قسم كهربا باور كطبيعة الدراسة ف سنة اولى وتانية بتبدا تدرس الاساسيات زي بعض القوانين وتحليل الدايرة الكهريية وازاى تجيب الجهود والتيارات وتحسب الفيض ف سنة تالتة بتبدا بداية التخصص في اغلب الكليات ولكن في هندسة الشروق فده من اول سنة
مجال الدراسة بشكل عام بيهتم بمادتين وده عصب القسم الى هما مواد الباور والالات الكهربية (اذ ان القسم اسمه هندسة القوي والالات الكهربية ) ف الباور بتبدا تعرف ان الكهربا عشان تجيلك م المحطة لحاد بيتك بتمر ب3 مراحل اولها النقل وده الى موجود فى محطات التوليد زي طلخا والبرلس وزي الكهربا الى واخدها من السد العالى كل دى الشبكة الكهربية
تاني مرحلة وهى النقل ازاى انقل الكهربا دى لمسافات بعيدة ولى بنقلها وبرفع وبخفض الجهود
تالت مرحلة وهي شبكات التوزيع الجهد بيبدا يقل لحاد م يوصل للمحول الى بتشوفه ف شارعكم على 220 فولت بتبدا تعرف ازاى الباور الكهربية بتتنقل وبتمر بكام مرحلة من ارتفاع وانخفاض الجهود وشوية حجات تانية زى ازاى تعمل analysis لمنظومة كهربية
تانى مادة ودى برده غالبا بتدرس 5 كورسات فيها وهى الالات الكهربية بتبدا تعرف انواع االالات عندك وهما غالبا بيندرجو تحت 3 حجات الاولى محول التانية مولد التالتة موتور (محرك)
بتبدا تعرف خصائص كل آلة اى وانواعها وتطبيقاتها بتمر ف الموتور باهم الحجات الى موجودة ف الصناعة زي الinduction motor بتعرف حالات تشغيله ووميزاته وعيوبه وازى اتحكم ف سرعته وعزمه بتعرف فايدة كل عنصر ف المنظومة الكهربية كذلك ف المصنع الى عند حضرتك بتدرس ازاى تتحكم ف الالات دى بشكل كويس
عندك مواد مكملة للحجات دى زى مادة الجهد العالى بتعرف فيها يعني اى العوازل ويعني اى اختبار الزيت بتاع المحول
فى مادة زي الباور الكترونكس ودي بتدرس فيها ازاى اقدر بدواير الكترونية صغيرة اتحكم ف بعض الالات والتطبيقات المهمة وازاى اقدر احول الطاقة الكهربية من شكل لتانى ابسط مثال هما اول حاجة الشاحن بتاع حضرتك بيحتاج 5 فولت dc رغم ان الكهربا الى عندك 220 فولت ac في وسيط بين العمليتين عبارة عن دايرة بسيطة بتحولى من ده لده
المثال التانى فى خط ربط كهربا بيينا وبين السعودية هما شغالين عند تردد 50 هيرتز واحنا عند 60 فبيتم عملية تحويل الطاقة من جهد متردد لمستمر الاول وبعدين بعمل عملية inverting لتيار متردد تانى بس عند التردد المطلوب الا وهو 50
عندك مادة زى البروتكشن (الليفل الفشيخ) بتعرف ازاى تصمم منظومة حماية اازاى المحول ولا المولد ابو 20 مليون تحميه بحيث انه مينفجرش وتحمي الاشخاص الموجودة ف المكان الى هو فيه كمان
وشوية مواد زي التحكم ومواد من اتصالات ومادة لغة برمجة على كام مادة ملهمش لزمة محطوطين وخلاص
عيوب القسم انه تقيل كدراسة هو صعب لما تقارنه باتصالات او حاسبات ميكانيكا وكهربا يعتبرو اتقل قسمين ف الكلية + ان الدكاترة الى فيه رخمة شوية من حيث التعامل والسن الكبير لكن الامور بتمشي عادى اه مفيش حاجة اسمها مادة صعبة وسهلة الدكتور الى بيقرر يصعب او يسهل الامور عليك