أخر الاخبار

ما هو قسم ميكاترونيكس بكلية هندسة Mechatronics Engineering

 
ميكاترونكس قسم صعب ومحتاج مجهود كبير واعتماد كامل على نفسك بس هو قسم المستقبل عشان بيجمع بين كهرباء و ميكانيكا والكترونيات مثال صغير على ان المستقبل لميكاترونكس العربيات زمان كان ال gearbox بتاعها عباره عن عادي او اتوماتك دلوقتي بقى في نوع في العربيات الجديده Mechatronics gearbox ، مثال تاني يخلي ميكاترونك تبقى قسم المستقبل

دلوقتي لو انت صاحب مصنع وعايز تعمل مثلا خط فرز وتوزيع انه الاحسن بالنسبالك انك تجيب مهندس ميكانيكا يعملك الديزين بتاع الخط و بعد كده تجيب مهندس كهرباء عشان يعملك الكنترول بتاع الخط ويشغلهولك ولا تجيب مهندس واحد بس يعملك شغل الاتنين

ومثال تالت
انه الاحسنلك كصاحب مصنع تجيب ١٠٠ عامل عشان يعملولك المنتج بتاعك ولا تجيب مهندس ميكاترونكس يعملك robot arms
تعمل شغل ال ١٠٠ عامل وممكن تضوروا على مصانع bmw وتشوفوا ال robot arms

ولو قعدنا نقول اسباب ليه ميكاترونكس قسم المستقبل مش هنخلص

نيجي ل الفرق بين ميكاترونكس و كهرباء وميكانيكا
بتوع كهرباء 
  • بيشتغلوا في توليد ونقل واوزيع الكهرباء و بيشتغلوا و في المقاولات في توزيع الكهرباء في العماير والمصانع ... الخ
انت كميكاترونكس ملكش دعوه بالكلام ده كله
  • انت ليك في جزء كهرباء انك تشتغل كنترول و embedded systems
  • كنترول لازم تكون فاهم كويس في plc و scad و driver و classicو تكون عارف انواع المواتير وامتى تستخدم كل نوع
  • بالنسبه ل ال embedded فلازم تكون عارف avr و pic و ازاي تصمم دائرة pcb وطبعا تكون فاهم في البرمجه كويس جدا
بالنسبه لميكانيكا 
  • فالمفروض تكون فاهما زيك زي اي مهندس ميكانيكا

انت كميكاترونكس عباره عن مهندس ميكانيكا معاه شويه كهرباء يخدمواه في شغلك كمهندس ميكانيكا

في غلطه بيقع فيها معظم مهندسين الميكاترونكس انهم بيهتموا بمواد كهرباء اكتر وبيهربوا من مواد ميكانيكا عشان مواد ميكانيكا اصعب من كهرباء
وده غلط كبير لانك في الاخر انت مهندس ميكانيكا مش مهندس كهرباء ولما تشتغل هتستغل كميكانيكا فلازم تكون فاهم ميكانيكا كويس جدا

بالنسبه ل المواد المفروض هتدرسوها هنزلكم لينك فيه المواد الهتدرسوها و المحتوى المفروض تاخدوها
طبع المواد بتختلف من كليه لكليه بس معظم المواد واحده

نيجي ل الخبر الوحش
ميكاترونكس يعتبر قسم جديد في مصر يعني لحد دلوقتي مفيش دكاترة ميكاترونكس كتير ولو في مش هيكون عندهم خبره كبيره في 

المجال بعكس باقي الاقسام
فيتطروا يجيبولك دكاتره من ميكانيكا و دكاتره من كهرباء يشرحولكم المنهج
المشكله في ان الدكتور لما بيدخل بيشرحلك جزء كهرباء اكنك كهرباء مش ميكاترونكس

يعني ايه
يعني انك انت كميكاترونكس المفروض لما تاخد الجزء الكهرباء لازم تربطه بالميكانيكا وتشوف هتستفيد بيه ايه في شغلك كميكانيكا
لاكن بتاع كهرباء بيفهم جزء كهرباء و مش محتاج يعرف ده هيتربط بايه في ميكانيكا
وهنا المشكله
انك باتخرج معاك شوية معلومات كهرباء و شويه ميكانيكا لاكن مش عارف تربطهم ببعض
فانت كده مبقتش محصل لا مهندس كهرباء ولا ميكانيكا
ولا حتى ميكاترونكس لان اهم حاجه في ميكاترونكس ازاي تربط كهرباء بميكانيكا
فالحل انك بتعتمد على نفسك اعتماد كلي في المذاكره و في ربط المعلومات وفي كل حاجه

نيجي لالشغل فللاسف مفيش شغل ميكاترونكس كتير في مصر لاكن في شركات embedded systemبدات تفتح و ممكن تشتغل مندس ميكانيكا
لاكن بره مصر مهندس ميكاترونكس مطلوب جدا
بس لازم يكون فاهم كويس عشان يقدر ينافس المهندسين البره