أخر الاخبار

ما هو قسم اتصالات والكترونيات بكلية هندسة Communications and electronics Engineering

 
قسم اتصالات والكترونيات ، الكلام ده مهم جدا و منقول من اكتر من مصدر بس هيفيدكم جدا وهتلاقوا فيه اجابة لكل اسئلتكم ان شاء الله بس هو طويل شويه

وإحنا طلبة في القسم ده كنا نسمع دايما عن ناس في الدفعات اللي قبلنا اشتغلوا في مجالات مختلفة بعيدة عن بعضها زي مثلا اللي سافر لجامعة برة مصر و اللي إشتغل في جامعة خاصة في مصر و اللي إشتغل في شركات زي موبينيل و فودافون و إتصالات  و اللي بقى مهندس تصميم دوائر إلكترونية و ناس راحت لسكة السوفت وير أو سكة (Embedded) و كنا مش عارفين إحنا عايزين أيه و إزاي نمشي في سكة من دول دي محاولة للحصر و إلقاء الضوء على سوق عمل مهندس الإتصالات لأن للأسف مفيش حد بيكلمنا عن الشغل و إحنا طلبة في الكلية إلا من رحم ربي ...

في الواقع إنت كمهندس إتصالات سوقك واسع و ديه حاجة نحمد الله عليها بس حاول تركز على حاجة و إنت طالب أو بعد ما تتخرج عشان تنجز لأن عندك مجموعة واسعة من الإختيارات :
  • Electronics
  • Academia
  • Networks
  • Telecommunications
  • Embedded Systems
  • Petroleum Industry
 سكة الElectronics : 
السكة دي قوية في الاسكندرية و القاهرة و عين شمس بعد رجوع دكاتره شباب كانوا شغالين في المجال ده بره في الدكتوراه (ICL ASU) ، أضعف الإيمان إنك تختار مواد الإلكترونيات الاختياري  في تالتة و رابعة و تعمل مشروع التخرج في الموضوع ده سواء Digital Design - Analog Design)  ) حسب إنت حبيت أيه من دراستك للمواد بس لو حاسس إنك لسه مش متمكن لسه في حل: إنك تدخل ( (ITIقسم (Nano Electronics)اللي هو (VLSI) سابقا 

شركات تصميم الدوائر الإلكترونية زي :
  • Si-ware Systems (SWS)
  • Silicon Vision
  • Swiftronix
  • Mipex Egypt
  • Hittite Microwave Egypt
  • IMC (Intel Mobile Communications) :
  • Varkon
  • NewPort Media
  • SilMinds:
  • Scenario Consulting
 و غيرهم و دول طبعا كلهم في القاهرة و معظمهم في وادي السيليكون بتاع مصر اللي هو مساكن شيراتون
 و في سكة تبع إلكترونيات برضه بس لازم تكون بتحب البرمجة و هي شركات البرمجيات المساعدة لتصميم الدوائر الإلكترونية CAD/EDA
زي: Mentor Graphics:
يعني بتحب C/C++

ممكن تشتغل مطور برامج في برامج الشركة المختلفة رو ممكن لو بتحب VHDL/Verilo تشتغل في ال Software Quality Assurance (QA) في أقسام بتختبر برامج زي  ModelSim  بتصميمات مختلفة لدوائر مختلفة 

سكة الAcademia:
اذا قررت تكمل PhD ان شاء الله المتطلبات التى تؤهلك لاستكمال العمل الاكاديمى:- التقدير (جيد جدا او امتياز وممكن جيد بس صعب شوية)- الكورسات (لازم تفهم كويس الكورسات اللي فى اساس التخصص اللي عايز تكمل فيه كويس اوي و خصوصا كورسات ال (math)- حاول تاخد كورسات انجليزى في اماكن زي اميديست او الاكاديمية البحرية من بدرى عشان تخلص الTOEFL بدري عشان تقديم الجامعات


اختيار مشروع التخرج:- حاول تختاره مع دكتور شغال في الresearch و عنده دافع انه يعلمك حاجات جديدة و انه يوجهك في المجال اللي بتحبه


