أخر الاخبار

ما هي كلية هندسة جامعة أسوان | مواد اعدادي هندسة والاقسام

ما هي  كلية هندسة جامعة أسوان | مواد اعدادي هندسة والاقسام
 
كلية هندسة جامعة أسوان ،اعدادي هندسة حرفيا عبارة عن ثانوية عامة هتركز وهتغير طريقة مذاكرتك وتظبط ادائك في السنة دي 
هتعدي انشاء بتقدير محترم 

مواد اعدادي هندسة اسوان


مادة الرسم الهندسي 
  • الرسم ده ماده تقدير بمعني الكلمة وهو صعب بس سهل اوووووي وهتفهم الكلمة دي بعدين .. بمعني اخر حب الرسم هيحبك 
  • ودي هيديهالك دكتور محمد علي خليل بص يعني فخامة الاسم تكفي ده اكبر دكتور هتقابله في اعدادي هيعاملك علي انك مهندس بجد ، مش طالب لسه في اعدادي ومتعرفش حاجه 
  • وحقيقي دكتور تحفة وشرحه كويس جدا وبيديك حقك فالمحاضرة .. اياااك ثم ايااااك متحضرش محاضراته 
  • الرسم الهندسي محتاج تتخيل حقيقي تتخيل ودنيتك هتتظبط ، دي مادة ممتدة هتاخدها الترم الاول وهتكمل معاك الترم التاني وليها امتحان واحد اخر السنة 
الانتاج 
  • دي مادة جديدة عليك حفظ مع قليل من الفهم ، وهي ف الترم التاني ان شاء الله المادة دي هتعرف فيها قد ايه انت مهندس وخصوصا لما تتعامل مع 
  • السكاشن العملي وتستخدم الماكينات زي المخرطة والكشطة والفريزة وهكذا.... 
  • هتاخد كل حاجه زي السباكة والنجارة والحدادة وادوات القياس ومرافق صحية هتحس انك مهندس بجد 
  • ابدأ فيها شابتر بشابتر هتبقي سهله طبعا بالاضافة للحضور لدكتورها وهو طبعا دكتور محمد علي خليل 

الفيزياء 
  • لاول مره تكون الفيزياء حفظ مع قليل من الفهم
  • فيزيا ١ دي بقا هتاخدها الترم الاول وهتكون عبارة عن:_ 
  • + فيزيا كهربية مع د/ جمال 
  • +فيزيا ضوئية مع دة/ فاطمة 
  • فيزيا ٢ ودي هتاخدها الترم التاني وهتكون عبارة عن :_ 
  • +الحرارية مع دكتور قاسم وده احفظله من الكتاب 
  • +خواص المادة ودي مع دكتور جمال ودي تحضرلها وتكتب وراها وانسي الكتاب خاالص وذاكر من اللي كاتبه وراها 
  • كده انت نجحت فيها 
  • الفيزييا دي دكاترتها بياجو من كلية علوم وللاسف كتب دكاترة كلية علوم لازم تجيبها عشان تنجح وبتكون غالية 

الكيمياء
  • ودي هتاخدها فالترم الاول بس مادة تحفة كيميا ثانوية عامة علي اوسع شوية وخصوصا العضوية احلي دكاتر واحلي 
  • مادة هادية جدا مش هتشيل همها 
  • هيديك العضوية د/ غريب 
  • د/ الاسواني بس سافر اليابان وهيجيلكو حد مكانة
  • الامتحان بيكون سهل جدا أن شاء الله ودي مادة الامتياز اهم حاجه تبقي كويس مع دكاتره علوم 

الرياضة 
هي عبارة عن رياضة ثانوية عامة بس فيها حاجات جديدة وهي عبارة عن :- 
  • رياضة ١ عبارة عن جبر هيديهالك د/ علاء
  • تفاضل ودي هيديهالك دكتور حجاجي شرحه تحفة وهتفهم منه لو ركزت معاه وبالتفصيل 
ودول الترم الاول تحاول تجيب فيهم تقدير عشان دول الاسهل وحط تحت اسهل ١٠٠٠٠٠٠ خط
  • رياضة ٢ ودي هتكون الترم التاني فرع تكامل هيديهالك دكتور بركات وربنا يستر 
  • وفرع تاني تحليلية 

