القائمة الرئيسية

الصفحات






ما هي مكونات جهاز إنذار الحريق وكيف يعمل ؟

نظام انذار الحريق في خلال هذا المقال سيتم مناقشة ماهو نظام انذار الحريق ومكوناته الاساسية ووظيفة كل منها بالتفصيل،حيث يتكون نظام انذار الحريق من 3 اجزاء وهم كالاتي

  • Monitor
  • Alarm
  • Control
جهاز انذار الحريق  - ما هي مكونات جهاز إنذار الحريق وكيف يعمل

Monitor:

النظام وظيفته الأساسية يقوم بمراقبة جميع اجزاء المبنى للتنبيه المبكر عن حدوث أى حريق عن طريق توزيع حساسات فى جميع الأماكن المغلقة والمفتوحة طبقا لمسافات بينية معينة يحددها ارتفاع السقف ونوع الحساس الذى يعتمد على طبيعة المكان المراد مراقبته حيث تنقسم الحساسات إلى

  • 👈Smoke detectors
  • 👈Heat detectors
  • 👈Flame detectors
  • 👈Manual break glass
  • 👈Multi sensor (heat and smoke)
  • 👈Beam detector
  • 👈Fiber Optic Linear Heat Detection

for Special Hazard applications زى خزانات الوقود او الزيت
👈وبيستخدم كل نوع حسب طبيعة المكان يعنى مينفع اركب smoke detector فى مطبخ مثلا أو فى غرفة مولد أو فى أى مكان فيه دخان أو غبار


  • مثلا مينفعش فى مصنع ورق او مطبعة استخدم smoke or heat detector عشان معنى انى استنى ان يحصل دخان او حرارة المكان تعلى ان المصنع كله ولع فالبتالى لازم استخدم flame detector عشان يدى انذار بسرعة اول مايشوف نار
  • نفس الكلام فى غرفة المولد مينفعش استخدم ولا heat ولا smoke وان كان ممكن استخدم heat ولكن يفضل استخدم flame detector

🤔مثلا فى المبانى الجمالونات اللى الاسقف بتاعها عاليه جدا هيكون غير مجدى استخدام heat or smoke وهيكون مكلف جدا جدا وبالتالى باستخدم beam detector

👈وهكذا كل مكان المفروض اتخيل نوع الحساس المناسب ليه
وكل حساس من دول بيكون ليه cover area معينة ولازم تعمل تداخل overlap بين المناطق دى
يعنى مثلا الsmoke detector بيغطى دائرة نصف قطرها 7.5 متر وال heat بيغطى مساحة دائرة نصف قطرها 5.3 متر فى حالة ان السقف عندى 3 متر وكل ماالسقف يعلى بتقل الدائرة دى وكمان عشان اعمل overlap بقلل نصف قطر الدائرة دى مع الأخذ فى الإعتبار انى ممكن معملش overlap فى الطرقات

👈 كمان النظام ممكن تراقب بيه أى حاجه فى المبنى عن طريق حاجه اسمها monitor module زى ال محابس المياه المستخدمه فى اطفاء الحريق (tamper and flow switches) عشان لو حد قفل المحبس ده يعطى انذار واقدر أعرف عشان مينفعش المحبس ده يتقفل عل الاطلاق أو فى مياه مشيت فى شبكة المواسير معنى كده ان فى حريق وان النظام محسش ابيه.

👈ممكن كمان اراقب اى مثلا اى لوحة انذار تانية فى المبنى زى اللوحات المستخدمه فى أنظمة مكافحة الحريق باستخدام غاز co2 او Fm200 او Novec او ال Foam system

 خلصنا المراقبة ندخل بقا ع ال Alarm 

فالنظام بيدى إنذار عن طريق ان بيظهرلك ع الشاشة اللى فيها الجرافيك أو فى لوحة التحكم أو طبعا والاساسى عن طريق استخدام سراين فى المبنى أو سماعات عن طريق رسالة اجلاء مبرمجه للعمل فى ساعة الحريق والاجلاء evacuation system

النظام بيكون نوعين تقليدى او معنون addressable والفرق بينهم ان مثلا لوحصل حريق فى مكان ما🤔 فى النظام التقليدى مبيظهرليش المكان بالضبط عكس النظام المعنون بيظهرلى مكان العطل بالضبط ع الجرافيك ورقم الحساس فى اللوحة

كده خلصنا الانذار والمراقبة نيجى بقا لل control :

النظام بقدر اتحكم من خلالة فأى معده عندى فى المبنى زى مراوح سحب الدخان انها تشتغل ساعة الحريق وجميع معدات التهويه والتكيف انها تبطل ساعة الحريق وكمان المصاعد انها مثلا تنزل لدور الهروب وكمان نظام التحكم فى الدخول والخروج ال access control بحيث ان الأبواب يتعملها release اثناء الحريق عشان عملية الهروب والاجلاء كمان بتحكم فى السراين انها تشتغل فى دور معين ودور لا حسي مكان الحريق وبتحكم كمان فى air and smoke dampers بحيث انها تفتح وتقفل حسب سناريو الاطفاء والاخلاء cause and effect matrix
وبتتم عملية التحكم دى عن طريق

  • Control relay module
  • Control module

ده باختصار شديد بس فى النهايه بردو مننساش ان النظام بيكون فيه auto dialar بيتبرمج انه يتصل بأكثر من رقم أثناء الحريق منهم رقم المطافى وكمان بيكون فيه printer بتسجل كل حاجه بتحصل فى النظام لحظة بلحظة وكمان بيزود ببطاريات تضمن تشغيل النظام 30 دقيقة فى حالة الحريق و 24 ساعة فى حالة stand by

عذرا لو فى معلومات ناقصه عشان جه كان رد على بوست ولما لقيته الرد طول قول أرفعه لتعم الفائدة
واللى حابب يسأل عن حاجه أو محتاج أى داتا أو material أنا تحت أمره

تعليقات