لماذا يتم رفضك عند التقديم علي العمل | حقائق صادمة عن ال CV

لماذا يتم رفضك عند التقديم علي العمل | حقائق صادمة عن ال CV

5 حقائق صادمة عن مجال ال CV هتفهمك  ليه بيتم رفضك و محدش بيكلمك عند التقديم علي اي وظيفة 

1. اللى بيقيم ال CV بتاعك مبقاش hr خلاص ، بقي نظام عالمي اسمه ATS . و دا نظام سفاح بمعني الكلمة بيشيل 80% من السيفيهات لعدم توافقها مع الوصف الوظيفي بتاع الشركة او لاخطاء ساذجة المعمولة فى سيفي بتاعك .( و هو مطبق فى مصر بقاله كام سنة فى الشركات الكبيرة و المتوسطة )

2. السيفي بتاعك لازم يتفادي تلت مراحل عشان يتقبل .
  • مرحلة الشكل ( المنظر العام و التناسق و توحيد اللون الاسود و المسافات الخ ) .
  • مرحلة المحتوي ( انه يكون خبرات العمل و التطوع و الكورسات قوية كفاية ان تتقبل )
  • و اخيرا مرحلة التدقيق اللغوي ( خلوه من الاخطاء الاملائية و الاخطاء اللغوية ) .
اى خطا فى واحدة من دول استعوض ربنا فى السيفي بتاعك
 
3. عدم توحيد المعايير و ضعف مستوي المعرفة بالمجال فى الوطن العربي ، و دا بيزود الضغط على كاتب السيرة الذاتية انه لازم يعملها على معااير دولية مفهاش غلطة عشان يتجنب الفلترة الغير مقصودة من HR اللى اغلبهم جاهل بالمعايير الجديدة بسبب عدم دراستها فى الكلية او الدبولمة اللى اخدها
 
4. تكملة على النقطة اللى قبلها ، كونك HR دا لا يؤهلك للعمل فى مجال تقييم و كتابة السيرة الذاتية لان لازم الخلفية المهنية بتاعتك تكون Career Coaching او ما شابه مش HR عشان يبقي عندك دراية بجميع المجالات وا لتخصصات و قادر على طرح الاسالة لاستخراج المعلومة من العميل ، عشان كدة فى فرق شاسع ما بين Recruiter و CV Consultant

5.  مجال السير الذاتية هو واحد من احدث المجالات فى العالم و اغلاها سعرا ، متوسط اسعار السيفيهات العالمية 150 دولار الى 200 دولار ، و فى منظمات بتعامل معاها شخصيا بتعمل سيفي المديرين ب 1500 دولار و السبب فى دا ان اولا مجال مبينتهيش . مستمر الى ما لا نهاية 

حتي بعد مظهرت ال Bio و Linkedin و E portfolio برضو السيفي تربع على العرش ، الطلب عليه اكثر منا العرض بكتير .
عدد اللى شغالين فيه فى العالم كله قليلين جدا جدا ، و بيطلب سنين من الدراسة و الممارسة لحين احترافه .

حسيت الدنيا كلكعت و قفلت فى وشك ؟ متقلقش هتفهم كل حاجة عن المجال دا و اسراره و ازاي تتفادي كل الاخطاء
سواء انك تعمل السيفي بنفسك باحترافية او حد متمرس يساعدك فيه من المقالات الاتية علي موقع بريمو هندسة



حجم الخط
+
16
-
تباعد السطور
+
2
-