القائمة الرئيسية

الصفحات






شكاوي من رفض بنك الاسكندرية تسليم حوالات ويسترن يونيون شركة جوجل - تجربتي مع بنك الاسكندرية فرع قويسنا في استلام حوالة جوجل ادسنس

انا بستلم حوالات شركة جوجل عن طريق ويستريونيون من اكثر من 3 سنين وفي كل مرة بضطر اتعامل مع الفرع ده  (بنك الاسكندرية فرع قويسنا) بيتاكدلي انه مش بنك دي كانت تجربتي النهاردة 22-4-2020 مع فرع قويسنا بنك الاسكندرية وهتكون اخر تعامل مع البنك
اسوء بنك تجربتي مع بنك الاسكندرية فرع قويسنا في استلام ارباح جوجل ادسنس شهر 4 -2020

تجربتي مع بنك الاسكندرية فرع قويسنا

انا روحت استلم حواله ويستريونيون من بنك الاسكندرية فرع مدينة قويسنا واستنيت من 9.5 ل12 خارج البنك في الشمس مستني دوري ومفيش كراسي بره والدور بطئ جدا، لدرجة اني استنيت الوقت ده كله وكان قبلي 7 اشخاص فقط

وبعد ما دخلت مليت الاستماره والموظفه خدت الاستماره والبطاقه والورقه المطبوعه ببيانات الحواله
وبعدين بتقولي مفيش استلام اموال من جوجل ، فبقولها انا لسه مستلم الشهر الي فات امتي الكلام ده ، فردت رد احنا علشان خاطركوا خلناكوا تقبضوا الشهر الي فات بالرغم ان شركة ويستريونيون مكنتش بتسلم  وبتحسسني اني بشحت منها مش جاي استلم حواله من الخارج، قلتلها انا بقالي 3 سنين بسحب الفلوس ومفيش مشاكل فبتقول خلي ويسترن يونيون تقبضك هو الامر في ايدهم ، ومرديتش ترجع الاستماره الي مليتها وفيها بياناتي ورقم الحواله وممشيتش الا اما قطعتها قدامي طالما مش هترجعها ومش عارف مش عاوزه ترجعها ليه وفيه كل البيانات ومش هستلم الحواله برغم ان فيه فروع اصدقائي استلموا منها وفروع الموظفين الي فيها ميصحش يكونوا موظفين بنك


وعاوز اوصل للادارة اننا كاصحاب مواقع الكترونية جميعا مقاطعين البنك ومش هيكون فيه اي تعامل طالما بنتعامل كده كل مرة
يعني في مرة الموظفة تقول مبنسلمش غير حوالات الاقارب بس..شوف فرع تانى ، ومرة تانية الموظف يقول هات امضاء من شركة جوجل علشان تستلم - باين كده ان المنظومة متهالكة خالص The worst bank and mistreatment and do not recommend it to anyone


تعديل بتاريخ 26-4-2020 ، انا كنت عملت في موظفة بنك الاسكندرية فرع قويسنا  شكوي وفي الفرع وكلمت خدمت العملاء وقالوا تستلم من اي فرع عادي - وروحت استلم الحوالة انهاردة يوم 26-4-2020  من نفس البنك (بنك اسكندرية فرع قويسنا )ونفس الموظفة قالتلي برضو مبقناش نسلم حوالات جوجل شوف فرع تاني او انت كنت بتقبض من فين فروح البنك العربي الافريقي  وبعدين قلتلها انا استلم من اي فرع طالما مفيش حاجة رسمي تمنع استلام الحوالة ، وهي تقول انا من حقي اني مسلمكش الحوالة ومش لازم يعني نعلق ورقة بان الي خيستلم حوالة من شركة جوجل ملهوش استلام ، واصريت اني استلم من الفرع ده وخلتها تكلم خدمة العملاء تتأكد وبعدين بعد ما خلصت المكالمة بتطلع ورقة من عندها وتقول اقرأ كده احنا بنسلم الحوالات الشخصية والعلاج والاقارب ،  وفي الاخر سابت كل ده ومسكت في سبب التحويل ويعني ايه شركة جوجل والفلوس جايالاك ازاي وايه جوجل ادسنس والمنزل فين بالضبط واكتب بياناتك بالعربي ، وكل ما تقول يمين اقولها شمال وكمان المدير طلع مش فاهم وبيقول انك بتستلم الاموال دي نظير عمل اعلانات لشركة جوجل وانك عندك مواقع وبتعرض عليها اعلانات ولا كأنه موضوع تعبير ، وقعدت يجي نص ساعة عقبال ما سلمت الحوالة غصب عنها طالما معايا كل البيانات وايصال الحوالة مصوره والبطاقة ومليت الاستمارة وبتقول دي اخر مرة تقبض من البنك وانا مبسلمش غير الحوالات الشخصية والعلاج والعائلية - هو للاسف اما بتتعامل مع واحدة جاهلة لازم تتعب الي قدامها وتعطل مصالح العملاء ولازم لو حد قابله موظفين بالنوعية دي ميسبش حقة يضيع كده وميمشيش الا اما يستلم الحوالة ، انا كنت رقم 4 واستنيت يجي ساعة ونصف عقبال ما استلم حوالة ويسترن يونيون من بنك الاسكندرية والدور بطئ جدا بسبب كده

