ازاي تعمل cv كمهندس معماري ؟ | وتحميل نموذج cv مهندس معماري

ازاي تعمل cv كمهندس معماري ؟ | وتحميل نموذج cv مهندس معماري doc

بتدور علي شغل ؟ بتقدم علي وظيفة جديدة ؟ طالب وعاوز تجهز السي في الخاص بيك ؟ يبقي لازم تعرف اهمية ال cv وانه مش بياخد اكتر من دقيقة عشان يتقرا عشان كده كتابة السي في لازم تبقي منظمة وواضحة وهنا هنتكلم عن خطوات كتابته.
1- personal data
الاسم ورقم التليفون والايميل وحسابك علي linkedin يعني كل وسائل التواصل معاك.
2- summary
بتكتب ملخص قصير جدا عنك ميعديش 3 سطور بتتكلم فيه عن صفاتك الشخصية والي هتقدر بيها تفيد الشركة الي انت مقدم ليها.
3- Education
بتدرس او درست فين , تقديرك ايه , عامل دكتوراه او ماجستير ولا لا وايه هيا سنة التخرج.
4- Work History
اكتب كل الأماكن اللي اشتغلت فيها قبل كده او اتدربت فيها والمشاريع الي شاركت فيها واكتب نبذة بسيطة عن كل عمل او مشروع ودورك فيه.
5-Skills
اكتب كل مهاراتك سواء لغات عارفها او برامج بتعرف تشتغل عليها زي الماكس والريفيت مثلا او soft skills زي presentation skills , communication skills او مهارات القيادة يعني اكتب اي مهارة موجودة فيك وهتبقي مفيدة للشغل.
6- Courses
اكتب كل الكورسات الي اختها وتاريخ الحصول عليها والاماكن الي حصلت عليها منهم.

كده انت عرفت الstructure المناسب للسي في نيجي لشوية ملاحظات سريعة
* الـسى فى كل ما عدد صفحاته تقل كل ما يبقى أحسن، صفحة أو صفحتين بالكتير عشان يبقى فيه الحاجات المهمة بس و المختصر المفيد لان الcv مش هياخد الا كام ثانية عشان يتقرا
* حط نفسك دايما مكان ال HR وفكر ايه المميز فيك عشان يقبلك!!
* اعرف عن الشركه كويس قبل الInterview (أهدافها - الVision بتعتها - المشاكل اللى واجهتها الشركه فى الفتره الآخيره) عشان تبينلهم انك مهتم بشركتهم.
* اوعي تكتب حاجه او مهارة مش فيك لانك معرض في اي وقت انه يسالك عليها لو اتقبلت في الانترفيو.
* لو هتطبع السي في و تبعته ورق يبقى لازم تتأكد من جودة الطباعة و إن الورق يبقى أبيض أو off white و تحطه في ظرف نضيف.
*99% من مسئولى التوظيف بيطلبوا الـCV بصيغة PDF أو DOC و الأفضل PDF و يكون اسم الملف إسمك بالكامل منغير كلمة CV.
* فيه مواقع بتساعدك تعمل cv بشكل منظم زي



* لو عاوز تستلهم وتشوف سى فى لمهندس معمارى شوف الاتنين دول



* اما لو عاوز تحمل templates جاهزة بصيغة الورد وتعدل فيها تقدر تحمل من هنا
https://templates.office.com/en-us/CV-resume-TM00002021

* خلصت كتابة السي في ؟ دلوقتي جه وقت التعديل راجع السي في وتاكد انه خالي من الاخطاء الاملائية وبعد كده افتح المقال ده https://www.primo-engineering.com/2020/06/cv-errors-as-engineer-reasons.html (موجود فيه الاسباب الي بتخلي الHR يرفضوا السي في بتاعك)واتاكد انك معملتش اي حاجه تخلي السي في بتاعك يترفض.

اقرا ايضا



حجم الخط
+
16
-
تباعد السطور
+
2
-