القائمة الرئيسية

الصفحات

تعرف علي شركات التدريب الصيفي لطلاب الهندسة الكهربائية - قائمة بافضل 20 فرصة تدريب لطلاب الهندسة

تعرف علي شركات  التدريب الصيفي لطلاب الهندسة الكهربائية 2019
تخصصات الهندسة الكهربائية 

أسئلة كتير بتوصلني عن استغلال اجازة الصيف ومن خلال المقال ده هحاول أساعد بتوضيح التدريبات الشهيرة والشركات اللي بتقدم تدريبات محترمة مبنية على خبرات علمية حقيقية وجيدة وتضيف للسي في الخاص بك، واغلب التقديم للتدريب بيكون من شهر مارس.


1- برنامج UTW University To Work


البرنامج اللي أطلقته ECG والمستمر للدورة رقم (12)ويتم استضافته بواسطة شركة TEA Serv Academy الشركة الزميلة ل ECG أقوى برنامج تدريبي في مجال التوزيع وهو واللي بتشرف اني كنت مسئول عنه من الدورة (8) للدورة (11) والبرنامج خريجينه كتير ومتميزين في كل المجالات وبتشارك فيه عدد كبير من الشركات الراعية والمساهمة في التدريب زي شنايدر اليكتريك، السويدي ، 3 Brothers وسيراج للاضاءة وغيرهم من الشركات.

البرنامج لطلاب الفرقة الثالثة.

لتفاصيل أكتر من خلال صفحة البرنامج University To Work Initiative

أو من خلال هاشتاج #UTW_Electrical


2- Energy University


برنامج تدريبي مقدم من شنايدر اليكتريك وبيعتمد على دراستك الفعلية لعدد من الكورسات الاونلاين المقدمة من خلال الموقع https://www.se.com/…/energy-university-free-online-training…

وفي النهاية بيتم عدد من الطلاب الأكثر مشاهدة فعلية لحضور تدريب في مقر الشركة بالتجمع الخامس.

البرنامج لا يشترط دفعة بعينها


3- Schneider Electric Summer Training


التدريب الصيفي لشركة شنايدر اليكتريك وده بيتم الاعلان عنه قبل فصل الصيف وبيتم توضيح طريقة التقديم

البرنامج لا يشترط دفعة بعينها


4-ABB Summer Training


التدريب الصيفي لشركةABB وده بيتم الاعلان عنه قبل فصل الصيف وبيتم توضيح طريقة التقديم وبتكون في الأغلب من خلال الموقع الرسمي للشركة.

البرنامج لا يشترط دفعة بعينها


5-Best In Class Training Program


البرنامج مقدم من شركة Siemens وبيتم الاعلان عن التقديم ومراحله خلال الفترة بداية من شهر مارس والبرنامج بيتنوع في المحتوى اللي بيتم تقديمه وبيكمل طبقا للحاجة اللي انت متميز فيها

البرنامج لا يشترط دفعة بعينها ولكن يفضل تحضره وانت في اجازة رابعة لأقصى استفادة


6- APE Training Program


البرنامج اللي أطلقته ECG وصل لدورته الثالثة وهيتولى التدريب فيه فنيا فريق Eduvateويستضيفة شركة TEA Serv Academy وبتشرف بالاشراف عليه.

البرنامج بيركز على التصميم الكهربي بالاضافة للبرامج المتعلقة بده والزيارات اللي بيقدمها عدد من الشركات المشاركة في التدريب زي سيراج للاضاءة و3 Brothers ودلتا للاضاءة وChint - EGEMAC وشنايدر اليكتريك وميمكو لتصنيع اللوحات الكهربية وH&A للاضاءة وغيرها من الشركات.

البرنامج بيسمح لتقدم طلاب الفرق الثالثة والرابعة وحديثي التخرج حتى سنتين

لمعلومات أكتر من خلال صفحة البرنامج APE Training Program

أو من خلال هاشتاج #APE_Electrical


7- El Sewedy T&D training Program


البرنامج اللي بتقدمه شركة السويدي على مدار أسبوعين وبيتم فتح باب التقدم له خلال الفترة دي بداية من مارس.