الماجستير:- لو انت كنت من اوائل القسم ممكن تتعين كمعيد و تحضر ماجستير في القسم..عيبها انك هتاخد وقت اطول شويه عشان خلص لكن ميزتها انك هتبقي متعين في القسم و لما تخلص PhD هيبقي ليك تعيين في القسم- لو جايب تقدير كويس بس ماجاش لك تعيين..حاول تشوف اي جامعه زيE-JUST ,KAUST AUC, GUC, Nile university ميزتها انك هتخلص اسرع عشان بيبقي فيه دكاتره مخصصه وقتها للابحاث و ممكن تاخد منحه من الجامعات دي و تكون Research Assistant و تاخد مرتب يقضي مصاريفك و مش انت اللي هتدفع مصاريف الماجستيركمان جامعة قطر بالتعاون مع جامعة النيل عاملين نظام تدرس في النيل و تروح تشتغل ابحاث في قطر ومرتبك من هناك-ممكن تقدم على طول بره للماجستر و PhD بس صعب تلاقي منحه شويه و انت في الماجستير حاول تعمل امتحان GRE و الTOEFL لو ما عملتوش.


بالنسبة للمعيدين اللى ليهم تعيين فى الجامعة فى اكتر من سكه اثناء مرحلة الماجيستير
السكة الاولى : ودى هدفها انك تخلص فى اقصر وقت وتسافر خارج البلاد لعمل PhD فى هذه الحالة افضل انك تختار مواد الماجيستير من المواد الصعبة اللى محتاجة analysis عالى و انشطة اضافيه زى simulation بالاضافة انك تبدأ اختيار النقطة من اول يوم ليك فى الجامعة بالاتفاق مع المشرف و تستثمر السنة الاولى فى انك تقرأ وتكون ال background فى النقطة دى ، فى هذه الحالة انت هتكون عامل هدف لنفسك انك تستمر داخل الاطار الجامعى سنتين بس من ساعة التعيين الرسمى (هيكون غالبا فى شهر3) و مش مهتم بالعائد المادى (لأنك مش مرتبط او حاسس انك لما تسافر هتكون فلوس احسن فى وقت اقل(

حاجات متعملهاش : ما تشغلش نفسك بأى حاجة تانية سواء كورسات - مشاريع صناعية تانية مواد تدرسها : اختار مواد قريبة من تخصصك الاكاديمى او على النقيض مواد ضعيفة علميا عشان ما تاخدش وقت من الرسالة
السكة التانية : ودى افضلها على المستوى الشخصى ، انك تستمر فى السلك الاكاديمى لفترة زمنية متوسطة بالاضافة للمشاركة فى مشاريع بحثية .... فى هذه الحاله حاول انك بالاضافة لرسالة الماجيستير انك تدور على دكتور او شركة بتدى fund for researchامثلة :
NTRA
ITEIDA
RDI

سكة الNetworks:
الميزة الاساسية في المجال ده هي الانتشار وانه مجال واسع بمعني انه بيؤهلك انك تشتغل في شركات كتيرزي:
  • Internet Service Providers (ISP)
  • Mobile Operators
  • Vendors
  • System Integrators
  • Banking

اعمل ايه قبل التخرج ؟
الكلية مش حتديك كتير في المجال ده، خد Networks و تكون حاجة Practical،و معلومات الTelecommunications الاساسية ، تاني حاجة مهمة جدا، ركز على ال English Conversation and the communications Skills
خد كورس CCNA بس حاول تاخده مع Instructor كويس، وامتحن الامتحان بتاعها و خد الشهادة، لازم يكون في اعتبارك ان CCNA Certified دي حاجة اساسية عشان تبدأ في المجال ده.

