الفرق بين ++C والـ C والـ #C؟ وكيف تتعلم كل منهم


كتير مننا وهو بيبدأ مساره في البرمجة، بيبدأ بالـ ++C، طيب إيه هي الـ ++C والفرق بينها وبين الـ C والـ #C؟ المقال النهاردة هيكون عن أهم الفروقات بينهم، وإيه المجالات اللي بيدخلوا فيها

لغة الـ C:

اللغة دي يعتبر من أقدم اللغات وتم اختراعها سنة 1972، وكان من أهم أسباب اختراعها هو تطوير نظام Unix، اللي كان بيتم تطويره سابقًا باستخدام الـ Assembly..
طبعًا لغة الـ C حاليًا من أهم اللغات اللي بتستخدم في الـ Hardware بشكل عام نظرًا لسرعتها وإنها حرفيًا بتفهم أقل الأوامر اللي ممكن تحصل في أي كمبيوتر!
تقدر تتعلم لغة الـ C على اليوتيوب عن طريق:
  •  يوسف شوقي.
  •  حسونة أكاديمي.
  • Solo learn

 لغة الـ C#:

لغة الـ C Sharp تم اختراعها بواسطة مايكروسوفت سنة 2002، وتعتبر امتداد لـ لغة الـ C، وهي قايمة على الـ .Net Framework، واللي ميعرفش الـ .Net Framework، بص يا سيدي، هي ببساطة عبارة عن Framework بتقدم شكرة مايكروسوفت وزي ما تقول كدا دي حلقة الوصل بين أجهزة الكمبيوتر والبرامج اللي أنت بتعمل لها Setup على جهازك.. ومن مميزات لغة الـ C# إنها بتجمع بين وظائف الـ C & C++ مع الـ Visual Basic.. 

اللغة دي بيتم استخدامها لبرمجة حاجات كتير، زي الـ Apps on Windows، وبعض الحاجات في الويب بشكل عام!
تقدر تتعلم لغة الـ C# على اليوتيوب عن طريق:
  •  حسونة أكاديمي.
  •  Solo learn.

لغة ++C:

لغة الـ C++ تم تطويرها من قبل طالب دنماركي كان بيحضّر دكتوراه، وكان كل هدفه إنه يخلي اللغة دي امتداد للـ C، وكمان يضيف فيها الـ OOP -> اختصار Object-Oriented Programming، بس في نفس الوقت مش عاوز يضحي بالسرعة أو الـ Efficiency بتاعتها!

لغة الـ C++ تعتبر من أسهل و أسرع اللغات اللي أنت لو عندك أساس برمجي كويس، تقدر تتعرف على كل الأوامر وتتقنها بسهولة جدًا، غير إنك لو Problem Solver، فالـ Coaches بيرشحوها بكل ثقة لأنها سهلة جدًا، وحقيقي بتعلمك تكتب كل حاجة بإيدك وبتفهك صح، عكس لغات حديثة دلوقتي زي الـ Python مثلًا.لغة الـ C++ بتستخدم في حاجات زي الـ Neural networking Building في مجال الـ AI، وكمان بتستخدم في برمجة ألعاب الفيديو!
تقدر تتعلم لغة الـ ++C على اليوتيوب عن طريق:
  •  د.محمد الدسوقي
  • عادل

اقرا ايضا



حجم الخط
+
16
-
تباعد السطور
+
2
-