8- Shaker Academy Training Program


برنامج تدريبي أطلقه مكتب شاكر لتدريب الطلاب وبيفضل حضوره لطلاب الفرقة الرابعة وبيتم فتح باب التقدم له مع نهاية فصل الصيف.

لمعلومات أكتر عنه من خلال Shaker Consultancy Group


9- كورسات في مجال التحكم Classic Control و PLC


على مدار سنتين وصلني عنهم Feedback متميز وأتطلع للتشرف بهم باذن الله وده من خلال الدبلومات المقدمة من HA Consulting Group


10- كورسات في مجال التوزيع


طبعا ده من أكتر المجالات اللي ظهر التأليف العلمي فيها واللي لازم نأكد انه حضرتك لازم تعرف خبرات المهندسين اللي هيدربوك ومتبقاش بس معتمد انه شغال في شركة مشهورة وهو يمكن أصلا يكون مكملش فيها 6 شهور على بعض حتى طبعا ده بخلاف الاخوة اللي أصلا مشتغلوش بس بيشرحوا :D بس ما علينا


تقدر تتابع صفحة فريق Eduvate هتلاقي عليها مجموعة من المهندسين كبيرة بتشرف اني واحد منهم.

تقدر تتابع MZS Academy

وتقدر تتابع CAD MASTERS


11- Project Management Training Courses


اذا مش هتثقدر تدرس حاجة زي PRMG في الجامعة الأمريكية فأقدر أرشحلك الآتي:

فريق Calibers وبيقدموا كورساتهم في CAD MASTERS


طبعا ده جزء بسيط جدا من تدريبات كتير تقدر تستفيد منها بالاضافة لزيارات محطات الكهرباء والتدريب في شركات التوزيع ونزول المواقع مع شركات مقاولات زي البرنامج اللي بتقدمه شركة أوراسكوم و شركة المقاولون العرب وحسن علام وريدكون وغيرها من الشركات


هحاول الفترة الجاية أوضح أكتر تدريبات أخرى



التدريبات الصيفية الوحيدة المتاحة حاليا في شهر اغسطس لطلاب كهربا وقبل انتهاء الاجازة هي



  1. مركز تدريب شبكات حلوان التابع لشركة نقل الكهرباء ورسوم التدريب 65ج لطالب الهندسة الحكومي و175 ج لطلاب المعاهد والجامعات الخاصة الفاصيل هتلاقيها في اخر المقال
  2. مصنع tiba solar factory بيقدم تدريب طاقة شمسية لمدة 15 محاضرة بمبلغ 2500 يعتبر غالي لاغلبنا


لو مش مناسبين معاك ممكن تاخد دبلومة كنترول او كورس ديستربيوشن او تتعلم برنامج اتوكاد وديلكس او ريفيت اونلاين او تاخد كورسات انجليزي وتجهز نفسك بان يكون الانجليزي ممتاز قبل ما تتخرج

واعمل حسابك السنة الجاية في مواعيد حجز التدريبات الي بتكون في الترم التاني زي

  1. تدريب ميناء القاهرة لطلبة كهربا بيبدا الحجز من شهر 2
  2. تدريب شركات الكهرباء ( شمال او جنوب او الدلتا او غيرها ) بتكون بداية من شهر 4
  3. تدريب السويدي وAPP و شنايدر بتكون بداية من 4واحيانا 5 وممكن تفتح APP في شهر 6 كمان
  4. وتدريب المصانع الحربية هتكون ممتازة لو انت في اولي او تانية كهربا
  5. تدريب مصر للطيران
  6. منحة UTW و برنامج APE و شركة ECG لو في ثالثة قدم فيها فرصة ممتازة وهتنزل تدريب في اكثر من شركة محترمة
  7. لو انت خارج محافظة القاهرة ابعد عن تدريب شركات المقاولات هتكون مجرد مضيعة للوقت وهما اصلا مش فاضيين للطلبة
علي موقع بريمو هندسة هتلاقي قسم اسمه هندسة بيندرج تحته فرع التدريبات الهندسية علي الموقع افتحه وشوف التدريبات المناسبة ليك ولو محتاج اي استفسار راسلنا علي جروب الفيس بوك الخاص بالتدريبات ، او من خلال التعليقات


تدريبات اخري

تعليقات