أخر الاخبار

ما هو قسم هندسة حاسبات ونظم تحكم بكلية هندسة Computer and control systems engineering

ما هو قسم هندسة حاسبات ونظم تحكم بكلية هندسة Computer and control systems engineering

قسم هندسة حاسبات ونظم تحكم ، قبل ما تقرر تدخل القسم وقبل ما أبدأ كلام عنه, لازم تكون ناوي تشتغل على نفسك جدا وتتعلم حاجات كتير مع نفسك. القسم له مجالات شغل كتير, أي مجال هتبقى كويس جدّا فيه هتعرف تلاقي شغل فيه ان شاء الله ..

المهم, بالنسبة لـ المواد اللي بناخدها في القسم :
 أول سنتين في القسم بناخد فيهم برمجة و operating systems و Digital Design ومواد control كتير وكم مادة من كهرباء واتصالات وبناخد رياضة لغاية رياضة 5.

اخر سنتين, بنبدأ نركز على ال computer engineering فبنبدأ ناخد algorithms و data structure و computer architecture و Machine Learning و شوية مواد حلوة كدا  :D
الدراسة عمومًا, أسهل من باقي الأقسام, ولو شديت حيلك شوية هتقدر تجيب تقدير ان شاء الله بسهولة.

بالنسبة لـ الشغل,
القسم مجالاته كتيـر جدّا, ممكن معرفش اجيب سيرتهم كلهم .. بس هحاول اقول اللي في بالي دلوقتي ، مفيش مجال هتبقى مؤهل انك تشتغل فيه بشهادة الكلية لوحدها. الكلية هتديك شوية أساسيات وتحطك على أول الطريق. وانت اللي بتكمل مشي في الطريق لوحدك وبتحدد انت عايز تمشي فين ، المهم,, نرجع للشغل. ده بعض الوظائف اللي خريج القسم ممكن يشتغل فيها :
  • -Web Developer ( Front end/ back end )
  • -Android / iOs Developer 
  • -Game Developer 
  • -Networks Engineer 
  • -Embedded systems Engineer 
  • -Control Engineer 
  • -Security Engineer
وحاجات تانيه كثير, مش هقدر أكتبهم كلهم .. كل مجال من اللي فوق ليه طريق لوحده وليه كورسات مفروض تاخدها, مش هقدر أتكلم عنهم كلهم في بوست واحد .. بس الواحد مفروض بعد ما يدخل القسم بيبدأ يشوف ايه المجال اللي هو مهتم بيه ويبدأ يتعلم ويطور نفسه فيه

مفيش مجال أحسن من التاني, أي مجال هتثبت نفسك فيه هتقدر تلاقي فيه شغل بسهولة ان شاء الله وبمرتب كويس - لو الواحد اشتغل على نفسه فعلًأ وبقى كويس - .

لو حد هيدخل القسم, فنصيحتي ليه انه من اول سنة يبدأ يتعرف على الناس اللي حواليه ويشوفهم شغالين أو بيتعلموا في ايه, ويجرب يشارك في المسابقات والايفنتات اللي بتتعمل, ويحاول يجمع خبرات على قد ما يقدر قبل ما يتخرج.
هأكد كمان مرة, لازم تتعلم كثير مع نفسك !