القائمة الرئيسية

الصفحات

انضم لافضل التدريبات الصيفية لطلاب هندسة كهربائية مركز تدريب شبكات حلوانNTC



مركز تدريب شبكات حلوان من افضل التدريبات لطلبه كهرباء واتصالات فرقه اولي او ثانيه خصوصا فيه استفاده كبيره جدا ، وان كل اسبوع تدريب في موضوع معين علي حسب ما انت تختار في بداية الاسبوع فهو اشبه بكورس عملي مكثف في اسبوع
انضم لافضل التدريبات الصيفية لطلاب هندسة كهربائية مركز تدريب شبكات حلوانNTC
الشركة المصرية لنقل الكهرباء مركز تدريب الشبكات بحلوان

فيه اكثر من 20 موضوع للتدريب ممكن تختار كنترول او محطات قدرة او محطات توزيع او كاد او plc او اتصالات او الكترونيات او محولات ومواضيع اخري بتبدا كل اسبوع

المواعيد من الاحد للخميس الحضور الساعه 8ونصف والانصراف الساعه 1

التدريب للكليات الحكومية ب 65ج في الاسبوع وللكليات الخاصة ب 170 ج في الاسبوع
وليك شهادة في نهاية التدريب بشرط انك متغيبش وملتزم بالمعاد والجميل ان التدريبات متاحة طول السنه يعني كل اسبوع فاضي فيه تاخد موضوع معين وبشهاده وتدريب عملي وبالالات حديثة مش هتلاقيها كلها في الكليه ، التدريب بيحضره غير الطلبة خريجين

اقرب محطة مترو ليك هي طرة البلد وهتطلع علي الكورنيش وتركب ميكروباص اتجاه حلوان وتنزل بجوار شركة كهربا حلوان (مركز تدريب الشبكات) وده لكل الطلبه الي جايه من المنوفيه او القليوبيه او الشرقيه او من داخل القاهرة من عند شبرا الخيمة

ومصاريف المواصلات يوميا كالاتي
  • من بنها لمحطة مترو شبرا الخيمة (10ج) 
  • من محطة مترو شبرا لمحطة مترو طره البلد (7جنيه)
  • من محطة طره البلد ميكروباص اتجاه حلوان( 3ج)
وزيهم وانت مروح وده اسهل طريق لمركز تدريب شبكات حلوان التابع لشركة كهربا حلوان وهتصرف كام بالضبط

بامانة كل العاملين او المهندسين ناس محترمة جدا ويا بخت الي يتعامل مع مهندسين بالحلاوة دي ، المهندس بسأله ويساعدني ويساعدنا من غير ما يحرجنا او يقل مننا واسلوب راقي بعيدا عن المعيدين والدكاتره المعقده انا من اول يوم كنترول حبيت المكان واتمني اني اشتغل فيه ويكون المهندسين دول رفقائي في العمل

ودي كانت تجربتي في اول يوم في مركز تدريب شبكات حلوان

ركبت من بنها للمؤسسة ومن محطة مترو شبرا الخيمه ركبت المترو وغيرت في السادات لخط مترو حلوان ومكنتش عارف انزل اي محطه فاتصلت بالاستاذ محمود بمركز تدريب حلوان التابع لشركة كهرباء حلوان وقلي انزل محطة مترو طرة البلد وتركب ميكروباصات علي اليمين علي الكورنيش الي بتعدي علي مركز تدريب شبكات حلوان الي بجوار شركة جنوب القاهرة بحلوان

ولكن للاسف ركبت غلط وبدل ما اركب اتجاه حلوان من علي الكورنيش ركبت اتجاه المعادي ونزلت عند محطة مترو جنوب القاهرة للتوزيع بالمعادي، المشكلة اني سألت يجي اكثر من 10 اشخاص وظابط مرور وسواقين وكلهم طلعوا غلط ومش عارفين المكان وبيفتوا ، حتي وانا واقف عند محطة كهرباء جنوب القاهرة بالمعادي وباسأل اركب ايه لمحطة كهرباء حلوان ، فبردو بيفتوا ويقولوا المحطة وراك اهي ، وهي اصلا مش هي ، وظابط شرطه قلي روح اركب المتروالمعادي لحلوان واتمشيت لغيه المترو وداخل اركب فبسأل سواق فطلع فاهم وقلي اطلع الكورنيش واركب اتجاه حلوان وهتنزل امام مركز تدريب شركة كهربا حلوان ، حسيت انه عارف الطريق فمركبتش مترو وطلعت ركبت ميكروباص.

وسواق الميكروباص ملقتش ابرد من كده لم اجره الركاب وطالع فبعض ملم الاجره وقف 10 دقايق يكمل العربية والمفروض اني اكون موجود في مركز تدريب حلوان الساعه 8ونصف روحت مركز تدريب حلوان علي الساعه 11

والحمد لله دخلت وسبت بطاقتي علي البوابة الخارجية وطلعت لاستاذ محمود واستاذه ايمان المسئولين عن التدريب ، كان ردهم ان الشرح النظري اتشرح انهارده وابدا الاسبوع الجاي وهما شغالين في التجارب انا كنت اخترت الاسبوع ده كنترول ومفيش مشكلة عندي والفضل يعود لكرم الاستاذه ايمان وافقت وقلتلي روح ادفع في الخزنة ومليت استمارة التدريب.

وذهبت الي قاعة الكنترول (قاعه المحولات) بجوار السلم الدور الثاني ، وعملت تجربة طرفي سلم و3 اطراف سلم وصلينا الظهر وعملت تجربتين اخرين مع وضع سيركت بريكر وعمل تطويل للمفاتيح من اماكن مختلفة والحمد لله خلصتهم اول واحد وفيه مزكرة بالعربي هناك جميلة وبكده كان اول يوم في تدريب مركز شبكات حلوان Ntc

اقرأ ايضا
تدريب الشركة المصرية لنقل الكهرباء بمركز تدريب شبكات حلوان و اسماء البرامج التدريبية المتاحة لطلاب الجامعات وطلاب المعاهد العليا الهندسية


ودي بعض اعمال اليوم الاول كنترول  هصغر مساحتها وارفعها علشان حجمها كبير

ودي كانت تجربتي في اول يوم في مركز تدريب شبكات حلوان

ثاني يوم المهندسة شرحت في الكنترول الكونتاكتور والريلي و القاطع الحراري وكيفيه حدوث عمية الاتش وشرح دايرة تشغيل وايقاف الماتور (تشغيلة بشكل دائم باستخدام START BUTTON  او ايقافة باستخدام STOP BUTTON  ) الدايرة بالرغم من سهولتها الال انه حصل تركات لازم نلاحظها منها 
ان الماتور الي شغالين بيه SINGLE PHASE  وايه الرسمه او طريقة التوصيل الي تخليه تشتغل THREE PHASE
ان 

تعليقات

تعليق واحد
إرسال تعليق
  1. سلام عليكم ممكن رقم تليفون حد عشان استفسر منه بس ارجو الرد بسرعه

    ردحذف

إرسال تعليق