أخر الاخبار

كلية هندسة جامعة الازهر بنات (مواد اعدادي هندسة والاقسام )

بريمو هندسة كلية هندسة جامعة الازهر بنات (مواد اعدادي هندسة والاقسام )

كلية هندسة جامعة الازهر بنات ، الترم الاول بيكون ترم لطيف وسهل وبنمتحن في أربع مواد بس ، اما الترم التاني ف هو ترم مضغوط جداا وقصير وبنمتحن في ١١ مادة مفتاحه متراكمش المواد الممتده من الترم الأول للترم التاني وهيبقي أمره سهل إن شاء الله المواد الأساسية عندنا واللي لازم تهتموا بيهم من اول سنة أربع مواد وهم:-

مواد اعدادي كلية هندسة جامعة الازهر بنات

1-الرسم الهندسي
  • المادة ممتدة وامتحانها الترم التاني بس
  • من 200 درجة منهم 80 اعمال سنة
  • المادة حلوة وعاوزة تخيل ومتابعة وحل باستمرار ولو ما حتلش دا يبقى للاسف هتبقى عقبة. 
  • ولو واجهت مشكله في فهم المحاضره أو السيكشن بنلجأ لليوتيوب ، دا كورس للرسم الهندسي في كل المعلومات ال المفروض نعرفها قبل ما ندخل الإمتحان كورس مبسط جدا لكل الدروس ال علينا

 
 2-الهندسة الوصفية
  • ممتدة بردو وامتحانها ترم تاني بس
  • من 200 وأعمال السنة 60
  • عاوزة فهم ومراجعة على الهندسة الفراغية كويس
  • علشان كل مسألة بتحتاج حل فراغي وبعد كدا نطبقه وصفي يعني الفراغي الأساس
  • ناس كتير بتشوفها مشكلة بس هي مش كدا خالص هي ممكن مشكلتها انها ماينفعش تتركن علشان مابتتلمش ف وقت قليل وهي مادة ممتعة جدا جدا لو حبيتوها.

3-الرياضة
  • مادة د.مهنى واكتر واول حد هتسمعوا اسمه اول ماتدخلوا
  • الدكتور محترم جدا وشرحه حلو جدا ف بيحب يتقابل بنفس الاحترام ومستوى الفهم دا
  • والمادة كمان كويسة وبتتفهم عادي مش صعبة ف محدش يعقدكوا منها حلها تذاكر المحاضرات بتاعت الدكتور أول بأول وتحلو الشيتات وكل درس يخلص تراجعوا المسائل المحلوله من كتابsolved وكدا هيبقي أمرها سهل بإذن الله
  • بتمتحنوها الترم الاول والترم التاني
  • كل ترم منفصل ك محتوى وامتحان بس بيكملوا بعض ك درجة امتحان
  • كل ترم من 100 وأعمال السنة 30
  • ولو واجهتكو مشكله في فهم حاجه نقدر نسمعه عاليوتيوب ، دا لينك لكل المحاضرات ال علينا في التفاضل للترم الأول

ودا لينك لمحاضرات التكامل الترم التاني


4-الميكانيكا
  • جزئين استاتيكا ومعظمها درستوها ف ثانوي وديناميكا ويعني بتمشي الحال بالحل الكتير
  • زي الوصفية والرسم ممتدة ومن 150 
  • حلها تذاكر أول بأول ومتتركنش 
  • الترم الأول ع قد ما نقدر نخلص الإستاتيكا فيه نحاول نسمع كل أسبوع ڤيديو ونحل معاه حتي لو ما أخدنهوش في الجامعه بحيث نخلص وتلحق نراجع

والترم التاني نسيبه للديناميكا

لو سمعنا كل أسبوع ڤيديو وخلينا هيبقي فيه وقت نراجع والإمتحان هيبقي أمره بسيط إن شاء الله


5-الانتاج
  •  الماده عيبها إن كتبها بينزل متأخر ع آخر الترم الأول كدا فبتتركن ومبتتذاكرش الا الترم التاني ودا الغلط ال معظم الطلبه بتقع فيه حلها نجيب كتب من الدفعه ال قبلنا ونسأل الدكتور لو فيه تغيير في المنهج ونذاكر منو أول بأول
  • عند الولاد اهم من البنات بكتير باعتبار وجود قسم ميكانيكا عندهم بس
  • المادة ف أولها ممكن تحسوها رخمة بسبب المفاهيم الجديدة اللي نطقها لوحده بيكون غريب بس ان شاء الله تكونوا قدها وتكون لذيذة وتحبوها
  • امتحانها ترم تاني ومن 100


6-الفزياء
  • معظمها هتحسوه مألوف وسمعتوه قبل كدا
  • وسهلة وبتتلم بسرعة
  • ترمين كل ترم من 100
  • وبيدخل معاها معمل درجته بتكون شبه مضمونة ان شاء الله من سهولته
  • بنذاكر من الكتب ونحل الشيتات ونراجع ع المسائل المحلوله في كتاب solved ويبقي أمرها سهل


7-الكمياء
  • ممتدة ومتقسمة لصناعية وفزيائية لكل جزء دكتور
  • من 100
  • وبردو معاها معمل وأعمال سنه درجاتهم مضمونه إن شاء الله
  • بتتذاكر من الكتب ال الدكاتره بيده لنا وبيبفي فيه ملازم في مكتبه الجامعه بتتبسط الأمور أكتر


8-تطور
  • ترم تاني من 100 وبتذاكروا المحاضرات بس وان شاء الله هتحلوا كويس في الامتحان


9-حاسب
  • ممتد وبسيط ومن 100 منهم 30أعمال سنه علي هيئه كويزات

10-فقه
  • ترم اول من 100 واظن معروف من ثانوي متشيلوش همه دا بيتلم قبل الإمتحان بيومين تلاته وبندخل نجيب فيه تقدير


11-عقيدة واخلاق
  • اللي هو التوحيد ترم تاني من 100 أمره زي الفقه بالظبط

12-انجليزي
  • ترم اول من 100 سهل والدكتور بيسهلوا علينا أكتر

13-قران كريم
  • المقرر من الناس للاحقاف
  • وترم تاني من 100
  • 50شفوي
  • 50 تحريري

اقسام كلية هندسة جامعة الازهر بنات

كلية هندسة جامعة الازهر بنات (مواد اعدادي هندسة والاقسام )

الكلية تحتوي على أربعة أقسام وهم
  • قسم الهندسة المعمارية
  • والتخطيط العمراني
  • والهندسة الكهربائية بشعبتيها
    • الاتصالات
    • والقوة الكهربائية
  • ونظم الحاسبات”.

قرأ الزوار ايضا: