أخر الاخبار

ما هي كلية هندسة جامعة بني سويف (مواد اعدادي هندسة والاقسام ) Faculty of Engineering Beni Suef University

ما هي كلية هندسة جامعة بني سويف (مواد اعدادي هندسة والاقسام ) Faculty of Engineering, Beni Suef University

كلية هندسة جامعة بني سويف ، هنبدأ نتكلم عن مواد اعدادي وهي اول سنة والاقسام وكل ما يخص الكلية من تقدير وشروط  قبول هندسة حرفيا عبارة عن ثانوية عامة هتركز وهتغير طريقة مذاكرتك وتظبط ادائك في السنة دي هتعدي انشاء الله بتقدير محترم عندك بقي 

مواد اعدادي هندسة بني سويف


مادة الرسم الهندسي :-
الرسم ده ماده تقدير بمعني الكلمة وهو صعب بس سهل اوووووي وهتفهم الكلمة دي بعدين .. بمعني اخر حب الرسم 
هيحبك  ، ودي هيديهالك دكتور محمد السنوسي هيعاملك انك مهندس بجد ، مش طالب لسه في اعدادي، وبيشرح العاده عالبروجكتور .
ودكتوره تهاني طيبه جدا ومعندهاش طالب حلو وطالب وحش المهم تكون كويس معاها وتحضرلها وانت مهتم مش واحد داخل يقعد ساعه ويمشي ويقول هاخد كورس بره لانها بتكره القصه دي والفرق بينها وبين محمد السنوسي انها بتشرح عالسبوره عادي وبدون بروجكتور بس ده مينمعش انها هيا اللي حاطها كتاب الرسم وبتحط الامتحانات كمان مش محمد السنوسي . 

دكتور عمرو بيشرح ع السبوره وهو لسه متعين دكتور من السنه اللي فاتت واحسن حاجه انو مقرب للطلبه وديما عامل ع مصلحتك وهو اللي بيهتم بأحوال الطلبه بس وقت الدرجات والامتحان بيبقى شخص تاني يعني بيبقى شغل ميري حقك بتاخده بالظبط لا زياده ول أقل 

الرسم الهندسي محتاج تتخيل حقيقي تتخيل ودنيتك هتتظبط ، دي مادة ممتدة هتاخدها الترم الاول وهتكمل معاك الترم التاني وليها امتحان واحد اخر السنة

نيجي لنقطه الامتحان والدرجات هتمتحن ميد ف الترم الاول وهتاخد العمليات الهندسيه(المماسات ) وكمان استنتاج المساقط الثلاثه من ايزو كامل والأبعاد وازاي تحطها وازاي تتعامل مع الادوات وتقسم اللوحه وغالبا امتحان الميد هيبقي ف ورقه a4 ومعمول مكان الثلاث مساقط أو ممكن تمتحن ف صالات الرسم ع ورقه a3 زي ما اتدرتبت ف السيكشن ومفيش فاينال 

الترم التاني بقي هتمتحن ف الميد علي استناج المسقط الثالث واغلب الامتحانات الدكتوره بتبقي استنتاج ال side view  وبعدين هتاخد استيل وكمان رسم الايزو من مسقطين بس وبرضوا عليك القطاعات والتشهير ده منهجك. 

نيجي للمهم بقي الدرجات 40 ميدين .. 40 سيكشن ترمين.. 20 انترفيوا ده ف الترم التاني عليه رصد كل اللوح بتاعت السنه... 150 فاينال 

الانتاج:-
دي مادة جديدة عليك حفظ مع قليل من الفهم ، المادة دي هتعرف فيها قد ايه انت مهندس وخصوصا لما تتعامل مع السكاشن العملي وتستخدم الماكينات زي المخرطة والكشطة والفريزة وهكذا.

هتاخد كل حاجه زي السباكة والنجارة والحدادة وادوات القياس ومرافق صحية هتحس انك مهندس بجد  ابدأ فيها شابتر بشابتر هتبقي سهله طبعا بالاضافة للحضور .

