أخر الاخبار

مشاريع تخرج بروتكشن لطلبة كلية الهندسة قسم كهرباء بور | نصائح لاختار مشروع تخرج ؟ electrical graduation project

مشاريع تخرج بروتكشن لطلبة كلية الهندسة قسم كهرباء بور | نختار مشروع تخرج ايه ؟ electrical graduation project

البحث عن مشاريع تخرج لطلبة كلية الهندسة قسم كهرباء بور , سؤال كل سنة فى نفس الميعاد / نختار مشروع تخرج ايه وهنعمل فكرة ايه؟ أول ما بتسأل السؤال ده بحس بأن فيه فجوة بتكبر كل سنة بين الطلاب وبين الأبتكار. القدرة على ابتكار فكرة مشروع فى وجود أليات البحث الحديثة من المفترض أن تكون سهلة.

اليات ونصائح وأفكار لمشروع التخرج


هحاول أعرض بعض الأليات والنصائح والأفكار وانت بتعمل مشروع تخرج:

1- لازم تعرف ان مشروع التخرج بتاعك ده هى الخبرة الوحيدة ليك بعد التخرج والحاجة الوحيدة اللى ليها قيمة بعد التقدير اللى بتكون موجودة فى ال CV  وصدقنى أكتر حاجة بتتسأل عليها فى الأنترفيو باعتبارك حديث التخرج -  علشان كده اختيار المشروع اللى بيخدم سوق العمل حاجة مهمة جدا جدا

2- مشروع التخرج هى اللى هيحسسك بنفسك انك تقدر تبتكر او تبقى عملى وكمان بيخليك تفكر ازاى تحل المشاكل

3- فى البحث العلمى والمشاريع بلاش تفكر انك تبدأ من الأول – شوف اللى سبقوك عملوا ايه وكمل عليهم وحاول تجيب نقط جديدة

4-  وانت بتكتب المشروع – حاول تكتبه كبحث علمى وكل جامعة ليها نمط لطريقة الكتابة لازم تتبعها – بلاش تمشى على هواك فى طريقة الكتابة.

5- وانت بتعرض المشروع لازم يكون عرض مبهر ويكون بمشاركة كل أعضاء الفريق مش فرد لواحده

6- من أهم الحاجات اللى بتتعلمها فى المشروع هو انك بيديك القدرة انك تعمل فى فريق عمل TEAM WORK -  - فكرة الفرد الأوحد المدير انقرضت خلاص من كل الشركات المحترمة

7- ابعد عن مشاريع التخرج اللى مش موجدودة فى سوق العمل زى ال machine  مثلا اللى البحث العلمى فيها وقف من فترة او بيكون ماشى بمعدل بطيئ جدا

8-  مشاريع التحكم و الحماية والتصاميم والطاقة المتجددة من أهم مشاريع التخرج فى سوق العمل فحاول تختار حاجة منها.

مشاريع تخرج بروتكشن لطلبة كلية الهندسة قسم كهرباء بور


دى أفكار لمجموعة مشاريع فيه بعض منها قديم بس لسة مطلوبة فى سوق العمل:
  •  Protection system selection and coordination for Electrical substations
  •  GIS substations automation and control 
  •  Smart grids systems design for a new city
  •  Electrical distribution design for (city / Hospital / hotel / ….) including (CB – Cables – PFC – lighting - Transformers - generators) calculations
  •  Lightening and earthing design and calculations
  •  Design of speed controls and regenerative technologies for induction motors 
  •  GHG – Green House Gases - reduction and efficiency calculations
  •  Design and construction of a hybrid renewable energy systems
  •  Designing a smart Arduino mobile Phone to monitor power system parameters.
  •  IPCMS (Integrated protection, control and monitoring stations) design.
  •  BMS – Building management systems – and Smart Buildings.
  •  Distributed Generation Systems management and control
  •  HVDC transmission and control

الأفكار والنصايح السابقة دى من وجهة نظرى أنا اخترتها لتكون مناسبة لطالب قسم بور فى سوق العمل. وطبعا الأفكار مش مقتصرة على كده وبس أكيد فيه أفكار أحسن وأشمل - ممكن نتواصل لو لسة محتاج  مساعدة فى الأفكار دى أو حتى فى غيرها.

رسالة رقيقة الى أساتذتنا دكاترة قسم بور / يا ريت اختيار اسم وتفاصيل المشروع يكون اختياره بمشاركة الطلاب ومايكونش اجبارى على أى حد انه يدخل مشروع مش حبه- ويا ريت يكون تدخلكم من أجل الأشراف والتوجيه فقط – تبنى المشروع من خلال الطلاب أنفسهم هيكون أفيد بكتير ليهم. ربنا يوفقكم ويفيد بيكم البلاد والعباد

قد يفيدك الإطلاع على/