ما هو قسم ميكانيكا باور بكلية هندسة Power Mechanics Engineering

قسم ميكانيكا باور هنكلم عن القسم من ناحيه الدراسة والمواد اللى هتدرسوها  وهنكلم عنها من ناحية مجالات العمل ووالتدريبات والكورسات المهمه ليكو 

هنبدأ من ناحية الدراسه والمواد 
معظم المواد دى بتكون اساسها فيزيا ورياضه وبعد اجزاء من الكيمياء يعنى المواد دى لو انت مش كويس فيها ومش حاببها ابعد عن ميكانيكا ندخل ع المواد بقا 
هنقسم المواد لثلاث اجزاء 
اول جزء بيكون خاص بالمواد الاساسيه للقسم
ملحوظة ممكن يختلف اسم المقرر من كليه لتانيه لاكن المحتوى بيكون ثابت ومأخوذ من مراجع موحده تقريبا فا ممكن تلاقي الماده ليها اسم ف كليه وكليه تانيه اسم تانى بس المقرر فيها واحد 

المواد الاساسيه اللي خاصه بالقسم
( ديناميكا حراريه thermodynamics ودى من اهم المواد ف القسم زى ما تقول كده العمود الفقرى للقسم عشان تصد ف القسم لازم تبقى فاهم كويس جدا ثرمو حاجه كده مكبره من الفيزيا   _ ميكانيكا الموائع fluid ودى بتكلم عن الموائع وحركتها والطاقه اللى بناخدها من المائع وحركتها   _
ديناميكا الغازات gas dynamic ودى بتبقى خاصه بمحركات الطيارات وكفءتها  _ 
انتقال حراره ودى من المواد المهمه جدا زى الثرمو كده انت عندك 3 طرق لانتقال الحراره اللى هما التوصيل  والحمل والاشعاع ودول بقا بتدرسهم بشكل موسع ف المواد دى  _ نظرية احتراق والات احتراق دى بتبقى خاصه بالاحتراق داخل محرك العربيه والكفاءه بتاعته وكميه الهواء اللى داخله والبنزين وانواع المحركات والفرق بينهم وكده  _ القياسات واجهزه القياس دى بتبقى خاصه بالطرق والاجهزه اللى بتقيس الضغوط والفلوريت للموائع والرطوبه ودرجات الحراره و..... _ 

تكنولوجيا بخار  دى بتبقى خاصه بلطاقه اللى بنقدر ناخدها من البخار وبنستخدمه ف ايه وبتكلم عن  محطات الطاقه الكهربائيه اللى بتشتغل بالبخار _تحويل طاقة ودى من اسمها بتكلم عن انواع الطاقه وطرق تحويلها مثال بسيط زى الطاقه الشمسيه بناخد منها الكهربا وهكذا  _ الات هيدروليكية ودى بقا من المواد اللى بتشتغل بيها لانها تعتبر تطبيقات ع المواد اللى درستها قبلها زى الثرمو والفلويد والحجات دى ..  الماده خاصه بالالات المستخدمه ف محطات الكهرباء والبترول والغاز الطبيعى زى المضخات والتوربينات   _ تصميم الات قوي ميكانيكية الماده دي تعتبر من قسم انتاج بتكلم عن التصميم والتصنيع بشكل عام يعنى عايز تصمم معده معينه وبتكون من عده اجزاء الماده دى بتكون خاصه بالجزئيه دى  _ الات تولابينية بتكلم عن انواع التربينات  .. التربينه دى بتكون عكس المضخه بمعنى ان المضخه عباره عن مروحه بتلففها وبتحرك المائع  من مكان لمكان زى مضخه المايه اللى ف بتكو انما التربينه بتكون انك بتدخل عليها المايه ع المروحه فا بتخلى الريشه تلف واخد حركه دورانيه استخدمها بقا ف انتاج الكهرباء الو تطبيق اخر  _محطات قوي ماده خاصه بمحطات انتاج الكهرباء بوجه عام وبموكونانتها والقدرة بتاعتها  _ تبريد وتكييف الهواء دى ماده خاصه بدوائر التبريد  والتكييف وتصميم شبكه تكييف للمنشأت  )