بس عاوز اقولك بنس مفيهاش معامل ولا ورش خاصه لطلبه اعدادي ف الماده دي .. فبتروح يوم الاتنين ع حسب جدولك ممكن بدري وخري بس يوم الاتنين من كل اسبوع تحضر ورشه ومحاضره وتروح يا نجم ، الورش بيديها الفنيين وبيشرح بعض الورش م/ محمد المصري والدكاتره بتاعت الماده هم د/ رجب & د/عامر
وكمان دي هتاخدهاا الترم التاني

الدرجات :- 20 ميد ... 10 انترفيوا ... 10 حضور ورش .. 60 فاينال ، الماده شديده بسبب الكلمات الجديده اللي فيها اللي ليها معنى تاني يعني ف دي بالذات سيبك من جوجل خالص لان لو اتبعت جوجل هتروح سكة اللي يروح ميرجعش 

الفيزياء : 
دي بقي اكتر ماده هترتاح فيها لان الدكتور نجيب من اكتر الدكاتره اللي هتحترمهم ف اعدادي لانه هيديك حقك هيفهمك جدا وكمان مرن يعني ممكن يخلي معاد المقابله بمزاجكوا انتوا وبيهزر ف إطار المحاضره ودنه خفيف يعني اطمن ع نفسك ف الفيزيا وهتجيب تقدير عالي فيها واوعدك ميقلش عن جيد جدا .

المحتوي بقي هتاخد ترم أول.. خواص مواد - كهربيه . وترم تاني .. حراريه- كهربيه ، درجات :- 15 ميد .. 10 انترفيوا ... 50 فاينال وكذلك الترم التاني يعني عندك الماده كلها ف الترمين 300 

المعيدين: م/ مؤمن & م/ محمد حمدي . وعادي المعيدين يتغيروا يعني السنه اللي فاتت مهندسه اسماء هي اللي عطتنا فيزياء ترم تاني كسكشن مع ان الترم الاول اللي كان بيدينا مهندس عمر اللي لسه متكلمين عنه فوق  وده لانه كل واحد بيدي جروب من جروب A أو B .

الكيمياء:-
دي بقي غير كيمياء ثانويه .. دي كيمياء هندسيه يعني هتاخد احتراق الوقود وحالات السوائل والطوب والكميات القياسية والمشتقه وده جزء د/ لمياء مش مهم بالنسبالك التورزيعه دلوقتي المهم تعرف تمشي ف الماده وتفهم وتحفظ اللي محتاج حفظ أو فهم وغالبا هتحفظ 
اما باقي التوزيعه هتاخد معالجه المياه والاسمنت دول اهم جزء ف توزيعه د/ امنيه لانه غالبا عندك 8 فصول ف الماده.

السنه اللي فاتت كانت دكتوره لمياء تدي المحاضره ف الجزء بتاعها ودكتوره امنيه تدي سكشن ودا كان بيبقى اسوء يوم لانك بتتاخر جامد ممكن المحاضره الساعه وحده تلاقيها بدأت تلاته هتلاقي نفسك طالع من الكليه المغرب بيأذن وانت لسه مطلعتش منها بس صراحه الشرح جامد ف السكشن ويستحق انك تقعد 

المهم دلوقتي عاوز تعدي الكيمياء حل امتحانت السنين اللي فاتت واحفظ افكار المسائل والأسئلة اللي بتتكرر لانها اكتر ماده بتتشال هيا والإنتاج ، الدرجات : 20 ميد ... 10 انترفيوا.. 10 تسليم شيتات وكويزات وحضور السكاشن ... 60 فاينال اهم حاجه انك متركنهاش عشان هتحتاج مجهود جبار فعلا 

الكيمياء عايزه مزاكره جامده الدكتوره لمياء من افضل الناس اللي هتتعامل معاها ف الكليه لأنها لينه ف التعامل ، دكتوره امنيه كويسه بس لو زعلتوها استحملوا ومتدخلش بعدها بدقيقه ممكن تكون منتظر المحاضره من ساعتين ومتحضرش لمجرد انك طلعت الفون او انك دخلت بعدها من غير ما تستأذن انك تطلع الفون او تدخل عادي 

