وكمان اعدادي هندسة بترول من اسهل هندسات مصر ده إن ما كانش أسهلها بسبب قلة العدد و سهولة التعامل مع الدكاترة عن بقيت جامعات مصر بالإضافة إن كل الكلبة خدومة و كله بيساعد بعضه فالدنيا بتكون سهلة نيجي بقا للمواد
مواد اعدادي هندسة كلية بترول وتعدين جامعة السويس
الترم الاول
رياضة١ (١٥٠ درجة) ، استاتيكا ( ١٥٠درجة) ، فيزيا حرارية وخواص مادة (١٥٠درجة) ، كيميا كهربية وحرارية وغازات( ١٥٠درجة) ، رسم هندسي ( ١٠٠ درجة) ، تاريخ هندسي (٥٠ درجة)
الرياضة(تفاضل وجبر ) الجبر من تخصص د.محمد داغر وحرفيا من احسن الشخصيات اللي ممكن تتعلم منها رياضة وبيتعب جدا ف المحاضرة ف لازم مستوى الامتحان يبقا على مستوى تعبه وامتحاناته بتيجي من الشرح والتصحيح كويس جدا حتى لو انت عكيت ف الحل فهو بيقيس فهمك و لو شافك فاهم و حالل خطوات كويس بيكرمك اوي ف الدرجات ومش بياخد حضور
التفاضل دكتور إيهاب شرحه للأسف مش مساعد الطلبة لكن اللذيذ بقى ان المنهج سهل و أغلبه انت خدته ف ثانوي و اللذيذ أكتر ان الامتحان بيجي ام سي كيو و سهل
أعمال السنة في المادة الرياضة ١ بتبقى ٥٠ درجة انت ضامن ١٠ منهم و ٤٠ درجة تقريبا بيكونوا ع الميد تيرم و غالبا بيبقى مكرر لو حليت امتحانات قديمة هتقفله
الاستاتيكا بيديها د.سيد عوض ومن الشخصيات المحترمة جدا ومش بيحب يتعب الطلبة هو بس بيطلب حضور المحاضرات ( بس مش بياخد غياب) و حل الشيت وهييجي منه الامتحان. واغلبيه الدفعه بتحيب امتياز بسهوله و لو شديت ضوية و ركزت في الشيت شويتين هتقفل المادة اللي عبارة عن ١٠٠ فاينال و ٥٠ ميد
فيزياء خواص الماده و الفيزيا الحرارية بيديها د.احمد حنورة ومن اكتر الدكاترة اللي الطلبة بتحبها بسبب طريقة تعامله المحترمة جدا مع الطلبة وبيحسسنا باهتمامه دايما وشرحه فيه طلبة بتفهمه و طلبة تانية لأ
لكن انت معاك منصة عظيمة اسمها كيم كام مش هتخليك محتاج حاجه و هتسهل عليك خالص
لازما تحضر سكاشن الفيزيا عشان تعرف تعمل التجارب
الكيميا الكهربية بتديها د.مروة وبتحب محاضراتها اوي وبتشرح بالكتابة لسة ولازم تكتب وراها المحاضره علشان تعرف تذاكر وبتقول الامتحان مبيطلعش من المحاضرات و فعلا امتحانها من شرحها
سجل ريكوردات للمحاضرة و اسمعها ف البيت على هداوة و اكتبها و الامتحان منها و من الامتحانات السابقة ان شاء الله
كيميا حرارية وغازات كان د/خالد ود/اسماء . بيهتموا بالمسائل جدا وبيبقا اغلب الامتحان مسائل بس سهلة جدا ومشروحة كلها ف المحاضرات،
رسم هندسي د هاني الجوهري شرحه كويس وبيتعاطف مع الطلبة
و الجميل ان معدين الرسم كويسين و بيخلوك متمكن ف المادة
امتحانه سهل و بيجي من الكتاب اهتم بس بحل الشيت اللي بينزل و اسمع التعليمات اللي بيقولها الدكتور ف المحاضرات لان دي اللي بيحاسب عليها و الامتحان بيتعلم كويس جدا
تاريخ علوم هندسية د.عصام احمد ( عميد الكلية وقتها) بس المادة تجميع درجات ومفيش منها قلق.
الترم التاني
بندرس: رياضة٢ ( تكامل و فراغية) (١٥٠درجة) ، فيزيا ٢ ( كهربية ومغناطيسية وبصريات) (١٥٠درجة) ، إنتاج( ١٠٠درجة ) ، رسم هندسي(١٥٠درجة) ، ديناميكا(١٥٠درجة) ، ، لغة(٥٠درجة ) ) معظم الدكاترة زي ما هي..
