القائمة الرئيسية

الصفحات

ازاي بيشتغل مترو الانفاق وبيتغذي من الفضبان في خط شبرا المنيب | معلومات كهربائية عن خطوط مترو مصر

ازاي بيشتغل مترو الانفاق وبيتغذي من الفضبان في خط شبرا المنيب

ازاي بيشتغل مترو الانفاق وبيتغذي من الفضبان في خط شبرا المنيب؟

التغذيه بتيجى من محطات RS "Rectifire station" ودى بيكون الخرج بتاعى DC وبيكون 750 فولت الموجب بينطبق على ال third rail ودا اللى انت بتشوفه بين السكتين الرايح والجاى اللى هو القضيب المعلق دا والسالب اللى بيقفل الدايره بيكون هو السكه اللى ماشى عليها المترو

هو المترو طيب بيكون متوصل بيها ماديا؟


اه بيتوصل بيها عن طريق كف معدنى اسمه connector shoe ودا لو خدت بالك بيكون موجود تحت كل باب من اللى ع اطراف العربيه وطول ما المترو ماشى دا بيكون ملامس للقضيب فا دايما فى تيار واصل ليه وبعد منه فى دايره حمايه ومنها بعدها متوصل على انفرتر بيحول التيار ال dc ل تيار متردد 3 فاز عشان يغذى المواتير والمراوح والتكييف لان كله شغال 3 فاز


الكلام دا في الخط الثاني والثالث بس، الخط الاول بياخد كهربا من تراي علوي فوق القطار وارضي في القضبان اما الخط الثاني والثالث من التراي اللي بين السكتين

هتسألنى ليه حولت التيار ل dc وبعدين رجعته تانى متردد ما كنت سيبته زى ما هو وخلاص؟


هقولك لان تكلفه انشاء قضيب واحد لل dc اسهل بكتير من تكاليف اكتر من قضيب ل تغذيه ال 3 فاز

 ايه اللى مختلف عن اللى انا قولته؟

هى هى نفس الفكره بس بدل لما بتاخد التغذيه من القضيب عالارض بتاخدها من اللنيه من فوق عن طريق البانتوجراف والفرق الوحيد بين الخطين ان الخط الاول اللى هو المرج حلون دا المواتير بتاعته dc اصلا فا مفيش جزء الانفرتر

طيب كده حضرتك القضيب بتاع المترو بيكون موصل للتيار يعني لو واحد لمس القضيب بايده او مشي ع القضيب بتاع المترو يتكهرب ؟؟؟


لو انت قصدك تتكهرب من القضيب اللى بيمشى عليه القطر ف دا لأ مش هيحصل حتى لو ف اى خط من التلاته بتوع المترو، اما لو قصدك تتكهرب من القضيب بتاع التغذيه وعشان احدد دا بيكون مرفوع عن الارضى بماده هى تبان معدن بس هى ماده عازله وكمان متغطى من كل الجناب عدا من تحت ودا تقريبا كافى جدا للحمايه او مرفوع فالهوا خالص زى اللى فالخط الاول فوق المترو نفسه مش هتتكهرب بقى الا لو رحت لمسته انت من تحت ودى مسمهاش هتتكهرب انت هتودع الدنيا كلها ف غمضه عين


اقرأ ايضا:

تعليقات