تدريب الشركة المصرية لنقل الكهرباء بمركز تدريب شبكات حلوان و اسماء البرامج التدريبية المتاحة لطلاب الجامعات وطلاب المعاهد العليا الهندسية

اسماء البرامج التدريبية المتاحة لطلاب الجامعات وطلاب المعاهد العليا الهندسية

اسماء البرامج التدريبية المتاحة لطلاب الجامعات وطلاب المعاهد العليا الهندسية

المقال ده عن مكان من أفضل الأماكن اللي اتدربت فيها حرفياً "مركز تدريب شبكات حلوان" ده عبارة عن مركز تدريب تبع الشركة المصرية لنقل الكهرباء .. ❤️ المكان ده حرفيا ممتاز لاي مهندس كهربا باور


بيبقي عباره عن انك بتروح هناك ويا سلام لو معاك سته اصحابك معاك بحيث انكوا تكونوا سته ع الاقل.. بتروحوا وتختاروا اي ورشه انتوا عاوزينها انا اخدت "Transformers " و "كنترول " و "substation " و "protection" و"خطوط هوائية "

في الترانسفورمر

البشمهندس شرحلنا كل حاجه بالتفصيل عن الترانسفورمر بالاضافة اننا كنا بننزل تحت نشوف كل حاجه بعنينا.وفي كل موضوع كان بيتشرح النظري من الساعة 9 للظهر ثم بعد الظهر بننزل المعمل المخصص. لدرجة اننا كنا بنطلع نتصور فوق الترانسفورمر 😂

في الكنترول

البشمهندسة شرحتلنا دايرة الكنترول لسلم وتشغيل الماتور وايقافة وتشغيلة بشكل دائم او بالضغط فقط واستخدام اكثر من كونتاكتور ودايرة واي دلتا واستخدام التيمر وفي كل يوم كنا بنعمل 3 تجارب عملي في المعمل بالكنترول وبيشرف علينا ويساعدنا المهندسين والفنيين، وكنا بنعمل الدواير بايدنا وبنتقسم مجموعات والي عاوز يعيد الدوائر اكتر من مرة براحته

في محطات المحولات substation

شرح انواع المحطات ومنها محطة GIS

الدورة كانت بتضمن 3 اشياء (مكونات المحطة - وشرحها بالتفصيل -وعمل زيارة ميدانية لمحطة جنوب القاهرة - وشرح كيفية ونظم تشغيل المحطة - بصراحة من افضل الدورات حرفيا في مركز التدريب يعني متكنش فاهم اي حاجة عن المحطات وبعد اسبوع تكون عارف كل حاجة في محطة المحولات من مكوناتها لكيفية تشغيلها لطريق عمل الصيانة وبعد خبرات سوق العمل


المهم في ورش كتير بتختار اي حاجة انت عاوزها.. الورشه بتكون لمدة اسبوع وف اخر يوم بتاخد شهاده انك اتدربت هناك.. بصراحه حاجه محترمه ونضيفه جدا وناس ما شاء الله عليها..

التقديم بيكون ازاي؟؟ 

بص حضرتك اولا التقديم بصورة الكارنية وصورة البطاقه مفيش اي حاجه تانيه .. بتروح ف نفس اليوم الساعه تسعه تقدم وانت واقف. ويفضل تيجي يوم الاحد 8ونصف علشان لو فيه عدد كبير


تمن الورشه 65 جنيه للجامعات الحكومية و 170ج للجامعات الخاصة


وده رقم الفون بتاعهم لو حبين تسألوا قبل ما تروحوا
 0223697200
01022082353

المكان بالتفصيل (عنوان مركز تدريب شبكات حلوان )

- لو انت قريب من المترو اقرب محطة مترو هي محطة طرة البلد او محطة كوتسيكا (علي خط المرج حلوان ) وبعد الخروج من المترو نطلع للكورنيش ثم نركب ميكروباص اتجاه حلوان وتنزل عند مركز تدريب الشبكات قبل محطة الكهرباء ( وده الطريق الافضل لكل الي جايين من طنطا وبنها وقويسنا والشرقية والمنوفية  بعد ما تكونوا في شبرا )او الي راكبين مترو

- لو ف مدينة نصر .. بيكون في عربيات عند نادى السكه والمقاولين بتروح حلوان وفيه بيعدي من الكورنيش

-ولو وصلتوا حلوان بتسالوا ع عربيات المعصرة .. اتاكدووا ان عربية المعصرة دى هتعدى من قدام الكورنيش عشان في معصرة تانيه ملناش دعوة بيها ^^ العربية دى بتعدى قدام مركز التدريب هتنزل هناك وبس .

المواعيد من 9ص حتي 1 ظهرا

تعديل المقال