ايه هي مجالات الشبكات المختلفة ؟
1. Networks Administration and Engineering:
المجال ده كبداية، ال CCNA كافي، بس فيه ناس قبل ما تتخرج من الكلية بتكمل اكتر و بتاخد CCNP
لو عملت كده دي حاجة كويسة، بس اهم حاجة تكون فاهم اللي اخدته كويس، مش اخدت الكورس و خلاص
2. VoIP (Voice over IP):
كبداية ممكن تاخد CCNA و CCNA Voice
3. Network Security:
كبداية ممكن تاخد CCNA و CCNA Security
4. Wireless Networks:
كبداية ممكن تاخد CCNA و CCNA Wireless
5. System Administration:
ال CCNA مفيدة هنا برده
There are2 Categories of System Administration: Windows and UNIX.
Windows:
ممكن تاخد كورسات Microsoft زيMCSA و MCSE و تمتحن الامتحانات بتاعتهم و تاخد الشهادة
UNIX:
حيبقي صعب شوية تذاكره Self Study فممكن تاخد كورسات UNIX او تدخل ITI قسم UNIX
6. Network Management:
This is mainly for Network Monitoring and Troubleshooting tools. You need CCNA and some knowledge about SNMP protocol and Network tools like HP Open View, IBM Tivoli and OPNET.

سكة الTelecommunications :
Telecommunications Career Path: It contains the below fields:
1. GSM/UMTS Core Network: This includes the engineers who are responsible for the nodes like MSCs/VLRs, STPs, MGWs, HLRs and so on.
2. BSS/RNC Engineers.
3. Packet Core Engineers who are responsible for the nodes like SGSN and GGSN.
4. IN (Intelligent Network).
5. VAS (Value added service).
6. Transmission Engineers: (SONET and SDH) Who are responsible for the transmission nodes like ADM.
7. RF Engineers: Who are responsible for the radio like BTS, radio planning and optimization and Microwave.
8. Front Office Engineers: Who are responsilbe for monitoring the network nodes and links.
9. Rollout Engineers.
10. Site Maintenance Engineers.
11. Central Office Engineers for the PSTN networks. (This is for the land line as we have only one 

company working in this field which is Telecom Egypt).
Basic technical requirements for the Telecommunications career path:
- GSM/UMTS Network architecture.
- Knowledge of the radio cells/clusters for the Radio planning.
- Unix/Linux knowledge (for VAS).
- Knowledge of the TCP/IP.
- Basics of communication Systems and Microwave links.
Telecommunication companies can be divided into3 main categories:
1. Operators.
2. Vendors.
3. Subcontractors.

سكة الEmbedded:
بالنسبه للأمبدد فالحمد لله الطلب علي مهندس الأمبدد في مصر لا بأس بيه .. الشركات المشهور
  • Valeo
  • Intel
  • Newport Media
بيختلف نوعية الشغل من شركه لشركه وكمان جوه الشركه من قسم لقسم .. طيب نتكلم شويه بقي عن أصلا طبيعه شغل مهندس الأمبدد سوفت وير.

مهندس الأمبدد في الشركات المصريه لو في شركه صغيره مبيكونش دوره أمبدد بس بيبقي كمان في ألكترونكس أو كنترول أو باور أو سيجنال بروسيسنج ألخ تبع بقي فيلد الشركه لو في شركه كبيره بيكون يا أما بيحل بجز في كود قديم يا بيقرا جزء من ستاندرد علشان يعمله أمبلمنتيشن يا بيعمل حاجه اسمها بورتنج (porting

الشركه عندها كود شغال علي بلاتفورم وعايزاه يشتغل علي بلاتفورم جديد فبيبقي في تغييرات مطلوبه في الكود ده أو في أجزاء منه وتبع بقي مستوي أحترافية الكود) .. مهندس الأمبدد مهاراته الأساسيه لازم مهندس في الأول لأن الأمبدد من الشغلانات القليله في مصر اللي فيها Engineering level عالي فعلا مهم أن تكون دماغك هندسيه وشغاله بلوجيك هندسي سواء وانت بتحل بجز أو وأنت بتصمم حاجه جديدة .. تاني حاجه مهمه هي لغة السي تكون فاهمها كويس وتكون أيدك مدربه فيها … 

طيب اللي عايز يشتغل لما يتخرج في الأمبدد يعمل ايه؟يحاول بقدر الأمكان يخلي مشروع تخرجه ليه علاقه بالأمبدد .. الفتره الأخيره بقي في ناس كتير بيعملوا حاجت كويسه جدا في مشاريع التخرج فيها شغل أمبدد .. يا سلام لو في أوبريتنج سيستم بقي سواء ريال تايم أو حتي أمبدد لينكس أو أندرويد .. بس أندرويد علي مستوي الكرنل مش الجافا