الرياضة:- 
هي عبارة عن رياضة ثانوية عامة بس فيها حاجات جديدة هتاخد الماده من اتنين دكاتره د/ علاء هيديك تفاضل وتكامل ع مدار السنه ... و برضو د/ أحمد معاذ .. هيديك جبر و تحليله ع مدار السنه. 
  • الترم الاول .. جبر وتفاضل .
  • الترم التاني .. تحليله وتكامل وبيجوا اصعب من الترم الاول بمراحل .
  • الدرجات .. 15 ميد ... 10 أعمال سنه .. 50 فاينال .
  • وكذلك الترم التاني يعني 15 ميد .. 10 أعمال سنه.. 50 فاينال . يعني المجمل 300 ف السنه .
المعيدين .. م محمد جاد ودا هيظبط معاك الدنيا لان بجد حاجه قمة الاحترام بس ركز معاه لانه بياخد غياب وحضور ف معظم الأوقات وكمان بيدي كويزات  ، الترم التاني يمكن صعب عن الاول بس مش عقبه لان ف ناس ف دفعتنا قفلت رياضه ترم تاني عادي جدا 

ميكانيكا:-
دي بقي هناخدها ف الترم الاول مع الدكتور سيف ومتقلقش خالص منها بيجيب افكار الكتاب ومتقولش استاتيكا ثانويه هحل بطريقه ثانوي هيديك الناحو وتشيل ع طول.. زي ما بيحل تحل زي ما الكتاب بتاعه بيقول تكتب .

والمعيد هوه واحد واحد فاهم مادته وكمان خريج ميكانيكا م/ أحمد إبراهيم يعني بيجيب م الاخر ويديك المفيد ف عشر دقايق وتطلع من سيكشن واخد وجبه خفيفه كده وانت فاهم وبيشرح افكار الكتاب برضوا لانه الامتحان مبيطلعش منه ، وكذلك الأمر مع والديناميكا نفس الدكتور والمعيد بس هناخدها الترم التاني ..

الدرجات : 20 ميد .. 20 انترفيوا+ سيكشن .. 60 فاينال ، كل فرع كده يعني توتال 200 ف الفرعين ، تابع مع مهندس احمد ابراهيم لانه هيروق عليك واشتري الكتاب عشان الاساله بتعته وعلم عليها وكده كده مهندس احمد هبظبط معاك الدنيا وعموما الميكا هي مادة امتياز رسمي 

انسانيات :-
  • 10 ميدترم .. 10 انترفيوا .. 30 فاينال .
وبيديها اتنين دكاتره بتوع الإنتاج د عامر و دكتور رجب الماده دي متركزش معاها لانك بتعرف كلمتين تدخل تجيب جيد جدا يعني لو لقيت نفسك زهقان ف المحاضره أو تعبان متركزش فيها عادي بس حاول تحضر عشان بياخد الغياب لما يلاقي العدد قليل وهيا ماده نظري وحفظ ملهاش لازمه بس اهوه موجوده ف اللايحه بتاعت أي كليه مصر بقي .

لغه اجنبيه ;-
دي هيديها دكتور عبد الحكم وممكن يتغير السنه دي ..
10 ميدترم .. 10 انترفيوا ... 30 فاينال.

الحاسبات :-
دي هناخدها مع الدكتور فتحي بطبيعته مبيحبش الهزار اللي ملوش لازمه يعني لو حد ضحك ممكن يطلع بره أو لو الدفعه ضحكت يبقي يوم أسود تدخل تاخد محاضرات وتخرج .. لانه لو الهزار اتكررت بيحط ع الدفعه وافشخها واحد مش هيعدي ال 8 من 20 ف الميد بمزاجه بقي حالل صح غلط هينمص الدفعه لو سلوكها وحش .. بس هيجي ف الترم التاني ويحط بونص ويعمل الدرجات إذا تغير السلوك طبعا وبتعمل مشروعين عن البوابات المنطقية وواحد عن الماتلاب مع 10 من زمايلك بتسلمه الترم التاني وعليهم 20 .

لكن المنهج بتاخد ترم أول بوابات منطقيه .. الترم التاني ماتلاب ، والدرجات .. 40ميدين ... 20 مشروعين ... 20 معمل ..70 فاينال ، اكتر واحد هتحبه لان ببساطه اكتر واحد يدي بونص سنتنا كنا معظمنا شايل ميد لقينا نفسنا ف عمال السنه جايبين بالميت ٥٠ من ٦٠ دا يمكن اللي مسلمش المشروع 

بس جا الترم التاني ونفخنا ف الميد جابه ع الترم الاول  بس عادي الواحد كان بيقول هيشيل جاب جيد جدا فهو كريم ف الدرجات والماده ممتده يعني هي ليها فاينل واحد اخر السنه ، المعيدين :- م/ اسماء . ممكن تديك فيزياء الترم التاني ودي التعامل معاها سهل بس متضايقهاش 