تانى جزء مواد تبع القسم بردو بس اخف وبتتغير من كليه لاخري ذي لغات برمجه (لغة فورتران _لغة الماتلاب _لغة الc _ لغة الc++ ) _ تقارير_اوتوكاد _ مشروعات _بحوث عملية _ تحليه مياه _ معالجة مياة _ سريان ثنائي الطور _ خطوط انابيب _ الهندسه البترولية _ طاقة متجدده(طاقه شمسيه ‘ طاقه نووية) _ مبادلات حرارية _ تحكم في منظومة التبريد والتكييف - كنترول PLC )
تالت جزء مواد بتاخدها من الاقسام التانيه
ذي

مدني بتاخد منها (استركشر)
كهربا بتاخد منها ( هندسه كهربية _ الات كهربائيه _شبكات كهربائيه)
اتصالات بتاخد منها (اليكترونيه)
انتاج بتاخد منها (رسم ميكانيكي _نظرية ماكينات _تصميم _هندسه انتاج المواد _ مقاومة مواد وتحليل اجهادات )
بتاخد بقا كمان شويه علوم اساسي ذي ( رياضه 3و4و5 واستاتيكا)
مواد كتير واسمائها ترعب بس هتحس انك مهندس

مجالات الشغل بتاعها بقا
المجالات كتير جدا ممكن تتلخص ف كلمه اي مكان فيه حركه ميكانيكيه ودى اشهر الشريكات 
(شريكات مدني عشان المعدات بتاعتهم زي الاوناش والكلام ده _شريكات الكهرباء ودي اكبر مجال _شريكات البترول _شريكات الغاز الطبيعي _ شريكات السماد _ جميع موانى السفن _ مطارات الطائرات _شريكات الماية والصرف الصحي _شريكات السيارات والطائرات والقطارات والسفن.... الخ _ محطات الطاقه النويه _محطات الطاقه الشمسية _ محطات انتاج الكهرباء عن طريق الرياح _ جميع شريكات الانتاج المعدني ذي بتروجت _ شريكات الحديد والصلب _مصانع انتاج الادوات الحربيه_ شريكات التبريد والتكييف المركزي _شريكات الاجهزة المنزليه بجميع انواعها و..)

بالنسبه بقا للتدريبات 
اى شركه من اللى كتبتهالك دى تقدر تتدرب فيها بس التدريبات بتكون بعد اول سنه ف القسم نصيحه لازم تروح شركة بترول او غاز طبيعي دى بتبقى مهمه جدا ف الcv
ندخل بقا ع الكورسات 
بص لكل مجال ف المجالات اللى قولتهالك دى له كورساته ودي خليها هبقى اكلم عنها ف بوست منفصل عشان متوهش 
ملحوظة القسم تقيل ف معظم الكليات ع مستوى الجمهورية عشان المواد اللى تقيلة
بس متخافش ف الالاف دخلوه واتخرجو منه وبتقديرات وفية اللى اتخرجو منه بدل ال4 سنين 7 سنين وفية اللى الى دخلوه ومتخرجوش منه 

كل دة بيعتمد عليك انت بس
اللى عايز اقولة ان انت لا اول ولا اخر واحد هيدخل ميكانيكا
ميكانيكا موجود ف الكليات الحكومية فقط واتضافت ف معهدين الشروق والمستقبل تقريبا 
الكليات الخاصة فيها ميكاترونكس خليط من ميكانيكا وكهرباء
متخليش ماده زي الرسم تغير تفكيرك عن القسم الرسم ما الا حاجه مكبره من رسم اعدادى بدل ما بتاخد قطعه معدنيه واحده لا بتاخد اكتر من قطعه وبتجمعهم مع بعض عشان تكون الاله 
القسم ده اقل قسم ناس مش لاقيه شغل
لان الشغل بتاعه كتير جدا
اخر حاجه حب القسم لو هتدخله عشان متعانيش
والقسم ممتع ف الدراسه بس محتاج مجهود شويه
وربنا يوفقكم جميعا لما يحبة ويرضاة
اختار القسم اللى بتحبة و انطلق



حجم الخط
+
16
-
تباعد السطور
+
2
-