نصايح سريعة للحصول علي شهادة ال PMP

نصايح سريعة للحصول علي شهادة ال PMP


اولا الامتحان مش بيمتحنك في ال PMBOK بس ، ال PMBOK هو احد مصادر الامتحان

1- لو معندكش اي خبرة تماما عن ادارة المشروعات يفضل انك تاخد كام كورس في ال PRMG في الجامعه الامريكية اهمهم ( time, Cost , Risk)، والنقابة بتعمل خصم 25 في المية علي الكورسات دي

2- لو مش هتاخد كورسات ال PRMG يبقي الافضل انك لما تاخد كورس ال Preparation انك متاخدش ال 36 ساعه بالظبط حاول تاخد في مكان بيدي شرح بتفاصيل اكتر يعني ممكن 60 ساعه زي Knowledge Academy او 90 ساعه زي RITI

3- قبل كورس ال Preparation ذاكر كتاب Rita 8th Edition، اول مرة سريعة، تاني مرة بتركيز شوية، ممكن ياخد معاك من شهر لشهر ونص علي حسب التركيز وساعات المذاكرة

4- خد الكورس واختار المكان كويس وحاول تشوف ال C.V بتاعه المحاضر الاول، المحاضر اهم من المكان

5- اثناء الكورس حاول تذاكر كل شابتر اول باول وتسأل كتير

6- بعد الكورس ذاكر ريتا تاني بتركيز كبير

7- خد ال PMBOK لفتين، لفه سريعة ولفه تاني بتركيز

8- ابدأ حل امتحانات في ال Rita Fast Track، واتعود تحل الامتحانات ال Timed بحيث تتعود علي انك تحل 200 سؤال في اربع ساعات

9- وانت بتحل اكتب ال ID بتاع السؤال علشان ترجع له لو طلع غلط، وشوف من ال analysis بتاع الحل بتاعك انت ضعيف في ايه وركز عليه، واول لما تجيب Score من 80 ل 90 في المية ابدأ اعمل Schedule للامتحان

10- ال Glossary اللي في اخر ال PMBOK مهم جدا راجع عليه مرتين

11- افضل طريقة علشان تحفظ ان ال Inputs, Outputs, Tools & Technics انك تفهمهم، هات ال Charts اللي في بداية كل شابتر في ال PMBOK وجمعهم مع بعض وحاول تربط بينهم وتوجد علاقات منطقية

12- الامتحان هيكون مش هيكون صعب لكن هيسألك اسئله بتعتمد علي ال Concept وريتا افضل كتاب شرح بيهتم بالنقطة دي

13- اختار اللغة العربية كلغة مساعدة ممكن تحتاج لها في بعض الاسئلة بنسبة 5 في المية او علي حسب مستواك في اللغة، بس متخلهاش تشتتك علشان وقت الامتحان

14- بالتوفيق للجميع وخلي بالك انت لسه في اول الطريق، ال MBA في انتظارك

ذات صلة