حقوق الانسان :-
دي بيديها دكتور سيف وهي عاديه ماده بتتكلم عن حقوقك كأنسان وعيشتك والمجتمع وهي عليها انترفيو اشتري الكتاب بتعاها واعرف منه كلمتين تدخل بيهم الامتحان والانترفيو + لو ناوي تحول بتشيلها ف الكليه اللي انت نحول لها لانها مش بتبقى مكتوبه ف النتيجه 


اقسام هندسة بني سويف 

ما هي كلية هندسة جامعة بني سويف (مواد اعدادي هندسة والاقسام ) Faculty of Engineering Beni Suef University

شوف بقي ادام دخلت هندسه بني سويف يبقي مفيش قدامك يا مدني يا عماره يا كهربا حاببهم من دلوقتي وراضي والحمد لله خير مش حابب مجال عماره ولا مدني حول حاسبات ومعلومات من دلوقتي او حول هندسة حلوان احسنلك ، غير ان رئيس جامعة بنى سويف اعلن السنادي 2021 افتتاح قسم الهندسة الكهربية بكلية الهندسة ودي حاجه كويسه

والسنه  دي ممكن يفتحوا ميكا بعد كهرباء فعلا لان خلو دكتوره تهاني مشرفه ع قسم كهربا اللي لسه متفتحش ودكتور عامر مشرف ع قسم ميكا برضه متفتحش بس لو كده بنسبه كبيره هيتفتحوا بس عشان تكون ف الامان يابن الحلال غير محل إقامتك القاهره او المكان اللي حابب تدرس فيه بعد اول شهر ف اعدادي بحيث لو حابب تدخل قسم مش موجود عندك يبقى مجهز حالك للتحويل واحتفظ بنسخه من عقد الإيجار والكلام دا هنتكلم فيه بعدين أن شاء الله 

مش هتحب الكليه ق اول اسبوع بسبب موقعها السئ بس فعلا من اعظم مميزات الكليه ان الدكاتره بتعتها معظمهم كويسين ف التعامل يعني مش بيبقى عايز يضرك لو ناوي تحول قضي سنتك بخير وشد حيلك عشان تجيب تقدير كويس تقدر تحول بيه وسهل جدا ف بنس انك تجيب تقدير 

اول اسبوع هتلاقي صعوبه في الدراسه لأنها زي اي كليه هندسه الدراسه انجليزي ودي حاجه جديده عليك بس عادي معاك جوجل لحد ما تتعود ، ربنا يوفقكم يا ابطال ولو فيه استفسار كومنت في الكومنتات وهرد عليكم ان شاء الله



القوانين و اللوائح و الاليات بهندسة بني سويف


مقدمة :
بدأت الدراسة بكلية الهندسة جامعة بنى سويف بالقرار الوزارى رقم 3762 لسنة
9 / 12 / 2009 على أن تتم الدراسة طبقاً للائحة الداخلية لمرحلة البكالوريوس لكلية الهندسة جامعة القاهرة والتى بدأت فى العام الدراسى 2009ـ2010 بنظام الساعات المعتمدة ، وقد صار لزاماً على الكلية إعادة النظر في نظام الدراسة بالساعات المعتمدة وتعديل اللائحة لتدارك السلبيات التى ظهرت عند تطبيق هذا النظام بسبب عدم توافق امكانيات الكلية البشرية والمكانية وأعداد هيئة التدريس لمتطلبات الدراسة بهذا النظام وبدراسة متطلبات وظروف محافظة بنى سويف ومنطقة شمال الصعيد تم اعداد اللائحة الداخلية الجديدة لمرحلة البكالوريوس لتكون بنظام الفصلين.

وقد تم الاسترشاد عند إعداد هذه اللائحة باللائحة الداخلية لكلية الهندسة جامعة القاهرة مع بعض التعديلات لتعظيم إيجابياتها وتطويرها وذلك لمواكبة التطور العالمى والمحلى فى التعليم الهندسى ورفع المستوى العلمى والعملى لخريجى الكلية وتنمية مهاراتهم وقدراتهم لتمنكينهم من مواجهة التحديات التى تنتظرهم فى سوق العمل خاصة فى ظل المنافسة للكليات والمعاهد الهندسية والانفتاح على العالم ومسايرة المتغيرات المتلاحقة فى مجال الهندسة.
وقد روعى عند وضع اللائحة التوازنات المطلوبة بين الساعات الدراسية لكل من المقررات الأساسية والإنسانية والهندسية والتطبيقية والاختيارية التخصصية.

أولاً : أهداف تطوير وتعديل اللائحة :
يمكن ايجاز أهداف التطوير على النحو التالى:
1- تعديل اللائحة لتتناسب مع ظروف الكلية الحالية سواء بشرية أو مادية.
2- تصميم برامج الأقسام الدراسية بطريقة تتتيح بسهولة العودة لنظام الساعات المعتمدة اذا ما سمحت ظروف الكلية لهذا النظام.
3- تصميم البرامج لتكون عامة وشاملة وليست تخصصية لإتاحة فرص أكبر لخريجى الكلية فى سوق العمل.
4- المرونة بحيث يمكن فتح دراسة حديثة فى مجالات الدراسة التى تحتاج اليها محافظات شمال الصعيد فى اطار مشروع النهضة.
5- السماح بعمل اتفاقيات تفاهم وتعاون بين كلية الهندسة ببنى سويف وكليات الهندسة فى محافظات الجوار.
6- الاهتمام بتطبيقات الحاسب الآلى وإكساب الطالب مهارات جديدة.
7- توفير عدد مناسب من المقررات الاختيارية التخصصية وربطها بميول الطالب واحتياجات السوق.
8- الاهتمام بإكساب الطالب مهارات كتابة التقارير الفنية وإعداد الدراسات البحثية وطرق تقديمها وعرضها.
9- الاهتمام بإكساب الطالب مهارات بشرية لتزكية روح الابتكار والتحديث لديهم.
10- التخفيف على الطلاب من حيث عدد الساعات الدراسية فى الاسبوع بحد أقصى 30 ساعة وكذلك من حيث عدد الامتحانات النهائية فى كلا الفصلين بحد أقصى 6 امتحانات فى الفصل الأول و 7 امتحانات فى الفصل الثانى.
11- السماح مستقبلاً بالتقدم ببرامج دراسية خاصة بنظام الساعات المعتمدة فى تخصصات جديدة بالتفاعل والتكامل بين الكلية وكليات الهندسة الأخرى.

ثانياً : مواد اللائحة :
مادة 1 : أهداف الكلية
ما هي كلية هندسة جامعة بني سويف (مواد اعدادي هندسة والاقسام ) Faculty of Engineering Beni Suef University

الرؤية :كلية هندسة متميزة كمؤسسة علمية هندسية لخلق كوادر تواكب التطور العلمى وتساهم فى خدمة المجتمع وصناعة التكنولوجيا.

الرسالة :رسالة الكلية الإرتقاء المستمر بمستوى التعليم والمقررات والبحث العلمى من أجل خدمة العملية التعليمية وتحقيق أهداف الكلية فى ظل منظومة وسياسة جامعة بنى سويف

الهدف:
ومن هنا تتحدد أهداف الكلية فيما يلى:
1- إعداد خريجيين متخصصين فى مجالات العلوم الهندسية والتطبيقات العملية والتقنية فى تخصصات البرامج المتاحة قادرين على المنافسة فى سوق العمل المحلى والعالمى وخدمة المجتمع.
2- القيام بالدراسات والبحوث فى مجالات العلوم الهندسية والتطبيقية للعمل على تطوير المجتمع وحل مشاكله.
3- المساهمة مع مؤسسات الدولة فى التخطيط للمستقبل عن طريق المشاركة فى وضع استراتيجيات التنمية والنهضة.
4- وضع آليات التطوير المستمر للبرامج التعليمية وتقويم الأداء لمواكبة التطور المستمر فى العلوم الهندسية.
5- المساهمة فى الإرتقاء بمستوى البحث العلمى من خلال برامج الدراسات العليا والاشتراك مع المؤسسات العالمية ببرامج بحثية.
الإستراتيجية:
1- التطوير المستمر فى البرامج الدراسية من أجل مواكبة التقدم العلمى
2- ربط الكلية بالمؤسسات العلمية المحلية والعالمية من خلال برامج بحثية ودراسية مشتركة
3- حث وتشجيع السادة أعضاء هيئة التدريس على التميز فى مجال البحث العلمى
4- حث وتشجيع السادة أعضاء هيئة التدريس على التميز فى مجال التدريس
5- توفير وسائل التعليم الحديثة وحث الطلاب على استخدامها من خلال المقررات الدراسية
6- المتابعة المستمرة لمشاكل المجتمع والسعى الدائم لإيجاد الحلول العلمية والعملية

مادة 2 : شروط القبول
يشترط في القبول لكلية الهندسة جامعة بنى سويف الحصول على الثانوية العامة (القسم العلمي) أو ما يعادلها ويكون التقدم عن طريق مكتب التنسيق طبقاً لقواعد المجلس الأعلى للجامعات بوزارة التعليم العالى كل عام. هذا بالإضافة إلى الشروط التى يقرها مجلس الكلية

مادة 3 : أقسام الكلية
1- قسم الهندسة المدنية
2- قسم الهندسة المعمارية
3- قسم الهندسة االميكانيكية (تحت التأسيس)
4- قسم الهندسة الكهربية (تحت التأسيس)
ويدخل فى نطاق التدريس لكل قسم المقررات التى تندرج فى تخصصه ويمكن الإستعانة لتدريس بعض المقررات الأساسية أوالانسانية بأعضاء هيئة التدريس فى أقسام وكليات جامعة بنى سويف فى المقررات التى تخصهم إذا لزم الأمر.

مادة 4 : نظام الدراسة
يتم تطبيق الدراسة بنظام الفصلين على الطلاب المقيدين بالسنة الاعدادية والمنقولين الى السنة الأولى فى العام الدراسى 2012ــ2013 بعد إقرار هذه اللائحة على أن تستمر الدراسة للطلاب المقبولين قبل تاريخ اقرار اللائحة بنظام الساعات المعتمدة.

مادة 5 : درجات البكالوريوس
يمنح مجلس جامعة بني سويف بناءا على توصية مجلس الكلية درجة البكالوريوس في أحد التخصصات الآتية :
الهندسة المدنية (هندسة إنشائية) بنظام الساعات المعتمدة للطلبة المقيدين على اللائحة القديمة.
الهندسة المدنية (عام) بنظام الفصلين للطلبة المقبولين بعد اقرار اللائحة الجديدة.
يمنح مجلس جامعة بني سويف بناءا على توصية مجلس الكلية درجة البكالوريوس في أحد التخصص الآتية :
  • الهندسة المعمارية
  • الهندسة الميكانيكية
  •  الهندسة الكهربية
بعد استكمال متطلبات بدء الدراسة بهذه التخصصات والحصول على الموافقة والاعتماد.

مادة 6 : مدة الدراسة
مدة الدراسة لنيل درجة البكالوريوس خمس سنوات تبدأ بسنة إعدادية عامة لجميع الطلاب ويكون التخصص بعد ذلك طبقاً لما هو وارد فى جداول المقررات الدراسية.

مادة 7 :
يجوز أن يعفى الطالب من حضور بعض مقررات الدراسة عدا مقررات الفرقة النهائية إذا أثبت أنه حضر مقررات دراسية تعادلها فى كلية جامعية أو معهد علمى معترف بهما من الجامعة ، كما يجوز أن يعفى الطالب من أداء امتحانات النقل فى بعض هذه المقررات إذا ثبت أنه أدى بنجاح امتحانات تعادلها فى جامعة أو معهد علمى معترف بهما من الجامعة ، ويكون الإعفاء بقرار من رئيس الجامعة بعد موافقة مجلس شئون التعليم والطلاب بناء على اقتراح مجلس الكلية بعد أخذ رأى مجلس القسم المختص وذلك دون الإخلال بأحكام مواد قانون تنظيم الجامعات.
كما يجوز حضور الطالب لبعض المقررات فى كليات الهندسة فى محافظات الجوار الموقعة على برتوكول للتعاون والتوأمة مع الكلية بعد موافقة مجلس الكلية وطبقاً لمتطلبات البرنامج المقيد فيه.

مادة 8 :
تبين الجداول الملحقة بهذه اللائحة المقررات الدراسية موزعة على الفصلين الدراسيين لسنوات الدراسة والمحاضرات والتمارين والدروس العملية وعدد الساعات إسبوعياً لكل مقرر وساعات الامتحان والنهاية العظمى للدرجات ويقر مجلس الكلية المحتوى العلمى لكل مقرر من مقررات الدراسة بعد تحديدها بواسطة مجالس الأقسام المختصة.

مادة 9 :
يجب أن يؤدى كل طالب تدريباً عملياً ويحدد كل مجلس علمى نظاماً للتدريب العملى لطلاب السنوات الأولى والثانية والثالثة لمدة ثلاثة أسابيع على الأقل سنوياً داخل الكلية أو خارجها خلال العطلة الصيفية وينفذ تحت إشراف هيئة التدريس فى حدود الامكانيات المتاحة أما طلبة السنة الإعدادية فيؤدون تدريباً عملياً بالكلية خلال العطلة الصيفية لفترة يحددها مجلس الكلية فى حدود الإمكانيات المتاحة ويقسم الطلبة إلى مجموعات يشرف عليها أعضاء هيئة التدريس ويحدد مجلس الكلية مكافأة عن الاشراف للقائمين به. ولا تمنح شهادة التخرج إلا للطلاب الذين أتموا بنجاح التدريب العملى المشار إليه . ويجوز أن يسمح للطلاب المتخلفين عن أداء التدريب فى أى عطلة صيفية تالية قبل الانتقال للسنة الرابعة.

مادة 10 :
تعقد امتحانات النقل وامتحانات البكالوريوس فى نهاية كل فصل دراسى فى المقررات التى درسها الطالب فى فرقته حسب الجداول الملحقة بهذه اللائحة وذلك فيما عدا المقررات المستمرة فتعقد امتحاناتها فى نهاية العام الدراسى.
ويشترط لدخول الطالب امتحان أى مقرر فى فرقته أن يكون مستوفياً نسبة حضور لاتقل عن 75% من الفترات المخصصة للدروس ويصدر مجلس الكلية بناء على طلب أستاذ المقرر قراراً بحرمان الطالب من التقدم للامتحان فى المقررات التى لم يستوف فيها نسبة الحضور ، وفى هذه الحالة يعتبر الطالب راسباً فى المقررات التى حرم من التقدم للامتحان فيها إلا إذا قدم الطالب عذراً يقبله مجلس الكلية فيعتبر غائباً.

مادة 11 :
يقوم طلبة السنة النهائية بإعداد مشروع البكالوريوس وتحدد مجالس الأقسام المختصة موضوعه وتخصص له فترة لاتقل عن أربعة أسابيع ولا تزيد عن ستة أسابيع بعد الامتحان التحريرى للفصل الدراسى الثانى من السنة الرابعة .

مادة 12 :
ينقل الطالب من الفرقة المقيد بها إلى الفرقة التى تليها إذا نجح فى جميع المقررات أو كان راسباً أو غائباً فيما لايزيد على مقررين من فرقته أو من فرقة أدنى وتعتبر المادة المجزأة مقرراً واحداً سواء رسب فيها الطالب نتيجة رسوبه فى أحد جزئيه أو رسوبه فى الجزئين معاً.
كما يسمح للطالب الراسب فى مقررات العلوم الإنسانية واللغات الفنية (بحد أقصى ثلاث مقررات) بالإنتقال إلى الفرقة التالية ، وذلك بالإضافة إلى المقرر أو المقررين المشار إليهما بالفقرة السابقة.
يؤدى الطالب الإمتحان فيما رسب فيه من مقررات التخلف فى نهاية العطلة الصيفية ، ويعتبر نجاحه فى هذه الحالة بتقدير مقبول وبدرجة تقل درجة واحدة عن 65% من الدرجة القصوى للمادة .
ويعقد فى بداية الفصل الدراسى الأول من كل عام امتحان لطلبة السنة النهائية الراسبين أو الغائبين بعذر أو بدون عذر فيما لايزيد عن مقررين من المقررات الأساسية ، بالإضافة الى مقررات العلوم الإنسانية واللغات الفنية ، باستثناء مشروع البكالوريوس حيث يصبح الطالب الراسب باقياً للإعادة.
ويجوز لمجلس الكلية تغيير موعد امتحانات مواد التخلف أو تخلف التخلف طبقاً لظروف الكلية.

