ما هي كلية هندسة جامعة الفيوم (مواد اعدادي هندسة والاقسام ) Faculty of Engineering, Fayoum University

ما هي كلية هندسة جامعة الفيوم  (مواد اعدادي هندسة والاقسام ) Faculty of Engineering, Fayoum University

مواد اعدادي  كلية هندسة جامعة الفيوم

في هذا المقال هنتكلم بالتفصيل علي موقع بريمو هندسة عن مواد اعدادي واقسام هندسة الفيوم ، ومواد الترم الاول ( 6 مواد ) هي:

1- الرياضيات.
  •  الترم الاول بتدرس #التفاضل ( ا. د/ سامي البدوي )
  •  بتدرس النهايات و اشتقاق الثانوية العامة مع بعض التوسعات و في شوية نظريات و إثبات
  •  درجات المادة 100 ( 60 فاينال + 20 ميد ترم + 20 اعمال سنة)
  •  المادة ليها سيكشن.
  •  المادة منتهية ترم اول بس ⁦ ⁩.
  • مع مراعاة ان في جزء تفاضل صغير جديد هتدرسه في الترم التاني محاضرتين بالكتير 

2- الفيزياء.
تنقسم إلى جزئين ( خواص المواد ، الديناميكا الحرارية )
  • اولا خواص المواد ( د/ أحمد عبد اللطيف )
  • بتدرس الليونة و الصلابة و التمدد ..الخ و معادلة بيرنولي المشهورة و تطبيقات عليها.
  •  ثانيا الديناميكا الحرارية ( د/ مصطفى رضوان )
  • بتدرس بعض المفاهيم عن المادة و إنتقال الحرارة و قوانين الديناميكا الحرارية. ( اللي ناوي على ميكانيكا يهتم بالفرع ده لأنه الأب الروحي للقسم )
  • درجات المادة 200 ( 120 فاينال + 40 ميد ترم + 40 اعمال سنة )
  • المادة منتهية ترم اول بس ⁦ ⁩.
  •  المادة ليها سيكشن.

3- الاستاتيكا ( د/ احمد عبد التواب )
  • بتدرس نفس ثانوية عامة الاتزان و العزوم و مركز الثقل مع إضافة بعض القوانين و التوسعات. ( المادة سهلة جدا )
  • درجات المادة 100 ( 60 فاينال + 20 ميد ترم + 20 اعمال سنة).
  • المادة ليها سيكشن.
  • المادة منتهية ترم اول بس⁦ ⁩.

4-  الرسم الهندسي والهندسة الوصفية 1. ( ا. د/ رامي محمد طلعت )
 اولا الرسم الهندسي. 
  • بعض قوانين الهندسة المستوية و رسم الجيوميتريgeometry construction 
  • و استنتاج المساقط التلاتة من الايزومتريك
  • واستنتاج المسقط التالت من مسقطين 
  • و رسم الايزومتريك.من تلات مساقط 
  • واستنتاج المسقط التالت مع رسم الايزومتري 
  • و اخيرا القطاعات و التهشير و هي جزء واحد اسمه full section 
ثانيا الهندسة الوصفية 
  • بتتعلم يعني أي إسقاط و بعض المفاهيم عن المادة و بتدرس إسقاط نقطة و خط مستقيم و المستويات و لحد الاسقاط المساعد و تطبيقات عليه. ( المادة محتاجة تخيل عالي جدا و على اد ما تقدر حاول تفهم و الدكتور كويس جدا و تحضر المحاضرات كلها حتي لو مش فاهم اكتب خطوات الحل ).
  • درجات المادة 100 ( 60 فاينال + 20 ميد ترم + 20 اللوحات )
  • المادة ليها سيكشن بيكون في صالات الرسم.
  •  المادة منتهية ترم اول بس⁦ ⁩.

5- الكيمياء الهندسية. ( د/ علياء )
  • بتدرس بعض العمليات و الاحتراق و موازنة العمليات 
  • المادة سهلة جدا و سهل الامتياز
  • درجات المادة 100 ( 60 فاينال + 20 ميد ترم + 20 اعمال سنة )
  • المادة ليها سيكشن و د/ علياء هي اللي بتكون موجوده.
  • المادة منتهية ترم اول بس⁦ ⁩.

6-  اولا اللغة الانجليزية. ( د/ أشرف)
  • الموضوع سهل جداً شوية جرامير على كلمات لو مستواك 70٪ في الثانوية العامة تقدر تجيب الإمتياز.
  •  (تعتبر نصف مادة )
  • درجات المادة 75 
  • المادة ملهاش سيكشن و منتهية ترم اول بس⁦ ⁩.
 ثانيا التاريخ الهندسي. ( د/ احمد عبد اللطيف )
  • بتدرس مفهوم المهندس و نشأة الهندسة و تطورها في الحضارات القديمة المختلفة و قوانين حمورابي . 
  • المادة كلها نظري و كلها حفظ بس الموضوع سهل مش صعب. 
  • (تعتبر نصف مادة ).
  •  درجات المادة 75.
  •  المادة ملهاش سيكشن و منتهية ترم اول بس⁦ ⁩.

