ما هي كلية هندسة المطرية جامعة حلوان (مواد اعدادي هندسة والاقسام ) El Matareya College of Engineering, Helwan University

ما هي كلية هندسة المطرية جامعة حلوان (مواد اعدادي هندسة والاقسام ) El Matareya College of Engineering, Helwan University

مواد اعدادي كلية هندسة المطرية جامعة حلوان 


فيزياء
مقسومة علي ترمين 
  • الترم الاول :  فيزياء 1  ( فيزياء الحرارية ) هتدرس فيها الحرارة وكمية الحرارة والقانون الاول للديناميكا الحرارية والنظرية الحركية للغازات
  • الترم التاني: هتدرس فيزياء 2 هتدرس فيها ( فيزيا كهربية ومغناطيسية ) ، بصراحة المادة دي رخمة شوية وصعبة بس إن شاء الله مع حضور المحاضرات والسكاشن الدنيا هتضبط اهم حاجة الحل الكتير لان مشكلة امتحان الفيزيا إنه McQ وكله أسئلة اجابتها تعدي الصفحة (فيزيا 1) من (100) وكذلك 

فيزياء 2 
حضور معمل الفيزيا مهم وعليه درجات وحل الامتحانات السابقة (الميدترم 20) (أعمال السنة 30) (الفاينل 50).

الميكانيكا
مقسومة إلي (الاستاتيكا والديناميكا )
هتاخد الترم الاول (استاتيكا) مادة أغلبها حاجات ثانوية عامة عدت عليك قبل كدا هتدرس فيها الاتزان والتراس ومركز الثقل
هتاخد الترم التانى (الديناميكا ) هتاخد قوانين نيوتن والحركة ، المادة سهلة بس اهم حاجة فيها الحل الكتير وحضور المحاضرات والتطبيق في السكاشن والامتحانات السابقة وحضور المعمل مهم عليه 10درجات المادة بيدرسها الدكتور /محمد صلاح حبيب الطلبة روحه حلوة جدا ، الدكتور / رمضان ، (الاستاتيكا 75والديناميكا 75) (ميدترم +اعمال السنة 35) (الفاينل 40)

ما هي كلية هندسة المطرية جامعة حلوان (مواد اعدادي هندسة والاقسام ) El Matareya College of Engineering, Helwan Universityالرسم الهندسي
مادة جديدة عليك كطالب ثانوية عامة وغالبا هتواجه صعوبات في الاول علشان تفهم الدنيا بس نصيحة مني ابدا شوف فيديوهات للمادة من اليوتيوب (قناة الباشمهندس مصطفي خميس ) هتفيدك جدا وهتحتاجها كتير لان هتحضر بعد كده السكاشن وهتحس انك غبي ومش فاهم حاجة ولاكن بعد كدا هتحبها لأنها مادة مفيهاش مذاكرة ولا حفظ (حضور السكاشن مهم جداجدا وعليه درجات ) المادة 100، ( ميدترم20) ،(اعمال السنة 30) الفاينل (50) 

رياضة
مقسومة إلي (رياضة 1 ورياضة2)
  • هتدرس في الترم الاول رياضة 1 هتاخد فيها تفاضل وتكامل غالبا معظم الحاجات هتبقا عدت عليك قبل كدا الاشتقاق بأنواعه + اجزاء جديدة ،والتكامل نفس الكلام الجزئي والضمني وحاجات جديدة ،
  • الترم التاني هتدرس رياضة 2 هتاخد جبر وتحليلية واجزاء جديدة في التفاضل المادة دي مش سهلة ولا صعبة بس محتاجة تركيز وحل الشيتات علشان هتسلمها اهم حاجة تحضر المحاضرات والسكاشن بصراحة المادة دي موجود فيها دكاترة ومعيدين عظمة بيدرسها الدكتور /خالد عبد الجابر اوعي تفوت محاضرته لانه من احسن دكاترة الكلية ،الدكتور /احمد يحيي ، الدكتور /عماد ( رياضة 1 من 100 وكذلك 2) ، ( ميدترم 20) ,( اعمال سنة 30) ،( فاينل 50)

الإنتاج
مادة جديدة عليك لو ثانوية عامة لذيدة جدا لو تعليم صناعي ، هتواجه صعوبات في الاول لان كل الكلام اللي هتسمعه هيبقى اول مرة تسمعه اهم حاجة تحضر المحاضرات ، حضور الورش مهم جدا جدا علشان تشوف بعينك والغياب ، واشتري كتاب الورش المادة جزء انجليزي هتذاكره من pdf دكتور المادة وجزء تاني عربي هتذاكره من الكتاب المادة محتاجة حفظ كتير وجزء فهم متركنهاش للآخر عليها درجات كتير المادة دي من (125 درجة )

تاريخ هندسي
مادة سهلة جدا هتتكلم عن تاريخ الهندسة والعمارة وأشهر واهم المعماريين ،لذيدة جدا واهم حاجة (كلها عربي مفيش انجليزي ) ، المادة من (50 )


الكيمياء
هتدرس فيها حاجات جديدة معدتش عليك زي مثلا ، صناعة السيراميك والاسمنت والتلوث + اجزاء من منهج الثانوية ،اهم حاجة تحضر كل محاضرات الدكتورة /مروة بتسأل كتير في المحاضرة ركز معاها هتطلع فاهم وحافظ مش هتحتاج تذاكر ، حضور المعمل مهم جداجدا عليه درجات وهيفيدك في امتحان العملي (الخلاصة ) اهم حاجة الامتحانات السابقة McQ (المادة من 100) ، (الميدترم 20) (اعمال السنة + امتحان المعمل 30) ،( الفاينل من 50). 

رسم هندسي وإسقاط بالحاسب ( الاوتوكاد ).
مادة سهلة جدا هتنسيك الرسم بالمسطرة وقرفه  وبصراحة هترتاح جامد فيها نصيحة أنا سمعت كورس الباشمهندس مصطفي خميس وجبت امتياز فيها ،( المادة دي هتاخدها في الترم التاني من 100 )

حقوق الإنسان
مادة تقدير سهلة جدا جدا وكمان كل محاضرات موجودة اونلاين امتياز ي باشا ،(المادة من 50).

اقسام كلية هندسة المطرية جامعة حلوان


ما هي كلية هندسة المطرية جامعة حلوان (مواد اعدادي هندسة والاقسام ) El Matareya College of Engineering, Helwan University

نتكلم بقا عن الاقسام العامة بهندسة المطرية
  1. قسم ميكانيكا باور افضل باور في مصر واعلي تنسيق في الأقسام
  2. قسم سيارات وجرارات من احسن الأقسام الموجودة، المطرية متميزة جدا في القسم دا واعلي من عين شمس
  3. قسم عمارة
  4. قسم مدني
  5. قسم التصميم الميكانيكي

أقسام كريدت " الخاص "
  1. طاقة
  2. انشائي
  3. ميكاترونيكس سيارات
لو مش حابب اي قسم عادي ممكن تحول حلوان بعد اعدادي بس يفضل يكون مجموعك فوق 70٪ )



حجم الخط
+
16
-
تباعد السطور
+
2
-