أخر الاخبار

ما هي كلية هندسة جامعة جنوب الوادى بقنا (مواد اعدادي هندسة والاقسام ) Faculty of Engineering in Qena, South Valley University

ما هي كلية هندسة بقنا جامعة جنوب الوادى  (مواد اعدادي هندسة والاقسام ) Faculty of Engineering in Qena, South Valley University

كلية هندسة بقنا جامعة جنوب الوادى ، يُقال ان كليه الهندسة كانت عباره عن قصرى ملكى مسبقاً لذلك سوف يتم ضمها لوزاره الاثار فيما بعد ولذلك بيتم حاليا بناء كليه جديده بداخل جامعه جنوب الوادي ، وفي هذا المقال علي موقع بريمو هندسة سنتناول بالتفصيل مواد الفرقة الاعدادية واقسام الكلية

مواد اعدادى كلية هندسة بقنا جامعة جنوب الوادى


الترم الاول :- 
رياضيات ١
بتدرس فيها تفاضل وتكامل ( يعنى شويه نهايات ع قواعد ع تكامل بتكون اخدتهم قبل كدا ف ثانوى ) محتاجه بس شويه مجهود
بيدهالك دكتور من علوم تقريبا بيتغير كل سنه والسكاشن كمان من علوم وعليها ١٥٠ درجه.

فيزياء ١
بيدهلك برضوا دكاتره من علوم والسكاشن من علوم  منقسمه الى 
  • فيزياء حراريه : بتدرس فيها الحراره وخواصها واستخداماتها وعليها ١٥٠ درجة بيدرسها د/ بدرى النوبى وغالبا مش بيتغير.
  • فيزياء خواص : بتدرس فيها خواص الماده والليونه والصلابه وهكذا وعليها ١٥٠ درجه  بيدرسها د/ ابو الوفأ ابو المعارف وغالبا مش بيتغير.

ميكانيكا هندسيه ١ 
بتدرس استاتيكا تالته ثانوى ب الاضافه ل بعض التغيرات البسيطه كان بيدرسها د/ محمد عطيه رحمه الله + د/ محمود عبد السلام من اجمل الدكتاتره اللى هتقابلهم بيدلك سكاشن وبيوصلك المعلومه بسرعه.

تاريخ هندسى 
بتدرس فيه نشأه الهندسة وتاريخ الهندسه ومعلومات بسيطه عن الاقسام الهندسيه وهى ماده نظريه عليها ٥٠ درجه.

تكنولوجيا الحاسبات
بتدرس فيه الانظمه الرقميه واساسيات الحاسب وحاجات نظرى كدا + الجزء العملى خاص ب الهاردوير والحاجات دى وبيكون قدامك الجهاز مفكوك وبتشوفه كل حاجه قدامك عليه ١٥٠ درجه.

لغه انجليزيه 
بتدرس بعض المصطلحات البسيطه وحروف الجر وكدا عليها ٥٠ درجه.

الرسم الفنى 
ودا ماده ممتده السنه كلها يعنى مش هتمتحن فاينل هتمتحن الترم التانى بتدرس اساسيات ورسم الايزومترك والاستنتاج المساقط 

ما هي كلية هندسة بقنا جامعة جنوب الوادى  (مواد اعدادي هندسة والاقسام ) Faculty of Engineering in Qena, South Valley University

الترم التانى :- 
رياضيات ٢ 
بتدرس فيها جبر وهندسه تحليله وهكذا بتكون اخف بكتر من رياضه الترم الاول وسهل تعوض فيها عليها ١٥٠ دكتورها من علوم .

فيزياء ٢ 
بتنقسم الى فيزياء كهربيه وفيزياء مغناطيسيه من اللى اخدتهم ف ثانوى برضوا وعليهم ١٥٠ دكتوراه من علوم.

ميكانيكا هندسيه ٢ 
بتدرس فيها ديناميكا تالته ثانوى بالاضافه ل حاجات تانيه( الشغل والطاقه قوانين نيوتن وهكذا)

تكنولوجيا الانتاج 
بتدرس فيها حاجات تبع الحداده والتبريد والورش والكلام دا

كيمياء هندسيه 
دكتورها من علوم تقريبا دى اسهل ماده هتلاقيها  بعض الكيمياء التحليلية والعضويه هتكون جزء بسيط جدا زى التسميه وكدا 

الرسم الهندسى 
ودى اخر ماده ان شاء الله عليها ٢٠٠ درجه للترمين والميد ٥٠ ممكن يكون ميد واحد خلال السنه وممكن يكون اتنين ع حسب هتدرس باقى الاستنتاجات وحاجه كدا اسمها قطاعات وتهشير بس الامتحان بيكون سهل.

اقسام كلية هندسة جامعة جنوب الوادى بقنا 

ما هي كلية هندسة بقنا جامعة جنوب الوادى  (مواد اعدادي هندسة والاقسام ) Faculty of Engineering in Qena, South Valley University

بتكون ع حسب الرغبه والمجوع ف نفس الوقت يعنى لو جايب مجموع قسم معين وانت كتبته رغبه اولى هيجيلك لو مش جايب مجموعه مش هيجيلك هيجيلك اللى بعده ع حسب مجموعك فيه تلت اقسام 
  1. قسم كهرباء بور ، بس مفيش اقسام تانى ( يقال انه هيتم افتتاح قسم اتصالات والله اعلم ) .
  2. قسم مدنى .
  3.  قسم ميكانيكا بور،  بس برضوا مفيش اقسام تانيه ليه .

بالنسبه لطلاب المعاهد والثانويه الصناعيه متقولش المواد صعبه وماخدتهاش انت تقدر تتفوق علي بتوع الثانويه العامه لو انت عايز كدا هتلاقى كل المواد سهله والدكاتره بيراعوا دا وبيشرحوا كويس 
موفقين باذن الله تعالى