ما هي كلية هندسة جامعة قناة السويس بالاسماعيلية (مواد اعدادي هندسة والاقسام ) suez canal university engineering

ما هي كلية هندسة جامعة قناة السويس بالاسماعيلية (مواد اعدادي هندسة والاقسام ) suez canal university engineering

كلية هندسة جامعة قناة السويس بالاسماعلية

اولا الدراسه بنظام gpa 

توضيح /(مش خاصة و مش بالفلوس) حكومى عادى يعنى 

مواد كلها من ١٠٠ الماده كورس بتخلص فى ترم مفيش على ترمين ده 

تفرق بس عدد الساعات 

فى مادة ٤ او ٣ او ٢(الانسانيات) 

مواد الترم الاول

رياضة 1

.. تنقسم الى هندسة تحليليه و ده الجزء الاول شبه الثانوى و الجزء التانى مختلف

وعامة الرياضة تعتبر من احسن المواد ودكاترة رياضة من احسن الدكاترة

تفاضل....

بيتكلم عن الاشتقاق اللي تم دراسته في ثانوي بس علي توسع شويه اتنين عشرة 

الدرجات من ١٠٠ مادة ٣ ساعات 

٥٠ اعمال سنه و ٥٠ اخر ترم 

فيزياء 1....

فيزياء خواص مواد.....

بتتكلم عن خواص المواد زي الليونة والصلابة وهكذا

فيزياء حرارية.... 

تتكلم عن الحرارة وخواصها واستخداماتها وكده

() 

الفرعين تحت مسمي فيزياء 1 

من ١٠٠ برضو ٥٠ اعمال سنه و ٥٠ فاينل ولكن ٤ ساعات 

ميكانيكا(استاتيكا)......

تم دراستها ف ثانوي بردو بس ع توسع زي اتزان القوي وكده

من ١٠٠ يتكون ٥٠ اعمال سنه ٥٠ ب(٣ ساعات) 

رسم هندسي......

بتاخد رسم بسيط و بعدين مساقط و بعدين ايزوميترك و بعدين مسقط الثالت وبعدين قطاعات و تهشير 

بى ١٠٠ درجه ٥٠ اعمال سنه و ٥٠ فاينل بس(٤ساعات) 

لغة 

ب(ساعتين) الى بتضاف

و فى الى مش بتضاف 

كيمياء.....

حاجات من ثانوي ع توسع زي صدا الحديد والتركيز والمولالي والمولاري والضغط وحاجات جديدة زي الاسمنت ومفيش عضوية كتير ماده خفيفه مش تقيله 

مادة ٣ ساعات بى ١٠٠ درجه 

٥٠ اعمال سنه و ٥٠ فاينل

ترم ثاني

رياضيات 2

تكامل.....

طرق تكامل ثانوي ع توسع وايجاد المساحة والحجم بالتكامل

(نفس الدكاتره بتاعة رياضة ١)

جبر... 

نفس ثانوى بس الجزء الاول جديد و مفيش كليه تانيه بتاخده غير هندسة بورسعيد على حسب كلام دكتور الماده 

ماده ب(٣ ساعات) 

و ١٠٠ درجه ٥٠ اعمال سنه و ٥٠ فاينل

فيزياء 2

فيزياء كهربية....

من اسمها هتاخد كهربا الكترونات وشحنات وكده معظمها مسائل

فيزياء ضوئية....

علي عكس الكهربية معظمها نظري زي الالياف الضوئية والليزر والمنشور والحاجات دي

مادة بى ١٠٠ درجه ٥٠ اعمال سنه و ٥٠ فاينل 

ماده ب(٤ ساعات) 

حاسب آلي .....

بندرس فيه عن الشبكات وحاجات هادية والجزء العملي عن برامج مايكروسوفت

مادة ١٠٠ درجه و ب(٣ ساعات) 

٤٠ اعمال سنه و ٦٠ فاينل 

ميكانيكا ( ديناميكا)....

تكملة للجزء الاول هتاخد حاجة اسمها truss اللي هي بتبقي مثلا ف الكباري ممكن تبحث عنها تشوف شكلها و الاحتكاك وبداية ديناميكا مقذوفات

مادة ١٠٠ درجه و ب(٣ساعات) 

٥٠ اعمال سنه و ٥٠ فاينل

انسانيات....

انت حر بتختار تسجل الى انت عاوزه بس تكون بساعتين 

انتاج......

ده شغل ميكانيكا بتاخد الالات وبتشوفها وبتشتغل عملي وتعرف الالات دي بتعمل ايه ووظيفة كل جزء

(دكتور ابو بكر واحمد صلاح وعلي الدمياطي وسالي ومديحة وعبدالله ) 

ماده ١٠٠ درجه ٥٠ اعمال سنه و ٥٠ فاينل 

ماده ٤ساعات 

فى مواد مش بتضاف ولكن pass او Not pass

مميزات 

ممكن تسجل لغاية 21 ساعة بشرط متعديش 6 مواد 

والمواد اللي هي زيرو ساعات(متطلب جامعة : جودة وحاسب الي متطلب) مش بتتحسب من ال6 مواد بس الانساني بيتحسب من ضمنهم

ممكن تاخد سمر الساعة ٢٠٠ جنيه 

عيوب 

ان لازم تنجح ١.٧ فى gpa 

من مجرد نص بس 

الامتياز 

A- \90%

A\95%


ندخل بقا ف الاقسام 

1. مدنى /بعد سنة تانية تخصص بتختار شعبة من الاتنين انشاءات او اشغال عامة 

2. كهربا /بعد سنة تانية برضو تختار شعبة من الاتنين باور او اتصالات

3. ميكانيكا /بعد سنه تانية بتختار فى شعبة واحدة و هى باور و عملوا سنة الى فاتت شعبة جديدة و هى الانتاج 

4. عمارة بس بيزعلو لما تقول عماره بس لازم معاها تخطيط و إنشاء معمارى

مافيش اقسام كريدت 

حاولت اجمع على قدر ما امكن انا لسه طالع من اعدادى ممكن اكون غلط بس ده الى حصل معايا و ربنا يوفقكم جميعا