القائمة الرئيسية

الصفحات

Fire alarm system operation and interface with other systems شرح نظام انذار الحريق والتنسيق بينه وبين التخصصات الاخري

Fire alarm system operation and interface with other systems شرح نظام انذار الحريق والتنسيق بينه وبين التخصصات الاخري

Fire alarm system operation

هنتكلم إن شاء الله فى موضوع مهم جدا جدا فى نظام ال fire alarm system ومن وجهة نظرى هو أهم جزء فى النظام وهو ال
system operation and interface with other systems  واللى بيكون أساس تنفيذ رسومات ال shop drawing وكذلك الprogramming

وغالبا ال design drawing الخاصة بال fire alarm system بتكون رسومات بدائية وبيهمل فيها الجزء الخاص بال interface مع الأنظمة الأخرى وبالتالى لازم المهندس الإستشارى المشرف على التنفيذ يكون فاهم الجزئية دى كويس وكذلك مهندس المكتب الفنى اللى بيعمل ال shop drawing.

 تعالوا نتخيل سيناريو إنذار ونشوف إيه اللى بيحصل وإى اللى المفروض يحصل وبالتالى هنوضح عن طريق المثال ده ال operation وال interface مع الأنظمة الأخرى واللى برمجة النظام بتتبنى عليهم عن طريق عمل حاجة إسمها Cause and effect matrix وهنوضحها فى آخر البوست إن شاء الله

 هنتفترض إن عندى مبنى مكون من عدد من الأدوار و بدروم (جراج سيارات) حصل عندى إنذار من حساس فى أى دور  الحساس ده بدوره بيرسل إشارة للوحة التحكم fire alarm control panel (FACP) وبيظهر على الشاشة الخاصة ال graphic unit مكان الحساس ورقمه او لو مفيش graphic unit بيظهر على ال LCD screen الموجودة فى ال FACP وبناءا على السيجنال دى اللوحة المفروض تاخد أكشن:
  • أول اكشن إن اللوحة بتبعت سيجنال للسارينة الموجوده فى المكان ده فقط عشان تضرب و تنبه ال occupant يعنى الناس اللى موجوده فى المكان وده فى حالة إن السراين addressable او السراين اللى فى الدور كله تضرب وده فى حالة السراين مش addressable واصلة على control module خاص بالدور وبعد كده لازم أتأكد من إن الإنذار ده حقيقى عشان أكمل باقى ال sequence اللى بتحصل فى حالة حدوث حريق
  • وبتأكد من وجود حريق عن طريق ما يلي :
  • إن الراجل ال operator اللى قاعد قدام ال graphic unit يبعت حد من ال security يشوف فعلا فى حريق فى المكان ده ولا لا ولو كان فى حريق فالشخص ده بيسحب أقرب كاسر (manual call point) ليه وبكده اللوحة بتميز إن ده حريق على طول ولو مفيش حريق فبيبلغ ال operator عشان يعمل clear للإنذار ده
  • ممكن أتأكد بردو عن طريق كاميرات المراقبة فى حالة إنى عامل interface مع نظام ال CCTV وفى الحالة دى أول لما يجى إنذار من حساس فى مكان ما فمباشرة بيظهر المكان ده على الشاشات الخاصة بنظام ال CCTV وبالتالى الراجل ال security operator يقوم بسرعه ساحب أقرب كاسر ليه فى حالة وجود حريق أو يبلغ ال operator بتاع ال fire alarm إن مفيش حريق فيعمل clear للإنذار من خلال اللوحة او ال graphic unit
  • حاجة كمان بتأكدلى إن فى حريق فى المبنى وهو إن لو فى sprinkler ضرب وبالتالى المياه هتمشى وبالتالى لازم اراقب ال flow switch الموجود على المحبس بتاع الحريق Zone control valve والخاص بكل Area وبكده لما ال flow switch ده يحس إن فى سريان مياه على طول يدى سيجنال للوحة FACP عن طريق ال Monitor module اللى بوصله عليه و بالتالى اللوحة بتفهم إن ده حريق مباشرة بدون تأكيدات تانية.
  • كده أنا إتأكدت إن فى حريق فى المبنى طيب مش عشان أتأكد محتاج وقت  يبقى بالتالى لازم أبرمج اللوحة على تأخير زمنى للإنذار اللى جاى من الحساسات فقط وبيكون بضع ثواني

خلاص لوحة ال FACP إتأكدت إن فى حريق هتقوم واخده شوية أكشنات حلوين :

أول حاجة هتنبه أولا الناس الموجودة فى الدور اللى فوق ,واللى تحت الدور اللى فىه الحريق عشان ليهم أولوية الهروب نظرا لقرب الحريق منهم وبعد بضع ثوانى المبنى كله يتحول على نظام ال evacuation وهو إن بيتم إذاعة رسائل مسجلة مسبقا عن طريق ال evacuation speakers والسراين بتضرب فى المبنى كله  طيب لو معنديش evacuation system فى الحالة دى السراين بتضرب وبعمل interface مع نظام ال public address (sound system) عشان أذيع رسائل إجلاء فى حالة الحريق  طيب لو معنديش نظام public address فى الحالة دى بعتمد ع السراين فقط

طيب دلوقتى أنا عندى نظام access control والناس وهى بتهرب اساسا مش شايفة قدامها عشان تستخدم card readers او حتى exit pushbuttons عشان تخرج من الأبواب اللى عليها access control وبالتالى لازم أعمل interface مع كل ال access controllers عشان تعمل release لكل الأبواب أو ابواب معينة فى حالة الحريق وبعمل ال interface ده عن طريق إنى بركب control relay module بيدى سيجنال للوحة ال access فى حالة الإنذار.