سكة شركات البترول :
مشكلة مجال البترول في كيفية الحصول علي فرصة في احدي شركات البترول بسبب الواسطة او لان الاعلان بيبقي داخل الشركات فطبعا محدش بيعرف عن الفرص الا الناس اللي جواها فكل واحد بيقول لقريبه او صحبه.....بعض الشركات بتكون منصفة جدا وتنزل الاعلان في الجرايد او علي الموقع الخاص بيها بس المشكلة ان اعداد المتقدمين بيكون كبير.
مهندسين اتصالات بيشتغلوا في شركات البترول في4 مجالات:
المجال الاول : التحكم الالي وده بينقسم الي قسمين

القسم الاول
(Field Control System):-
العمل بالتحكم في مواقع الانتاج بشركات التكرير او الحفر
طب السوال هو ايه التحكم الالي ده؟ هو كيفية التحكم بالاجهزة والمعدات في مواقع التكرير والحفر بغرض الحصول علي المنتجات البترولية زي البنزين والسولار والبوتاجاز

اي شركة تكرير بتاخد خام بترول عايزة تطلع منه منتجات فلازم تقوم بمجموعة عمليات صناعية بغرض الحصول علي المنتجات اللي السوق محتاجها....وعشان تتم العمليات الصناعية محتاج اعمل عملية تحكم علي كل حاجة عندي في الموقع توصلني للمنتج النهائي زي اني اتحكم في الحرارات والضغوط و المناسيب والكميات اللي ماشية في الخطوط والداخل لوحدات التصنيع والخارج
يبقي دور مهندس التحكم انه يضمن ان كل الاجهزة اللي في الموقع والخاصة بالتحكم انها شغالة بنسبة100%
نظرا لحساسية النتايج وكمان يقوم بالصيانة اللازمة لكل الاجهزة الخاصة بيه وهي :-
Level Transmitter- Temperature Transmitter- Flow Transmitter- Pressure Transmitter- Control Valves- Switches
دي اشهر الاجهزة اللي موجودة بشركات التكرير والحفر
يعني دورك تشغيل اجهزتك مع ضمان عملها بكفاءة عالية ومعايرتها وعمل الصيانات اللازمة مع حل المشكلات اللي بتحصل Troubleshooting وكل شغلك بيبقي جوة الموقع

القسم الثاني
(Digital Control System):-
العمل بالتحكم في غرفة التحكم Control Room وهنا بقة بنتكلم ان شغلك هيبقي في3 حاجات مهمين-
PLC (Programmable Logical Control)- SCADA System- DCS
والانظمة دي عبارة عن كيفية عمل مراقبة لكل ال Plant بتاعي وانا قاعد في غرفة التحكم وكمان ممكن اتخذ قرارات وانفذها من 

خلال الانظمة دي والانظمة دي بتشمل:
Input cards, output cards,processor,network,software (windows,unix)
المجال التاني:- العمل كمهندسAnalyze وده عبارة عن اجهزة بتحلل المنتجات زي ال oscilloscope
بيبقي شغل اشارات و تحليل للاشارات دي مع وجود رسومات بيانية وشغل كروت والكترونك

المجال التالت: - العمل كمهندس اتصالات بس في السنترال الداخلي للشركة كل شركة بتبقي كيان كبير فلازم يربطه المكاتب والمباني والادارات والمواقع ببعض ده بيتم من خلال سنترال كامل خاص بكل شركة علي حدي ممكن تقول اشبه بالمصرية للاتصالات

المجال الرابع:- العمل كمهندس اي تي وده نادر شوية لان معظم شركات البترول بتجيب شركات متخصصة وتخليها تضبط لها موضوع الشبكات والسيرفر والكلام ده ويقعدوا ناس خريجين معاهد كمبيوتر يديروا الموضوع ولو في مشاكل بيجيبوا الشركة اللي متعاقدين معاها بس في بعض الاحيان بيحبوا يعملوا ادارة خاصة بالاي تي فيحطوا فيها منهدسين اي تي يديروا الموضوع