بنك مصر

تفاصيل تدريب بنك مصر 2021 لطلاب تجارة وهندسة | Bank of Egypt training

Ahmed Amin
اخر تحديث :
تفاصيل تدريب بنك مصر 2021 لطلاب تجارة وهندسة بريمو هندسة

بالنسبة لتدريب بنك مصر .. هتدوس عالموقع ده https://internship.banquemisr.com/
وبعدين هتدوس علي كلمة تسجيل وهتجيلك الصورة انك تملي بياناتك

هتكتب اسمك ثلاثي او رباعي بالعربي و الخانة اللي جمبها اسمك بالانجلش

النوع هتختار ذكر او انثي و بعدين جمبها تاريخ الميلاد ..ركز ان تاريخ الميلاد لازم تحط شرطة بين اليوم والشهر و السنة ..علي سبيل المثال :
09-06-1999
اول ملحوظة وهي ان الارقام انجلش لو كتبتها عربي هيقولك في خطأ ، تاني ملحوظة ان لو تاريخ ميلادك فاليوم او الشهر مكون من رقم واحد مش رقمين يبقي هتحط 0 قبل الرقم زي منا عامله كده اما لو مكون من رقمين هتكتب الرقمين من غير ما تحط 0

هتكتب الرقم القومي بتاع البطاقة و برضو بالانجلش مش عربي و الخانة اللي جمبها رقم موبايلك برضو انجلش مش عربي

بتكتب البريد الالكتروني اللي هو الايميل اللي عامله علي برنامج Gmail ولو مش عامل اعمله قبل ما تقدم والخانة اللي جمبها هتكتب باسورد بس مش الباسورد بتاع الجيميل..اي باسورد ياجي ف بالك بس المهم احتفظ بيه عشان تقدر تدخل بيه عالموقع بعدين

في عنوان الاقامة هتكتب المدينة بتاعتك او لو من المحافظة نفسها هتكتب اسم المحافظة و جمبها هتختار المحافظة بتاعتك من الاختيارات

هتختار بعدين الكلية بتاعتك من الاختيارات و جمبها الجامعة برضو هتختار جامعتك

الفرقة هتختار السنة اللي انت لسه مخلصها او اللي بتمتحن فيها لو لسه شغال امتحانات

هتختار تقديرك بتاع السنة اللي فاتت و متقلقش كل التقديرات بتتقبل اما لو انت سنة اولي والنتيجة مطلعتش بتختار التقدير اللي انت متوقعه بناء علي الترم الاول و حلك الترم ده

هتصور البطاقة بموبايلك وترفعها بس اتأكد ان الصورة حجمها اقل من ١ ميجا ..لو الفون بتاعك ايفون هيجيبلك ابوشن تصغير حجم الصورة عالموقع نفسه اما لو اي فون تاني يبقي صغرها او اضغطها ب اي ابلكيشن عندك ولما تحط الصورة حط الناحيتين بتوع البطاقة

نفس النظام كارنيه الكلية يكون اقل من ١ ميجا ولو مش معاك كارنيه هات اثبات قيد من الشئون

لو خدت التدريب السنة اللي فاتت بتدوس عالعلامة لو مخدتهوش خلاص متعملش حاجة و بعدين تدوس اوافق عالشروط وبعدين اتمام
بعد ما تعمل اتمام هتجيلك صورة اثبات انك قدمت بس فيها تاريخ غلط ف هتدوس علي كلمة دخول علي اليمين من فوق وتسجل ب ايميلك و باسوردك اللي قدمت بيهم هيجيلك التاريخ بتاع السنة دي اللي هو ٧/١١ ده اليوم اللي هتفتح فيه الموقع عشان تحمل الماتريال .. اما لو جايبك صورة فيها ايرور ف ده بسبب ضغط عالموقع ف جرب تاني اكتر من مرة لغاية ما يقدم
تقريبا دي كل المشاكل اللي ممكن تواجه حد ف التقديم


مقالات ذات صلة
تعديل المقال
الأقسام

مقالات قد تهمك




حجم الخط
+
16
-
تباعد السطور
+
2
-