كمان مينفعش الناس تستخدم المصاعد فى الهروب يبقا لازم أعمل interface مع ال elevator بحيث إنه ينزل لدور الهروب ويفتح بابه ويقف وبيحصل ال interface ده عن طريق control relay module يدى سيجنال من لوحة ال FACP للوحة الكنترول بتاع المصعد (بالمناسبة يمكن استخدام المصعد عن طريق رجال الإطفاء فقط عن طريق حاجة اسمها fire man switch)

طيب بالنسبة للدخان اللى هيموت الناس لحد ما يهربوا لازم نقلله فلازم نطفى مراوح ال fresh air وال AHU واللى بدورها بتدخل هواء للمكان وده عن طريق تركيب control relay module يدى سيجنال للوحة ال MCC اللى بتتحكم فى المراوح عشان تفصلها 

كمان لازم مراوح سحب الدخان تشتغل عشان تسحب وده بيحصل عن طريق إن لوحة ال MCC اللى بتتحكم فيها تاخد سيجنال من لوحة ال FACP عن طريق control relay module بيوصل على لوبة الحريق ويتركب جنب لوحة ال MCC

مراوح ال smoke دى بتكون أحيانا مصممة إنها تسحب دخان من دور واحد فقط وفى الحالة دى بيركب motorized dampers فى كل دور على داكت ال smoke وبيكون مقفول فى الوضع النورمال وفى حالة الحريق بيفتح ال motorized damper فى الدور اللى فى الحريق فقط عشان كده لازم اعمل interface بين نظام الإنذار وكل ال motorized damper اللى موجوده فى المشروع وبيحصل ال interface ده عن طريق ال control module وبيكون مناسب لجهد التشغيل الخاص بال damper وفى بعض الماركات زى سيمبلكس فيها كنترول موديول ٢٢٠ فولت ٢ أمبير (وبالمناسبة ال dampers دى لازم تتوصل من كابلات fire resistant ويفضل لو من لوحة ال MCC الخاصة بمراوح ال (smoke fan)

بردو فى بعض ال mechanical design تقولك أنا عاوز أخلى الدور اللى فوق واللى تحت الدور اللى فيه الحريق يكون positive pressure بحيث الدخان ميطلعش من الدور اللى فيه الحريق وفى الحالة دى مش هقفل مراوح ال fresh air وفى حالة الحريق ال motorized damper اللى موجود فى كل الأدوار هتقفل ماعدا الدورين اللى فوق وتحت الدور اللى فى الحريق وبيحصل ده عن طريق تركيب control module مع كل motorized damper والخاصة بداكت ال fresh

بردو أحيانا مراوح ال smoke بتكون متركبة على نفس خط ال return بتاع ال AHU وفى الحالة دى بيركب اتنين motorized damper واحد قبل مروحة ال smoke والتانى قبل ال AHU وفى حالة الحريق ال damper الخاص بال AHU بيقفل وال Damper الخاص بمروحة ال smoke بيفتح

طيب الناس بردو اللى بتهرب دى عاوز أأمن مسار الهروب ده من الدخان ومن النار عشان ميتخنقوش ويموتوا فبيتم تركيب pressurized fan بتضغط هواء فى السلم عشان يبقى positive pressure والنار والدخان ميطلعش من جوا الجور للسلم وبالتالى لازم المراوح دى تاخد سيجنال من لوحة ال FACP عشان تشتغل فى حالة الحريق وده بيحصل بردو عن طريق control relay module بيدى سيجنال. للوحة ال. MCC اللى بتتحكم فى المروحة

Fire alarm system interface with other systems

كده الحمد لله ظبطنا موضوع الهروب و الدخان فى بقا بعض ال interfaces اللى لازم تتعمل ومنها مايلى :

Car barrier and rolling shutters and sliding doors :
  • عشان أعمل release لكل ال barriers والابواب سواء rolling أو sliding
BMS :
  • عشان بردو ال operator اللى قاعد قدام نظام ال BMS يعرف إن فى إنذار لأن بيكون فى operator واحد احيانا لل fire وال BMS 
  • وكمان عشان لو programing scenario ممكن أعمله من خلال ال BMS فى حالة حدوث حريق زى اللى شرحناه فوق 
FM200, Novec, foam, and CO2 systems :
  • لازم أراقب لوحة الكنترول الخاصة بكل نظام من الأنظمة دى عن طريق monitor modules وبراقب فيها alarm, battery ac power على الأقل
Tamper valve switch
  • وده المحبس الخاص بزونة إطفاء الحريق وبراقبه عن طريق monitor module عشان أتأكد من إنه مفتوح بإستمرار وعشان يجيلى إنذار لوحد قفله
Co system
  • وده نظام مراقبة تسبة غاز ال co اللى بينتج من عادم السيارات واللى لازم لما يزيد عن نسبة معينة لازم أشغل مراوح تسحبه وغالبا بتكون هى هى مراوح ال smoke عشان كده دايما مراوح سحب الدخان اللى بتخدم جزء البدرومات بتكون سرعتين أو ٣ سرعات عن طريق variable speed drive
  • لو سرعتين بيكون السرعة الأقل فى حالة ارتفاع نسبة ال CO
  • والسرعة العالية فى حالة ال fire وده بعمله عن طريق السيجنال اللى رايحة للوحة ال MCC اللى بتتحكم فى المراوح دى
  • ولو ٣ سرعات بتكون أقل سرعة exhaust عادى عشان أعمل circulation للهواء فى البدروم والسرعة التانية فى حالة ارتفاع نسبة ال co والسرعة الثالثة فى حالة الحريق وده بيكون طريق السيجنال الخاصة اللى رايحة للوحة ال MCC واللى بتيكون فيها variable speed drive . م/احمد ماهر
 
 تلخيصا لكل ماسبق

تعليقات