ما هي كلية هندسة الطاقة جامعة اسوان (مواد اعدادي هندسة والاقسام ) Aswan Engineering

كلية هندسة الطاقة جامعة أسوان

 كلية هندسة الطاقة جامعة أسوان

#نظام الدراسة في الكلية بنظام الساعات المعتمدة " 

التيرم الأول سبعة مواد !!

#استاتيكا 

غالبا هتكون جاي من الثانوية العامة عندك شوية معلومات عنها بتتكلم المادة دي عن الاجسام الساكنة و بتاخد يعني اي إتزان وجسم متزن ومركز الثقل والمادة من 100 وبتتقسم 60 فاينل و 40 اعمال سنة و دكتور المادة دكتور وليد عبدالفضيل وده محتاج منك تفهم يعني اي استاتيكا وشرحه قمة. 

#فيزيا (1)

والمادة متقسمه علي دكتورين والفرعين واحد بيتكلم عن البصريات الضوئيه والفرع التاني بيتكلم عن خواص المادة وبيكون لكل فرع تجارب فالمعمل وطبعا كل المواد عليها 100 

#رياضة (1)

والمحتوي العلمي عباره عن جبر وتفاضل وفالاغلب بيكون قريب للي اخدته ف الثانويه العامة والماده ممكن تتقسم ع دكتورين او تكون لدكتور واحد و الحضور مهم جدا لاني كل اللي بيقوله الدكتور بتلاقيه ف الفاينل 

#تكنولوجيا_الأنتاج 

المادة دي مليانه بمعني الكلمه وللأسف بتدرسها بالانجليزي عكس بعض الكليات و فيها المواد وخواصها وطرق التصنيع وسباكه المعادن واللحام وانواعه وماده محتاجه منك اجتهاد شخصي 

#لغه (1)

ودي اهم حاجه الحضور ومن السهل جدا تجيب تقدير فيها والفاينل غالبا بيكون عليه درجه كبيره لاني مفيش ميد تيرم او احيانا بيتعمل ميد ودا علي حسب كل دكتور ، كدا فاينال 60 ميد 40 برضو زي اي ماده

#رسم_هندسي (1)

فالكليه بتاخد الرسم ع ترمين التيرم الاول بتاخد الاساسيات زي اي كليه في مصر والماده عليها 100 ودكتورها بيتحدد برضو علي حسب كل سنه 

"التيرم الثانى سبع مواد"

#ديناميكا

هيكون عندك فكره عنها من الثانوى بس انت هنا بتدرس حجات اكتر واصعب وغير كدا الحجات الجديده وليها دكتور ومعيد

#فيزيا (٢)

الماده منقسمه على فرعين لكل فرع دكتور دا غير معمل الفيزيأ وفى قسم بيتكلم على الكهربي والقسم التانى بيتكلم على الضواء وطبعا بتمتحن القسمين فى ورقه واحده وعلى الماده كلها 100درجه

#رياضة (٢)

المحتوي العلمي عباره عن تكامل وفراغيه طبعا لكل فرع دكتور مخصص وبتاخد فى التكامل حجات كتير وبتوسع وحجات عمرك مسمعت عنها والفرغية هتلاقى حجات كتير من إلى أخدتها فى الثانوى وليها معيد واحد الفرعين

#مبادىء_الحاسب

وطبعا الماده دي بتدرس فيها البرمجه وحاجات خاص بالبرامج والأنظمة وحاجات خاصه بالكمبيوتر وللأسف بتدرسها بالانجليزى رغم البرامج إلى فيه وهى عباره عن بيسون وأنظمة التحويل وغيرها

#لغة (٢)

ودى اهم حاجه الحضور وسهل تجيب تقدير فيها لأنه نفس دكتور الترم الاول

#رسم_هندسي (٢)

الماده دى نفس الدكتور بيديها الترم الثانى او ممكن بيختلف وهى عباره عن تكمله لرسم الترم الاول بس بتكون حجات اكتر واصعب من الترم الاول وبرده لو رسمت كويس في الفينل بيديك تقدير لأنه مبيعتمدش على أعمال السنه فقط بس برضو لازم تحل في اعمال السنه والحضور مهم مهم مهم

#الكيميا

الماده عباره عن قسمين لكل قسم دكتور مختلف ومعاهم المعمل قسم خاص بالكيميا العضويه ودا هوهو نفس كيمية تالته ثانوى وقسم كيميا غير عضويه ودا بادرس فيه حجات مختلفه ذي الجدول الدوري وترتيب العناصر وغيرهاوعلى الماده كلها 100درجه.

واحنا شغالين بنظام السعات المعتمدة يعنى انت ليك عدد سعات معينه فى الترم لازم تنجح فيهم يعنى لكل ترم ليك عدد سعات 18ساعه لازم تنجح فيهم وليك في السنة 36ساعه

وعلى فكره احنا مفيش عندينا انك تعيد سنه لأ انت بتاخد المواد إلى شيلها السنه إلى بعدها وبتمتحنها معا اعدادى وليك سمر كورس ودا فى شهر 9بتمتحن فيه تلت مواد بتقدير معين وحاجات كتير بس نا كتبتلك الخلاصه او إلى انت حتحتاجه 

واهم حاجه هكررها تاني الحضور ثم الحضور مهم جدا

الاقسام 

1- قسم ميكانيكا باور

2- قسم كهربا باور