بنك اسكندرية يتواجد بالقرب من الادارة التعليمية بقويسنا وبجوار مصلحة الضرائب وعلي بعد 5 دقائق مشي من الموقف ومواعيد العمل خلال الحظر والازمة شهر 4 -2020 من الساعة 9ونصف صباحا ل 1ونصف ظهرا

تجربة مع بنك الاسكندرية فرع الاسماعيلية

بنك اسكندريه فرع الاسماعيليه عاوزين امضي من جوجل 😅الي يشوفه يقول انه دافع الفلوس من جيبه ،عالم حقودة بجد. لو كان ابنه او حد يعز عليه الي جاي يستلم كان قله خليك بالبيت انا هستلمها عنك واجيبهالك البيت . بس لمن تكون الحاجه لغيرهم بقولو نظام وماعرفش ايه


تجربة مع بنك الاسكندرية فرع المنصورة


بصراحة بنك الاسكندرية زبالة اول مرة اروح اسحب منة النهارده فرع المنصور زحمة الدنيا فيه قاعد في الشارع من ١١ الصبح لغي ٦ اخر النهار وفي الاخر بيقلي هتلي صورة الوصل اسكنر اقلة انا سحبت من بنوك كتير من غير صورة الوصل قلي مينفعش بنحتاج الصورة قلت اروح اصورها واجي قلي مش هينفع عشان هنقفل قلته هات الورقة الي فيها بياناتي مش رادي يجبة مردتش امشى غير لما قطعها وفي الاخر روحت ملقتش موصلات ومخدتش فلوسي اللي هية حقي

بصراحه شي مخزي بنك الاسكندرية فرع المنصورة انا من المنزلة وجالي تحويل من جوجل ادسنس روحت اليوم بتاريخ 22\4\2020 الساعة ١١ صباحا الاقي عدد كبير من الستات والشباب في الشارع وكل اللي يمشي يسالنا المة دي اية المهم اخدت ورقة ورقم الاقي رقمي ٦٧٦ المجموعة التانية قلنا نصبر ندور علي قلم نكتب البيانات مفيش حتي مكتبة نجيب منها قلم من ١١ صباحا الي ٦ مساء ايو مش هتصدقة مهم قفله علينا الباب المهم ندهو علي اسمي بيقلي هت صورة الايصال اسكنر قلتله انا سحبت من بنوك كتير منا العربي الافريقي ومطلبض ده مع اني معاية جميع البيانات والتحويل باسمي وجميع البيانات متاحة اون لاين من الهاتف ومرديش قلتله اروح اصورها وجيلك يقلي لو خرجت مش هترجع خليها بكرة وخد ورقة البيانات اللي مليتها بعد ما اتختمت قلتله هت الورقة لان فيها بياناتي مرديش قلتله مش همش غي لما اخدة دي بيانات التحويل ورقم البطاقة قلي هتيجي بكرة خدتة علي هواه وقلتلة حاضر وبرقم جديد قلتله حاضر راح مقطع الورقة من الساعة ١١ صباحة لغاية ٦ مساء القطر وقف عشان الحظر روحت الموقف ملقتش موصلات انم في الشارععشان خاطر بنك الاسكندرية لو كان لازم الصورة كان يقلنا وانا مكنتش لوحدي معاية اكثر من صديق اجرنا عربية مخصوص لان محدش راضي يوصلنا عشان الحظر طب ده يرضي مين ملحوظة انا ساحب من جوجل ادسنس من فروع كتير من بنك العربي الافريقي مطلبش شي بل صور البطاقة عندة وقعدتش اكثر من ٥ دقاءق وسحبت من فروح المنصورة والاسماعيلية وغيرهم مفيش الكلام ده وعيزنا نتاعامل معاكم تاني للاسف بنك ميشرفش التعامل معاه

