات لانه مجمع كبير بقدرة كبيره وكمان في جهد ٢٢٠ك.ف و ٥٠٠ك.ف
ثانيا: محطات محولات ودي زي طنطا والغردقه مع العلم ان الغردفه فيها توليد بس صغير مقارنه بالكريمات ودي ممكن تخلص الموصوع في وقت صغير مش زي الكريمات مثلا
ثالثا: هيئة الطاقة الجديده والمتجدده ودا بردو مكان كويس وهيكون محاضرات بناء علي خبره وزياره موقع ومهم انك تعرفه لانه غي شركات ومجالات شغل اليومين دول
رابعا: توزيع الكهرباء دا هيكون هلي الجهود ١١ك.ف واقل وتقدر تفهم منه التوزيع للمدن مثلا
في الاخير رأي المتواضع
انك تفاضل بين الكريمات والطاقه المتحدده
وبعدهم التوزيع


تعليق مصطفي ابو النجا
بناءا علي تجربتي الشخصيه السابقه
في العموم مش هتلاقي القدر الكبير من الاستفاده ف المحطات الا إذا ربنا كرمك ببشمهندس أو فني ابن حلال
وبرشحلك شركه شمال القاهره للتوزيع لأنك هتشوف المعدات ع الواقع وأنك هتروح اكتر من محطه تابعه ليهم
والنصيحة المهمه اياك تفكر تروح شركه الانتاج هتضيع وقت ومجهود ع الفاضي الا اذا رحت السد مثلا

تعليق احمد قاسمهيئه الطاقه التدريب محاضرات وبتيجى ف اخر التدريب يوم الموقع بس ومبتطلعش توربينه

تعليقات