كلية هندسة جامعة بورسعيد بالتفصيل Port Said Engineering

كلية هندسة جامعة بورسعيد
بالنسبه للمواد*
مفيش حاجات كتير جديده غير ماده الانتاج ودي محتاجه تركيز ف المحاضره لان الدكتور بيجيب م ال بيشرحه ومش عاوزه تتركن ،الدكتور طيب وكريم ف الدرجات 
-ماده الرسم 
ودي جميله جداً وعاوزه صبر مع الاهتمام مش نعتمد ع السكشن وبس يعني في فيديوهات وبشمهندسين تسألوهم ع السوشال ميديا 
-الفيزيا
مش فهم وبس الحقيقه هي اغلبها حفظ كتير مع الفهم طبعاً لو اتركنت مش هتتلم لازم تذاكر كل محاضره ف يومها ،
فيزيا 1
دكتوره فاطمه محترمه وشاطره وطيبه جداً بنتابع معاها ف الكتاب نحدد ال بتقوله ونزود المعلومات ال بتقولها كل دا ف الكتاب دا بيوفر وقت وكمان بتركز أكتر ف المحاضره عن ما تكتب وراها وبتهتم اوي بالنظري عن المسائل..
فيزيا2
دكتور عبد الناصر لازم تحضر قبل وقت المحاضره ب 10د بالكتير لان محدش بيدخل وراه ودا هيضيغك لو محضرتش مادته كلها مسائل وبيجيب الامتحان م الامثله +بينزلpdf للتمارين متعتمدش ع حد وروح للدكتور/ه اسأل ف اي حاجه واي ورق محتاجه
-رياضة1
:ترم اول تحليليه وتفاضل وكلها حاجات 3ث ال هي الاساس وحاجات جديده بس مفيش حاجه صعبه هي عاوزه حل كتير وتحضر السكاشن كلها مهم جداً مفهمتش من معيد تحاول تظبط مواعيدك وتحضر لحد تاني بس لازم تحضر للمعيد ال انت تبعه عشان درجاتك معاه وغيابك 
-رياضة 2
-ترم تاني تكامل وجبر وبردو كله 3ث وحاجات جديده لكن مش صعبه هو الترم التاني اتقل لان االجديد اكتر بس تقدر تجيب امتياز ونفس الوضع ف السكاشن تحضر لل تفهم منه 
-اللغه لازم تحضرلها وتعلم ورا الدكتوره هوايده وكمان تسليم الشيت بيكون ف نفس يوم المحاضره تخلص شرح وتحل وتسلم الشيت ودا يعتبر غيابك+انما بتجيب امتحانها م ال بتقوله بالظبط والامثله ال ف الكتاب
-
-استاتيكا وديناميكا 
استاتيكا ترم أول بيشرحها الدكتور عبد الله واصف،الماده سهله جداً والدكتور ممكن يحسسك انك مش عارف حاجه والكتاب مش واضح طباعته وحشه بس بينزل ورق كورس للبشمهندس ابراهيم ،الماده عاوزه اهتمام أوي رغم انها سهله لان الدكتور صعب شويه لكن بيعامل كله زي بعضه.. 
ديناميكا ترم تاني دكاترتها كويسين تقدر تعوض فيها لكن بمجهود اكتر لان الفرع دا اصعب يعني فرصتك ف الترم الاول احسن.. 
-الكيميا 
متفوتش ولا محاضره واكتب ورا الدكتور سامح والدكتور وليد كل حاجه .. الدكتور سامح بيحاول يعطيك درجات عن طريق الكويزات لان الجزء ال بيشرحه 
د.وليد اتقل من الجزء التاني ف متضيعش الفرصه دي
وطبعاً في ورق كتير بينزل تجيبه جنب الكتاب.
-تاريخ هندسي
بيشرحه د.عاطف أهم حاجه عنده تحضرله وتحترمه وتروح بدري لان ممكن تحضر ومتلحقش تتكتب ف الحضور ، الماده هتحس انها مش مهمه اوي بس ال د.بياخد الغياب ف اي وقت وانت وحظك في ناس مش بتهتم وبتشيلها لاخر سنه ودا هيضرك واهم حاجه تاني الاحترام
-حقوق انسان
ترم تاني ..بتضاف عندنا عكس معظم الكليات بيشرحها د.منى تذاكرلها م الpdf والماده سهله تجيب فيها درجات لكن ع الاقل تذاكرلها كل اسبوع مره
-حاسب آلي
مادة مختلطه كدا فيها جزء مسائل ودا مش صعب لكن تركز جداً مع د.راويه وليها شيت واحد طول الترم مهم جدا ولازم تعمله لان دا عليه اعمال سنه وبيجي منه ف امتحان ميد وفاينال ..الجزء التاني د.ولاد ولازم تحضرلها وتعلم وراها ف الكتاب وتكتب الزياده والاتنين محترمين وكويسين
الدرجات 
-الفيزيا كلها 100درجه》15ميد و15عملي و70 فاينال 
-الرسم 100》30 اعمل سنه"ميد وسكاشن" و70فاينال
•تاريخ هندسي 50
•حقوق انسان50
•اللغه50 
-رياضه1 كلها 100》30اعمال سنه و70فاينال 
-رياضه2 كلها100》30اعمال سنه و70 فاينال 
-الانتاج100》15ميد و15ورش و70فاينال 
-الكيميا 100》15ميد15عملي و70فاينال 
*ترم أول 600 والتاني 650 يعني السنه كلها1250
بالنسبه بقا للاقسام 
فيه اقسام عامه 
1. عماره 
2. مدنى 
3. كهربا باور 
4. ميكانيكا باور 
5. ميكانيكا انتاج 
6. حاسبات 
7. اتصالات 
8. كيمياء 
9. عماره سفن
واقسام خاصه كريديت 
1. غاز 
2. تشييد وبناء



حجم الخط
+
16
-
تباعد السطور
+
2
-