أخر الاخبار

ما هو قسم هندسة بحرية وعمارة سفن بكلية هندسة Naval engineering and ship architecture


قسم هندسة بحرية وعمارة سفن ، القسم اللى اغلب الناس ان مكنش كلها فاهمة ان مهندس بحرية يعني قبطان مهندس بحري يعني وظيفتك السفينة من مرحلة وضع الديزاين بتاعها للتنفيذ والبناء والصيانة ... يعني مسئول عن السفينة حتى بعد ما تطلع من الترسانة عن طريق هيئات الاشراف وسلامة الملاحة البحرية 

وكمان عن طريق دورة تاخدها ف الاكاديمية بعد التخرج تقدر تبقى مهندس ع سفينة مسئول عنها حتى ف البحر ، القسم مش موجود غير فى هندسة اسكندرية وهندسة بور سعيد .. مع العلم اسكندرية هو الاقدم ، دراسة القسم ممتعة جدا خصوصا اللى داخل القسم عشان الشغف بالمجال .. لو داخله ع اساس أهو قسم وخلاص ... اهرررررررب 
..
القسم ف بدايته كان مهندسين فقط ومكنش بيقبل بنات  دكتورة هبة هي اول مهندسة فى القسم واول دفعة خلال دراستها الاربع السنين واثبتت ان القسم مش مقتصر على الولاد 
  • عدد الطلبة المقبولين ف القسم مش بيزيد غالبا عن 100 طالب سنويا 
  • تنسيق القسم مش عالي يعني حاجة وخمسين كده ف المية 
  • نسبة البنات مش بتزيد ع 10% ودي ميزة اصلا ف القسم 

شغلنا غالبا بيكون مكاتب الديزاين ومتاح نشتغل تفتيش  وطبيعي يكون مجالنا مفتوح اكتر للى يقدر يسافر 

مواد القسم : نتيجة لان السفينة تعتبر مدينة كده ف نفسها ف طبيعي تحس موادنا أخدة من كل بستان زهرة  الاصل مواد ميكا وشوية استراكشر كتير ع كهربا بجانب مواد التخصص اللى بتخليك حاسس نفسك مهندس مميز عن غيرك كتير