الاستاتيكا static 
  • دي هيديهالك دكتور محمد علي خليل وزي ما نبهنا احضر احضر احضر احضر ومش هتندم وحاول تفهم تفهم تفهم تفهم 
  • عشان تلحق نفسك عشان الترم التاني الديناميكا اشد منها
الديناميكا دى الترم التانى 
  • هيديهالك د/ عمر دهب .. دكتور ماشاالله شرحه حلو جدا 
  • والديناميكا عبارة عن جزئين الاول حلو هتفهمه والتاني مش حلو صعب في فهمه بس حاول علي قد ما تقدر انك تفهمه 


التقارير الفنية 
  • دي مادة مقرر وبتاعت تقدير عبارة عن انجلش ذاكرها من الاول واخلص منها 
  • هيديهالك نائب رئيس الكلية د/ ايمن عثمان مش هتشوفه الا مره واحده هيطلب منك ريبور اخر الترم هيحط عليه اعمال السنة 

مدخل هندسي 
مادة مقرر بردو هتاخدها الترم التاني سالهة وكلها حفظ وحاول تخلص منها بردو فالاول ومادة تقديييير

درجات مواد اعدادي هندسة اسوان


درجات السنه كلها 1500 ، ودرجات موادالترم الاول  كالاتي 
رياضه1 
  • كلها 150 
  • اعمال السنة بتكون حسب الدكتور عاوز يحطها بكام و هي غالبا ما بتزيدش عن ٤٠ درجة و الالفاينال عليه ١١٠ او اكتر حسب ما يحدد الدكتور اعمال السنة 

فيزيا1 
  • كلها ١٢٥
  • ٣٥اعمال سنه و ٥ شفوي و ١٠ عملي و ٧٥فاينال

استاتيكا 
  • كلها ١٠٠ >>1٥ اعمال سنة و ١٠ شيت (هتاخدوه ف اخر الترم و هتسلموه قبل امتحان الفاينال) و ٧٥ فاينال

كيمياء 
  • كلها ١٠٠ >> ٢٥ اعمال سنة (ممكن الدكتور يقللها او يزودها حسب ما يشوف) و ٧٥ فاينال

تقارير فنيه 
  • كلها 50 درجة
  •  10اعمال سنه و40فاينال 

حاسبات 
  • كلها ١٠٠
  • ٢٥ اعمال سنة و ١٥ شفوي و ١٠ عملي و ٥٠ فاينال

بالنسبة للترم الثاني 
رياضه2
  • كلها150
  •  تقسيمة الدرجات حسب بردو الدكاترة زي رياضة١

فيزيا 2
  • كلها ١٢٥
  • ٣٥اعمال سنه و٥ شفوي و ١٠ عملي ٧٥فاينال

ديناميكا 
  • كلها ١٠٠
  • ٣٠ اعمال سنة و ٧٠ فاينال

انتاج100
  • العملي و الشفوي و اعمال السنة مع بعض ب ٢٥ و الفاينال ب ٧٥

برمجه100
  • ٢٥ اعمال سنة و ١٥ شفوي و ١٠ عملي و ٥٠ فاينال

المدخل الهندسي 
  • كلها ٥٠
  • ١٠ اعمال سنة و ٤٠ فاينال

الرسم (الباشا الكبير ^^) 
  •  اعمال السنة الترم الاول ٥٠ 
  • و اعمال السنة الترم التاني ٥٠ 
  • و الفاينال ١٥٠

اقسام هندسة اسوان


بهندسة اسوان 5 اقسام من اهم اقسام سوق العمل وهم 
  • قسم مدني
  • قسم كهربا ( سواء حاسبات او اتصالات  او باور )
  • قسم عماره

شعار كلية الهندسة جامعة أسوان

شعار كلية الهندسة جامعة أسوان

قرأ الزوار ايضا: