أخر الاخبار

ما هي كلية هندسة الكترونية بمنوف جامعة المنوفية ( المواد والاقسام والتحويل ) Faculty of Electronic Engineering in Menouf

ما هي كلية هندسة الكترونية بمنوف جامعة المنوفية ( المواد والاقسام والتحويل )

كلية هندسة الكترونية بمنوف جامعة المنوفية ، المقال ده لغرض تنوير طلبة إعدادي هندسة اللي داخلين ع الكلية جديد، بحيث يكون عندهم فكرة أفضل عن الكليه وكده.. إن شاء الله هندرس 12 مادة في إعدادي هندسه الكترونية بمنوف جامعة المنوفية طوال السنة الدراسية.

مواد كلية هندسة الكترونية بمنوف جامعة المنوفية


1-الرسم والإسقاط الهندسي:
الرسم مادة جميلة جدا ذاكرها اول باول بتنقسم لمادتين
  • وصفية :ودي بتدرس فيها النقطة والمستقيم والمستوي ....لحد كثيرات السطوح والدائرة والمخروط ودي بتكون الترم الاول وعليها 100درجة 30 اعمال سنة
  • الرسم الهندسي :ودي بتبدأ من اول لعمليات الهندسية ...لحد المنشئات المعدنية ودي بتكون الترم التاني ...ودي من 100 - و30 اعمال سنة
2-الفيزيا الهندسية:
مادة بتدرسها على مدار الترمين، بس مش بيكملوا بعض في الدرجاات المادة ليها 4 دكاترة ، دكتورين بيدرسوا كهربية ومغناطيسية، ودكتورين بيدرسوا خواص مادة وحرارية. الماده عليها 300 درجة (150 ترم اول و 150 ترم ثاني) ال 150 عبارة عن (60 عملي وشفوي وميدتيرم و 90 درجة امتحان فاينال). المادة انجليزي مش عربي
 
3-الرياضيات الهندسية:
مادة بتدرسها على مدار الترمين أيضا،وبرضوا الترمين مش بيكملوا بعض في الدرجاات المادة هيدخلك فيها 4 دكاترة على مدار العام.
هتدرس تفاضل وهندسة تحليلية في الترم الاول، وتكامل وجبر في الترم الثاني. ودي من أسهل المواد في الكلية، لأن حضرتك بتبقي جاي من علمي رياضه وبالنسبالك الرياضيات هتكون سهلة لو انت كنت متميز فيها في الثانويه. المادة عليها 300 درجة (150 ترم اول و 150 ترم ثاني) ال 150 عبارة عن 40 أعمال سنة و 110 فاينال.وبرضو المادة انجليزي

4-الميكانيكا:
مادة بتدرسها على مدار ترم المادة عليها 100 درجة، استاتيكا وديناميكا .
المادة هيدخلك فيها دكتورين، كل دكتور ليه جزء هيشرحه.
دكتور سعيد الصيرفي من افضل الدكاترة عندنا هيشرح الاستاتيكا واحيانا بيدخل مكانة البشمهندس المسدي
والديناميكا هيشرحهالك دكتور رمضان الشنواني
المادة بالانجليزي

5-الكيمياء الهندسية:
مادة من افضل واجمل واسهل لمواد في الكلية والدكاترة والمعيدين كويسين جدا
المادة بتدرسها ترم اول بس ..ليها دكتورين كل واحد ليه جزء هيشرحه ...المادة من150 اعمال سنة 60 عملي و شفوي وحضور معامل
المادة طبعا بالانجليزي
 
6-التصميم المنطقي Logic Design
المادة دي بتتكلم عن البوبات المنطقية (and-or-not....etc):
ليها دكتورين كل دكتور ليه جزء هيشرحة
المادة من 100 اعمال سنة 30 (عملي +شفوي +ميد)
، هتدرسها في الترم الاول بس، وطبعا المادة انجليزي ولازم نهتم بيها جدا لانها من المواد الصعبه الل ف الكليه

7-الإنتاج:
مادة هتدرسها في الترم الثاني، عليها 100 درجة (30 شفوي وحضور ورش و 70 فاينال).
وابقى جهز البالطو وانت رايح امتحان الشفوي في الورش
هيدخلك في المادة دي دكتور واحد بس (دكتور مصطفي حسن)
وأهم حاجه عشان تنجح إنك ترسم ثم ترسم ثم ترسم الآلات والماكينات والأدوات وكده..
وتاني اكرر ارسم يبشه ...واسأل مجرب
المادة احيانا انجليزي واحيانا عربي ف انت وحظك بقي

8-اللغة:
مادة بسيطة وامتحانها بيجي من الشيت، عليها 50 درجة (15 أعمال سنة+35 فاينال).
وليها دكتورين وهتدرسها في الترم الاول.

9-التاريخ الهندسي:
مادة نظري عليها 50 درجة
ليها دكتورين .
بتعرفك عن الهندسه وأقسامها وهتدرسها في الترم الثاني.

10-حقوق إنسان:
مادة مش بتتضاف للمجموع بس عليها نجاح ورسوب طبعا، متشغلش بالك بيها بينزلها ورق آخر السنة بتحفظه وخلاص.
وهتدرسها في الترم الثاني بس.

11-البرمجة:
المادة دي جميلة جدا هتدرس فيها لغة c++
المادة عايزة مذاكرة اول باول وليها دكتورين ..كل دكتور ليه جزء بتشرحه
المادة من 100 منهم 30 اعمال سنه (شفوي +عملي+ميد)
المادة طبعا انجليزي

12-مهارات الاتصال:
مادة نظري بتاخدها الترم الاول بس ..ليها دكتورين كل واحد بيشرح جزء ..المادة عبارة عن جزئين جزء انجليزي و جزء عربي
كل المواد طبعا ليها محاضرات ومعظم المواد ليها سكاشن بتطبق فيها مع المعيد بتاعك على اللي اخدته في المحاضرة.
وفي النهاية أحب أقولكم متقلقش من حاجه خالص طول ما انت بتحضر محاضراتك والسكاشن بانتظام هتنجح وهتجيب تقدير كويس كمان إن شاء الله بالتوفيق للجميع
 
اللي يعرف حد داخل إعدادي هندسه الكترونية بمنوف يبعتله المقال ده

أقسام كلية هندسة منوف

ما هي كلية هندسة الكترونية بمنوف جامعة المنوفية ( المواد والاقسام والتحويل )
هندسة منوف فيها اقسام عامة زي 
  • حاسبات
  • اتصالات
  • تحكم
واقسام كريدت مثل 
  • هندسه طبية
  • اتصالات وشبكات
  • ميكاترونيكس
التخصص من فرقة 3 مش من اعدادي

التحويل من هندسة الكترونيات منوف

لو عايز تدخل مدني او اي قسم تاني بتحول بعد فرقة اعدادي لكلية الهندسة التابعة لمحافظتك وتدخل القسم اللي انت عايزة
وكمان بتنزل تدريب شهر بعد م تخلص امتحانات ع مدار اول 3 سنين واجباري الحضور فيه لانه بيتشال زيه زي اي ماده.

ملحوظة :ممكن تحول منها لاي كلية هندسة عادي ..ولو حد خلص اعدادي هندسة وعايز يحول ليها عادي برضو بس بيشيل معاه تصميم منطقي و مهارات اتصال ولو مكنش واخد c++ بيشيلها هي كمان

قرأ الزوار ايضا علي بريمو هندسة
  1. تعرف علي كلية الهندسة جامعة الفيوم | اقسام هندسة الفيوم
  2. أقسام هندسة شبين الكوم ونظام الساعات المعتمدة
  3. كل ما تريد معرفته عن كلية حاسبات ومعلومات شبين الكوم
  4. نبذة تاريخية عن محافظة المنوفية
  5. تنسيق الكليات والمعاهد 2020 علمي وادبي للمرحلة الاولي
  6. اقسام كلية هندسة شبرا جامعة بنها والتنسيق والعنوان
  7. أقسام كلية الهندسة جامعة القاهرة | معلومات عن هندسة القاهرة

بعض صور هندسة منوف

ما هي كلية هندسة الكترونية بمنوف جامعة المنوفية ( المواد والاقسام والتحويل )ما هي كلية هندسة الكترونية بمنوف جامعة المنوفية ( المواد والاقسام والتحويل )
ما هي كلية هندسة الكترونية بمنوف جامعة المنوفية ( المواد والاقسام والتحويل )