مهارات ادركت اهميتها في Comma learning Solution

مهارات ادركت اهميتها في كوما Comma learning Solution

 خلال فترة دراستي لكورس Electric supplier proogram في Comma learning Solution ادركت اني بحاجه الي تطوير المهارات الشخصية ومدي اهميتها لادراك الجوانب التكنيكال واهم هذه المهارات:

مهارة الالقاء Presentaion Skills 

ممكن تكون افضل شخص بيعمل برزينتشن واكتر شخص اشتغل في التيم بس ده هيفيد في ايه لو متكلمتش عن نفسك ومجهودك ومدي المعلومات الي عندك لمجرد انك معندكش المهارات الازمة لذلك او اني اختار شخص اخر يتكلم بدل مني او متكلمش اصلا لمجرد الخوف او حاسس ان هيكون شكلي وحش ومش افضل حاجه او مش قادر اقوم اعرض البرزينتشن لسبب اني مرهق او متعب

دي كانت اول غلطة وقعت فيها في كورس السبلاير في كوما في البرزينتشن الاولي ، كان التيم بتاعنا 4 اشخاص والي اشتغلوا 2 بس ، وانا عملت اغلب الشغل وظبطت البرزينتشن وهتكون عبارة عن ايه باعتباري التيم الليدر واننا نخرج افضل نتيجة وكمان علشان بعمل برزينتشن شكلها جميل لدرجة اني روحت مطبق ومنمتش  بخلص البرزينتشن وبزاكر كورسات تانية في السيلز والماركتينج ، وقسمت البرزينتشن علينا بما يناسب مهارات كل شخص وكل واحد ممكن يؤدي اكثر في ايه وترتيبنا هيكون ازاي وكل واحد يزاكر كويس الجزء بتاعه والغلطات الي عملتها هي كالاتي 

  • روحت مطبق ومع ساعتين ونصف مواصلات فكنت مرهق جدا لدرجة اني روحت متاخر وانا المفروض كنت هبدأ البرزينتشن وجزء اخر
  • فمقولتش مقدمة البرزينتشن الي كنت مجهزالاسكربت بتاعها كويس وحد غيري قاله
  • اما طلعت اتكلم مكنتش افضل حاجه ، كنت لسه جاي وتعبان وطلعت اشرح الجزء بتاعي فكنت بنهج في الكلام في الاول فحسيت انهم فهموا اني متوتر وفيه كان بيحاول يساعدني اني ازيل التوتر 
  • تقريبا موصلتش الرساله الي حضرتلها وكأن معملتش اي حاجه او معنديش مهارات البرزينتشن بالرغم انها عندي شويه 
نصيحتي ليوم برزينتشن لطيف وتحقق اعلي استفادة
  • حضر كويس جدا ولو هتعمل اسكربت وتحفظ الكلام الي هتقوله بالنص
  • نام كويس
  • متتأخرش واليوم ده بالذات روح بدري
  • مهما حصل متفقدش الثقة بنفسك وكمل وتغلب علي الخوف بتاع البدايات

مهارة القيادة Leadership

مهارة القيادة مهمة لاي شخص محتاج الي حواليه يسمعوا كلامه بحيث يحققوا افضل نتيجة في الاخر، لا يدرك اهميتها الا من خاض التجربة وهي جزء لا يتجزأ من حياة المهندسين وطلاب هندسة ، خلال سنة 2021 شاركت في اكثر من 7 تيمات وكنت تيم ليدر في 3 تيمات منهم ، خلالهم حصل مشكلات كتير بل بالعكس بالرغم من المشكلات دي قدرنا نحقق افضل نتيجة بعد ما تجاوزنا المرحلة دي وبفضل ان فيه تيم ليدر كويس وكمان اكثر من شخص في التيم يعتمد عليهم ومحتاج الي يقدرهم صح ويستغل مهارتهم فين

  • القائد هو كابتن توجيه بيشوف كل واحد كويس في ايه ويوظفها صح
  • القائد مش شخص بيدي اوامر وخلاص بل ممكن توصل بيه انه يكون اشتغل وبذل مجهود اكتر من اي حد في التيم
  • الليدر المفروض يكون اكثر شخص ملم بالموضوع وعنده درايه بالصورة الكلية وازاي يطلع في الاخر نتيجة عظيمة
  • الليدر المفروض يوحد التيم ويخلي ما بين الناس علاقات كويسه ويحببهم في بعض ويخلق جو حميم في التيم
  • الليدر المفروض يقف في ظهر التيم ويتحمل المسئؤلية مهما حصل وان اي حد تواجه مشاكل يشيله ويستحمله
  • الليدر بيخاطر وياخد الخطوة والبداية ويجازف
مهارات ادركت اهميتها في Comma learning Solution

خلال كورس السبلاير في كوما اخدنا سيشن عن القيادة بالرغم اني كنت اخدت دورة عن القيادة لمدة اسبوعين قبل كده بل بالعكس الموضوع محتاج انك تطبقه بالتجربه مرة واتنين وتلاته 

القيادة لوحدها مش كافيه من غير مهارات واخلاقيات وكفاءه ، هتلاقي فيه ناس عاوزه تكون تيم ليدر لمجرد انها تظهر في الصوره او متشتغلش وتشغل غيرها او توصل بسرعه بس في الاغلب التيمات معاهم بيكون فيها جو يسوده البغضاء والكره وبتفشل بالرغم ان فيه ناس كويسه اتوظفت غلط

لو لاقيت في نفسك القائد الي هيقدره الكل وهيحقق نتيجه في الاخر خد الخطوة ومتخليش حد ياخدها لمجرد الظهور ليه تخاف ومتقدرش نفسك


تكوين العلاقات مع المحاضرين

انا كشخص بكون مش اهتم اوي بالشخص الي بيشرح او اني اكلمه او اسئله في حاجه الا لو استريحت له وبيعاملني كويس ، او اسئله وقت ما اكون محتاج له في امر او مسأله ما ، بس هو ليه انا بعمل كده طبعا كان فيه اسباب 

بس ليه ميمنعش اني اتكلم واسأل واناقش حتي ولو في حجات تانية واكون علاقات كويسه مع اشخاص هتفيدني بمعلومات وهتكون اكثر من اصدقاء في يوم من الايام ، ده الي عرفت اهميته في كوما بطريقة غير مباشرة من بعض الزملاء ، اني محتاج اتواصل اكتر واسأل واعرف من اهل الخبره الي ممكني تدلني اكثر عن المستقبل وبصراحة كل المحاضرين كانوا علي درجة عاليه من التواضع والمعامله


لا بأس لقليل من المرح والتواصل 

انا شخصية جادة شوية فبتعامل كويس جدا مع الناس الكبيرة وشغل ورسميات اما عند الضحك والهزار فهو لا يطلع الا من القلب وليس مع الجميع ، علي الاقل انا محتاج اكون شخص اكثر مرحا واعيش جو الضحك والهزار في الاطار الاخلاقي ولو بقليل من  الابتسامات ، بحاجة الي مبادرة الكلام والتحدث والتعبير عن نفسي عند بداية التعاملات لا انتظر حتي يقوم الاخرين بتخمين ملامح شخصيتي

وهذا ما اراه في عيون الاخرين ، كل موقف او تعامل بيكون عندي فطنة ان الشخص ده بيفكر فيا ازاي واخد عندي انطباع ايه احدهم يجدني عندي ثقة عاليه والاخر يجد اني اجتماعي وهناك اخر يجدني افتقر الي المرح، فممكن بكلمة او موقف يشكل صورة كاملة عني لا ينبغي ان اعامل هكذا وان امسك انا زمام الامور