الرياضة
- ( تكامل) د ايهاب اهتم بحل مسائل الكتاب و المنهج بسيط جدا و الامتحان بيجي من الكتاب
- فراغية د داغر و نفس نظام الترم الاول
فيزيا
- البصريات كان د.احمد حنورة زي مهو المادة بسيطة أوي لكن صعبة حاول تذاكرها أول بأول لأن مفيش مصدر يوتيوب يسهل عليك الموضوع فيها ، اهتم بالكتاب الكتاب الكتاب و الامتحانات القديمة كنز معاك كفيل يخليك تقفل المادة
- والكهربية والمغناطيسية كان د. بيتر و بصراحة جنب شرحه انت مش هتحتاج تسمع لأي دكتور تاني لان شرحه عظيم جدا فحاول بقدر الامكان تحضر محاضراته و متغيبش فيها و اهتم بانك تسجل او تكتب وراه و كده كده مع دفعة ٢٠٢٠ هتلاقي محاضراته كلها متسجلة عشان الكورونا ممكن تاخدوها منهم
رسم هندسي كان د.هاني الجوهري دكتور معروف بنشاطه وكان بيشرح في المحاضره ومشغل المعيدين معاه ومعروف بكتره الرسومات المطلوب رسمها وكان شغال معانا فري هاند سكيتش، وكان بيتابع رسم الطلبه في المحاضره وبيدي بونص وماينص، وكان بيستوفي وقت محاضرته كامله وممكن يدخل في المحاضره اللي بعدها وامتحانه متوسط نوعا معا
ديناميكا د.سيد عوض زي مهو واهم حاجه هأكد عليها هي انكوتحفظ الشيت صم لأن الإمتحان 100٪منهم
اللغة والحقوق زي ف اي كلية مواد تجميع درجات مفيش منهم قلق
الجدير بالذكر ان المواد كلها بالانجليزي حتى الانتاج ، ومفيش ف الرسم وصفية.و ده مش هيعملك مشكلة المناهج عندنا مبسطة ع الاخر
أقسام هندسة بترول السويس
نكلم بقا عن الاقسام ونبذه مختصره عن كل قسم ، كلية هندسة بترول السويس بتشمل على ٦ أقسام، ٥ منهم تقدر تدخلهم بمجموعك في إعدادي هندسة والقسم السادس تقدر تدخله بالفلوس
1. قسم هندسة حفر وإنتاج البترول:
كان يعتبر أعلى قسم في التنسيق داخل الكلية، لكن اختلف السنادي و بقى تكرير الاعلى و هو اللي بعدن هتدرس فيه أساليب استخراج البترول من أول الاستكشاف لحد المعالجة الأولية لخامات الزيت والغاز، مرورًا بعمليات الحفر وتطوير الحقول والإنتاج وتحسين المكامن وإدارتها، لو إتخرجت من القسم ده هتكون مؤهل تشتغل في شركات استخراج البترول في تخصصات الحفر والإنتاج وهندسة المكامن ، المستقبل هنا ملوش ملامح و ماشيين بمبدأ الأرزاق بيد الله
2. قسم هندسة التكرير والبتروكيماويات:
يعتبر من الأقسام النادرة في كليات هندسة كلها لذلك فانت ليك مكانتك جدا فيه ، هتدرس فيه أساليب تكرير خامات الزيت والغاز وإزاي تطلع منهم كل المشتقات المفيدة، هتتعلم من بعد استلام خامات الزيت والغاز من حقول الإنتاج ازاي تعالجها من الشوائب وتنتج مشتقات البترول المختلفة اللي بتدخل في صناعات كتيرة جدًا، عند تخرجك من القسم ده هتكون مؤهل تشتغل في شركات التكرير والبتروكيماويات و الغاز الطبيعي و تحلية المياه و ليلة كبيرة اوي مجالاته ما بتخلصش
.
3. قسم هندسة الفلزات والميتالورجيا:
هتدرس فيه هندسة إنتاج المواد الجديدة واستخلاص المواد وتحضيرها وهندسة اللحام وهندسة فحص واختبار المواد وهندسة التآكل والمعالجات الحرارية وتشكيل المواد وهندسة صناعة الصلب، الدراسة في القسم ده بتشتمل على تخصصات كتيرة وبتؤهلك إنك تشتغل في أماكن كتيرة زي شركات الحديد والصلب وغيرها
.