ما هي كلية هندسة جامعة الفيوم  (مواد اعدادي هندسة والاقسام ) Faculty of Engineering, Fayoum University

الترم الثاني ( 6 مواد )
 
1-  الرياضيات ( تكامل ، جبر و تحليلية ).
اولا التكامل ( د/ سامي البدوي )
  • بتدرس تكامل ثانوية عامة كله بجانب قوانين التكامل و بعض النظريات و التطبيقات على التكامل المساحات و حجوم الأجسام الدورانية بتوسعات عن الثانوية العامة.
  • التكامل من أهم فروع الرياضيات و خلي بالك لأنو من أصعب المواد.
ثانيا الجبر والتحليلية ( د/ كارم عويس )
  • بتدرس في الجبر المصفوفات و المحددات و العمليات عليهم و طرق حل النظم الخطية بس طرق كتيييير و جديده و توسعات اكتر
  • بتدرس في التحليلة الخطوط المستقيمة و المستويات و المعادلة العامة لكل حاجة في الفراغ بجانب الدائرة و الكورة... الخ
  • الجديد فيها أنك بتدرس البيضاوي و الهيبوربوليك و البرابولا و هتفهم الحاجات دي.
  • التحليلة طويلة جداً و شبه بعضها بس سهلة .
  • درجات المادة 200 ( 120 فاينال + 40 ميد ترم + 40 اعمال سنة )
  • المادة ليها سيكشن.

2- الفيزياء ( د/ احمد عبد اللطيف ، د/ مصطفى رضوان ، د/ ماجد كساب )
  • بتدرس الكهربية الثانوية العامة و حاجات تانية كتير جدا بعض القوانين عن المجالات الكهرببة و المغناطيسية .. الخ 
  • قوانين الكهربية كتير و شبة بعضها و لازم تكون فاهم تكامل
  • ( إللي ناوي على قسم كهربا يهتم بالاساسيات و بالمادة أشد إهتمام )
  • درجات المادة 125 
  • المادة ليها سيكشن.

3- ديناميكا الجسيمات ( د/ احمد عبد التواب اساسي ، د/ سومة معمل )
  • بتدرس قوانين الحركة ثانوية عامة بالاثباتات بجانب دراسة الحركة الدورانية و المقذوفات و البكرات و حاجات تانية بس سهلة المادة محتاجة تكون فاهم مش حافظ قوانين.
  • درجات المادة 125.
  • المادة ليها سيكشن.

4- البرمجة ( د/ منة ).
  • بتدرس في البداية هارد وير و سوفت وير و إزاي العمليات بتتم في الكمبيوتر و بعدين بتدرس لغة برمجة C++ و إزاي تكتب كود.إلخ
  •  درجات المادة 100 
  • المادة ليها سيكشن بيكون في معمل الحاسب.

5- الرسم الهندسي الهندسة الوصفية 2 ( د/ رامي محمد طلعت )
  • الترم الثاني بتدرس في الرسم التهشير و الاستيل و هتفهم يعني أي .
  • الترم الثاني بتدرس في الوصفية الموضع و القياس والدوران و كثيرات السطوح و الأفراد و تطبيقات بقااا كتير . 
  • درجات المادة 100 
  • المادة ليها سيكشن بيكون في صالات الرسم.

6- تكنولوجيا الانتاج والتصنيع ( د/ احمد ابراهيم ).
  • المادة كلها نظري بتتكلم عن جودة المنتج و كفاءة التصنيع و إزاي تقدر تصنع أفضل منتج بأقل تكلفة... إلخ . بتتعلم كمان بعض العمليات زي الخراطة و الحدادة و اللحام و السباكة ( إزاي تعمل سبيكة ) .. إلخ
  • درجات المادة 100 
  • المادة بيكون ليها سيكشن بتكون في ورش ميكانيكا .

بالنسبة لنظام النجاح و الرأفة والكلام الكتير ده .
خليك عارف أن في حاجة اسمها لائحة الكلية و بتختلف باختلاف الكليات تمام كده ، النجاح في المادة من 50٪ بس بشرط تكون جايب اقل حاجة تلت درجات الفاينال و إلا هترسب لائحة بمعنى مادة رياضه مثلاً درجات المادة 100 النجاح 50/100 بس شرط أنك متجبيش أقل من 20/60 في الفاينال لو جبت 19/60 ترسب لائحة و تشيل المادة .

طيب امتى اخد الرأفة .
مادة رياضه مثلاً درجات المادة 100 أنت جبت 48/100 بس جايب 20/60 أو اكتر في الفاينال تاخد درجات الرأفة في الحالة دي ليك 6 درجات فقط ، طيب لو أنا جايب 43/100 و جايب في الفاينال 20/60 أو اكتر بس ليا 6 درجات رأفة يبقى مجموعك الكلي 49/100 يبقى تشيل المادة.

آخر حاجة أمتى أعيد السنة و اسمها تدبلر
لو شايل 3 مواد او اكتر و خد بالك أن الانجليزي و التاريخ نص مادة ، بمعنى لو شايل رياضه و استاتيكا و تاريخ أو انجليزي يبقى مادتين و نص يبقى تعدي مش هتدبلر

أقسام هندسة الفيوم


يتواجد بهندسة الفيوم 6 اقسام هندسية عامة بالاضافة الي قسمين كريدت بمصروفات وهم كالاتي: 
  1. مدني 
  2.  عمارة 
  3. كهربا 
  4. اتصالات 
  5. حاسبات 
  6. ميكانيكا
اقسام كريدت خاص
  1. ميكاترونكس 
  2. بناء وتشييد