كيف لتطبيق كلوبهاوس القدره علي تغيير المشاعر ؟
مواقف متكرره من سوء التفاهم برغم بساطتها اصبحت منتشره مؤخرا علي Clubhouse اغلب الرومات الي دخلتها كان فيها اشخاص زعلانين من بعض علي حجات تافه والموضوع كبر من نقل الكلام او كبر او عدم اعتراف بالخطأ او كان هزار ، والغريب اني كنت في وقت مطالب بتبرير نفسي في كل موقف لا اعلم عنه شئ .
اخر هذه المواقف التي لم اتوقعها ان صديق عزيز لي علي Clubhouse يعملي unfollow علي شئ لا اعلم عنه شئ (ان شخص نزله من علي الاستدج مرتين ) ووقت حدوث المشكله كنت نصف نائما كأغلب الايام يعني بنام شويه واصحي ( الروم بتتعمل من ١١م حتي ٧ او ٨ص) ، وللاسف كنت من ضمن المودريتور ، الروم الي كنت فيها مقدرش اقول ان فيه شخص عمل كده او اتهم حد زور بل بالعكس كلهم كويسين وهذا الصديق ايضا كويس وغالبا المشكله سوء تفاهم او امر تقني في ابلكشن كلوب هوس ، انا مش زعلان نهائي انه عملي unfollow علي قد ما العلاقه ما بين الجميع اتوترت وكنت موضع شك والتعامل بقي فيه شئ من البرود ومش عارف اعمل ايه .
الامر صعب انك تخليك في عالم بيحكم فيه الاخرين علي بعضهم من صوره ونبره صوت بدون لغه جسد ونظره عيون ، وكمان كل شويه حد يزعل من حد لمجرد انه احس بالاهانه او اعتقد ان الشخص الاخر بيعطيه نصايح وبيتفلسف عليه ، او حتي انت لو اتكلمت كتير هتلاقي حد خد انطباع عنك انك نرجسي وبتحب نفسك ، تخيل انه حتي من صورتك قد يظن البعض انك بتثق فيه او لا ، بتحبه ام لا ، طيب ولطيف ام شخص مش كويس لمجرد المود بتاعه مش تمام ومضغوط في حجات تانيه .
هل انا لو اختفيت فيه حد هيهتم ؟ هل وجودي مأثر مع حد ؟ طبعا زي ما دخلت هخرج وكمان كام يوم وهتنسي ياريت لو كانت المشاعر في كبسه زر كنا اتجنبنا كتير ، احيانا بنكون مش محتاجين مسكنات تنسينا علي قد ما محتاجين نواجه الواقع .
ابلكشن متغير لا تفهم فيه اي شئ تجد في لحظه حبيب الاخرين وفي لحظه السئ في روايه احدهم - اشخاص سامه تتواجد بين الاخرين ماشية بمبدا فرق تسد - خسارة اشخاص علي سبيل اكتساب افضل منهم
مقالات ذات صله