4. قسم هندسة المناجم:
هتدرس في القسم ده تكنولوجيا المناجم وطريقة معالجة الخامات لتصبح ذات قيمة اقتصادية عالية وهتدرس اختصاصات كتيرة متعلقة بالمناجم زي تهويتها وتكييفها واقتصاديات وإدارة المناجم وتصميمها، خريجين القسم ده ليهم مجالات عمل كتيرة منها تصميم وبناء المشروعات السطحية وتحت السطحية والعمل في المراكز البحثية وتصميم وبناء السدود والخزانات ، و القسم ده حاليا متوسعة جدا الدولة فيه و كل الخريجين فيه مطلوبين تقريبا مفيش خريج ما بيشتغلش ، و مميز ان عدد الطلبة فيه قليل جدا حوالي ١٥ طالب
.
5. قسم الهندسة الجيولوجية والجيوفيزيائية:
تنقسم الدراسة في القسم إلى قسمين، القسم الأول وليه علاقة بمجال الهندسة الجيولوجية وهتدرس فيه هندسة الأساسات والهندسة المدنية وهندسة الأنفاق والسدود وميكانيكا التربة والزلازل والبراكين وتراكيب الصخور والمعادن، إنما القسم التاني وليه علاقة بمجال البترول وخاصة هندسة الحفر وهتدرس فيه هندسة حفر خزانات البترول والاستشعار عن بعد، هويتك كخريج من القسم ده هتتحدد بالمجال اللي هتشتغل فيه سواء مجال البترول أو مجال الهندسة الجيولوجية
.
6. قسم استكشاف وإنتاج البترول:
القسم ده يتبع نظام الساعات المعتمدة وهو القسم الوحيد في الكلية اللي ليه مصروفات خاصة، إنما الدراسة فيه تشبه لحد كبير قسم حفر وإنتاج البترول مع وجود اختلاف بسيط، لكن مجالات العمل بعد التخرج مش بتختلف إطلاقًا عن قسم حفر وإنتاج البترول. تقدر تخشه علطول من اعدادي او بعد اعدادي براحتك
بالتوفيق
.
3. قسم هندسة الفلزات والميتالورجيا:
هتدرس فيه هندسة إنتاج المواد الجديدة واستخلاص المواد وتحضيرها وهندسة اللحام وهندسة فحص واختبار المواد وهندسة التآكل والمعالجات الحرارية وتشكيل المواد وهندسة صناعة الصلب، الدراسة في القسم ده بتشتمل على تخصصات كتيرة وبتؤهلك إنك تشتغل في أماكن كتيرة زي شركات الحديد والصلب وغيرها
.
4. قسم هندسة المناجم:
هتدرس في القسم ده تكنولوجيا المناجم وطريقة معالجة الخامات لتصبح ذات قيمة اقتصادية عالية وهتدرس اختصاصات كتيرة متعلقة بالمناجم زي تهويتها وتكييفها واقتصاديات وإدارة المناجم وتصميمها، خريجين القسم ده ليهم مجالات عمل كتيرة منها تصميم وبناء المشروعات السطحية وتحت السطحية والعمل في المراكز البحثية وتصميم وبناء السدود والخزانات ، و القسم ده حاليا متوسعة جدا الدولة فيه و كل الخريجين فيه مطلوبين تقريبا مفيش خريج ما بيشتغلش ، و مميز ان عدد الطلبة فيه قليل جدا حوالي ١٥ طالب
.
5. قسم الهندسة الجيولوجية والجيوفيزيائية:
تنقسم الدراسة في القسم إلى قسمين، القسم الأول وليه علاقة بمجال الهندسة الجيولوجية وهتدرس فيه هندسة الأساسات والهندسة المدنية وهندسة الأنفاق والسدود وميكانيكا التربة والزلازل والبراكين وتراكيب الصخور والمعادن، إنما القسم التاني وليه علاقة بمجال البترول وخاصة هندسة الحفر وهتدرس فيه هندسة حفر خزانات البترول والاستشعار عن بعد، هويتك كخريج من القسم ده هتتحدد بالمجال اللي هتشتغل فيه سواء مجال البترول أو مجال الهندسة الجيولوجية
.
6. قسم استكشاف وإنتاج البترول:
القسم ده يتبع نظام الساعات المعتمدة وهو القسم الوحيد في الكلية اللي ليه مصروفات خاصة، إنما الدراسة فيه تشبه لحد كبير قسم حفر وإنتاج البترول مع وجود اختلاف بسيط، لكن مجالات العمل بعد التخرج مش بتختلف إطلاقًا عن قسم حفر وإنتاج البترول. تقدر تخشه علطول من اعدادي او بعد اعدادي براحتك
بالتوفيق