تم رفع شكوة على صفحة بنك الاسكندرية وجاري حل المشكله في فرع المنصوره ولاي عضو حصلة مشكلة في بنك الاسكندرية يمكنة التوصل علي هذه الصفحةhttps://www.facebook.com/ALEXBANKOFFICIAL/

تجربة مع بنك الاسكندرية فرع طنطا في ظل الازمة


هو في مشكلة عموما فرع ويسترن نفسة اللي ف النحاس شغال وكل حاجة بس مش بيقبض حد بيستلم من جوجل قال استنوا لاخر الشهر ياتستلم من بنك تاني

ممكن سبب الاسئلة ان الاغلبية العظمي بيسمعو اسم جوجل وان الحوالة من شركة علي النت مش حوالة من شخصية تقربلك بيكون في اسئلة او بعض النظرات الغريبة حتي لو مقدرش يسئل

تعمل ايه لو مفيش حد ردي يسلمك الحوالة بتاع جوجل

اي حد بيعاني مع ويسترن يونيون او اي بنك من البنوك في استلام أرباح ادسنس يبعت ايميل باللي حصل معاه للبنك المركزي او يتصل يعمل شكوي لما اكتر من حد يشتكي هيحترموا نفسهم وهيتعاملوا معاكم كويس بعد كدة
  • البريد الإلكتروني: info@cbe.org.eg
  • التليفون: 16777
في الشكوي بتاعتك حدد مكان البنك عشان تبقي محدد المشكلة حصلت فين وبتشتكي مكان محدد،اعملها هتجيب نتيجة الفلوس من حقك تستلمها من اي فرع حتي فروع ويسترن يونيون اللي بتقول مش بنتعامل مع جوجل

طريقة تعامل موظفين ويسترنيونيون بنك الاسكندرية مع اصحاب حوالات جوجل

من كذا شهر في فرع عندنا الموظف فضل يحور علي ويقول لي انتوا بتقبضوا بالساهل واحنا جاتنا تعلميات من المركزي بعدم تسليمكم دفعات ووو الخ رحت الفرع الرئيسي لبنك الاسكندرية واستلمت بس لو انت عايز الصح المفترض اي موظف ميسلمكش دفعة ويقول كلام من دماغة تتصل بالفرع الرئيسي وتعمل فيه بلاغ واحد صاحبي راح بنك اسكندرية عندنا الموظف رفض يسلمة الدفعة اتصل بالفرع الرئيسي وبلغه المرة التانية او ما راح الموظف كان ناقص يشيله ويشيلنا من الارض شيل والله ويقول ازاي تبلغوا في ده احنا خوات يعني انا لو شايف في دفعتك حاجة غلط ابلغ فيك ..........

للاسف معظمهم بياخد قرارات بشكل شخصي راجعة من انه مستكتر عليك الدفعة وشياف انه موظف بنك بياخد اقل منك وانت صايع نايم في البيت بتكسب اكتر منه لدرجة ان موظف حقير قالها لي بالحرف نتوا بتاخدوا فلوس وانتوا نايمين قلت له ياريب تنام زي ما بنام بالضبط انا بشتغل 16 ساعة يوميا والفلوس دي مش لي ده لناس معاي فجأة موسيقي حزينة طيب ما تخلي كل واحد يستلم فلوسة يا ابني انا خايف عليك والله من الحسد ....

لو هفتح حساب فى بنك الاسكندرية هل تنصحني بشئ 

بغض النظر عن الموظفين أنا بتكلم عن المرونة فى السحب اونلاين فى ناس نصحت به بس عاوز تجربه فعلية لوحد جربه
  • اي بنك هتتعامل معاه اونلاين لا غني عن خدمة العملاء علي الهاتف هتحتاجهم يعني هتحتاجهم
  • وبالنسبة لموظفين بنك اسكندرية بشكل عام لسه عايشين في سنه 1919 هيطلعوا عينك
  • سيستم بنك ممتاز و موظفين مش فاهمين حاجة و لو وقعت في موظف بيفهم بيكون صدفة هتتمني تتكرر تاني فترة طويلة
  • نصيحه بلاش بنك اسكندرية

تعليقات