مادة 13 :
إذا تضمن الامتحان فى أحد المقررات إختباراً تحريرياً وآخر شفوياً أو عملياً فإن تقدير الطالب فى هذا المقرر يتكون ممن مجموع درجات الاختبار التحريرى والشفوى والعملى بالإضافة إالى أعمال السنة على أن تعامل درجات الشفوى والعملى معاملة درجات أعمال السنة ويعتبرالطالب الغائب فى الامتحان التحريرى غائباً فى المقرر ولايرصد له تقير فيه. وإذا لم يتضمن أحد المقررات اختباراً تحريرياً (مثل مقرر المشروع فى السنة الرابعة) فتعامل اختبارات العملى والشفوى معاملة الاختبار التحريرى.

مادة 14 :
يعتبر الطالب ناجحاً فى المقرر المتصل (المجزأ) إذا حصل على درجة النجاح فى مجموع جزئى المقرر. أما إذا رسب فى المجموع الكلى للمقرر فيعتبر الجزء الذى رسب فيه مادة تخلف ويؤدى امتحاناً فى الجزء الراسب فيه فقط ، وفى حالة نجاحه فى امتحان الإعادة تضاف درجة هذا الجزء السابق نجاحه فيه ويحسب له التقدير الكلى كما ورد بالمادة 12 مع احتفاظه بتقدير الجزء الذى سبق نجاحه فيه.

مادة 15 :
تنظم الكلية لطلاب السنوات النهائية رحلات علمية لزيارة المراكز الصناعية والإنشائية
والخدمية تحت إشراف أعضاء هيئة التدريس بالكلية وبمساهمتها.

مادة 16 :
يحصل الطالب على أحد التقديرات الآتية فى نتيجة المقررات النهائية وفى التقدير العام حسب ماحصل عليه من نسب درجات إلى النهاية العظمى للدرجات:

التقــــــدير النسبة
  • ممتــــــــــاز من 85% فأكثر
  • جــيد جــــداً من 75% إلى أقل من 85%
  • جيــــــــــــد من 65% إلى أقل من 75%
  • مقبـــــــــول من 50% إلى أقل من 65%
  • ضعيـــــــف من 30% إلى أقل من 50%
  • ضعيف جداً أقل من 30%
ويحسب المجموع التراكمى للطالب عند تخرجه بحساب نسبة مجموع ما حصل عليه من درجات فى سنوات الدراسة الخمس إلى مجموع النهايات العظمى للدرجات فى السنوات الخمس.

مادة 17 :
مسائل التيسير والرأفة للمواد المختلفة ورفع التقدير للمواد وتقدير السنة والتقدير التراكمى ينظمها القواعد التى يضعها مجلس الكلية بعد اعتمادها من مجلس الجامعة.

ثالثاً : النظام الكودى للمقررات :
1- يرمز لكل مقرر برمز كودى يتكون من ثلاثة حروف ابجدية تشير الى تخصص هذا المقرر ويلى ذلك رقم من ثلاثة خانات حيث خانة المئات الى السنة الدراسية وتشير خانة الآحاد والعشرات إلى رقم المقرر ضمن مقررات هذا التخصص.
وعلى سبيل المثال المقرر إنش 203 هو مقرر فى الهندسة الإنشائية للسنة الثانية ويقع تحت مسلسل 3 ضمن مقررات التخصص.
2- المقررات العامة مثل الإنسانيات واللغة فتأخذ الرمز عام يلى ذلك السنة الدراسية ورقم المقرر.
3- مشروع البكالوريوس يأخذ الرقم 400 ويسبقه الرمز الكودى للقسم.
4- المقرر المتصل والذى يتكون من جزءين يتم إضافة حرف (أ) بعد الرقم الكودى للجزء الذى يدرس فى الفصل الدراسى الأول وإضافة الحرف (ب) بعد ذات الرقم الكودى للجزء الذى يدرس فى الفصل الدراسى الثانى.
5- خانة العشرات فى الرقم الكودى اذا كان صفراً فذلك يدل على أن هذا المقرر من المقررات الاجبارية وإذا كان 1 يكون المقرر من المقررات الاختيارية وإذا كان 2 يكون المقرر من قسم آخر فالمقرر ريض121 هو مقرر بالسنة الأولى ومن مقررات تخصص العلوم الأساسية أما المقرر إنش412 هو مقرر اختيارى ومسلسله 2 ضمن مقررات تخصص الهندسة الإنشائية الاختيارية للسنة الرابعة.