القائمة الرئيسية

الصفحات

تجربتي مع بنك اسكندرية فرع الشروق في استلام حوالة جوجل ادسنس بواسطة ويسترن يونيون فرع الشروق

تجربتي مع بنك اسكندرية فرع الشروق في استلام حوالة جوجل ادسنس بواسطة ويسترن يونيون فرع الشروق

تجربتي مع بنك اسكندرية فرع الشروق بنادي هيليوبلس

فرق السماء والارض ما بين استلام حواله ادسنس من البنك العربي الافريقي وبنك الاسكندرية، مش عارف بيختاروا الموظفين والامن علي اي اساس هل بيكون علي اساس الكفاءة والتعامل الجيد مع الجمهور ام الواسطه والرخامه علي العملاء 

انهارده الثلاثاء شهر ١٢ روحت استلم حوالة ادسنس عن طريق بنك اسكندرية فرع مدينة الشروق المجاور لنادي هيليوبولس وللاسف اتصادمت فيه اكتر من مرة ومع كل موظف ، 
اولا انا كنت روحت الفرع ده يوم السبت علي اساس انه بيفتح السبت بس الموظف قلي انه بيفتح الجمعه والسبت لاعضاء النادي فقط 
ثانيا اما روحت يوم الثلاثاء الساعه ٩ طلع البنك بيفتح الساعه ١٠ وده الفرع الوحيد الي بيفتح متاخر

٣- اما دخلت اسلوب بتاع الامن مش كويس نهائي ، معايا شنطه صغيره في الايد زي المحفظه بيتحت فيها فلوس والكارنيهات فبيقولي افتح وريني الشنطه فيها ايه فتحت لقي فيها فلوس ومفتاح وورقه حواله جوجل مطبوعه  دي اصلا شنطه يد صغيره ، وغير اني معدي علي البوابه.

٤- وبعدين اداني الاستمارة املاها وطلبت قلم اكتب بياناتي قلي استني لحظه يجي ٣ مرات وده مش اسلوب تعامل ، غير اني حسيته بيصورني بالتليفون مش عارف ليه

٥- المفروض اول واحد رايح استلم حواله ومفيش حد قبلي ، واما روحت استلم الحواله وقلت للموظفه هستلم حواله ويستريونيون وادتها ورقه الحواله مطبوعه ، فقالت باستغراب شركه جوجل ، فقلتلها اه هستلم حواله ادسنس من شركه جوجل فقلتلي طب خد امضي علي الورقه دي ، يعتبر اول مره امضي علي الورقه دي من ٣ سنين وهي عبارة عن الغرض من التحويل ايه ، مش فاهم هم عبط ولا ايه ما انا مسلم ورقه الحواله من الشركه مطبوعه

غير ان الموظفه قلتلي اقلع الكمامه ، وانا فهمت انها عوزاني اظهر في الكاميرا او تشوف شكلي، وعادي انا بتخنق من الكمامه ، بس دي قله ذوق من اول ما دخلت ومفيش اي اسلوب تعامل نهائي لبعد ما خرجت

ودي اخر مره ممكن ادخل الفرع ده حتي كنت هشوف موضوع المحفظه الاكترونيه بس اتخنقت من الموظفين وخرجت مشيت ، من الكام حركه الي عملوهم  ومتوقعش ان ده مستوي فرع في مدن جديدة ده او فين بيكون افضل من كده

تعليقات