القائمة الرئيسية

الصفحات

رسوب جماعي لطلاب هندسة اكاديمية الشروق

رسوب جماعي لطلاب هندسة اكاديمية الشروق

بعد ظهور نتيجة اعمال السنة قبل امتحان نهاية العام بساعات ،تفاجئ جميع طلاب اكاديمية الشروق  بتسجيل حالة رسوب جماعي ، ليس الامر في مقرر او اثنين ولكن الغالبية العظمي من المقررات الدراسية ، بعدما هبطت نسبة النجاح لجميع فرق اقسام هندسة الشروق الامر الذي اثار استياء الكثير من الطلاب قبل بداية اول يوم امتحان فاينل.


وقال طلاب هندسة الشروق ،انهم فوجئوا بعد صدور نتائج اعمال السنة والعملي بتدني الدرجات وان الغالبية العظمي من الدرجات لا تتعدي نصف اعمال السنة ،وهذا يعني رسوب جميع الطلاب باختلاف سنواتهم الدراسية.

من جانبها، قال بعض دكاترة اكاديمية الشروق مبررا، من أهمية هذا الرسوب الجماعي، مؤكدة أن النتيجة تعتبر طبيعية وان هذه هي درجات الطلاب وانهم عملوا الي عليهم وزيادة.

وعبر الكثير من الطلاب علي مواقع التواصل الاجتماعي وجروبات الدفعات المختلفه علي الواتساب والفيسبوك عن استيائهم من منظومة هندسة الشروق ومن الطريقة التي يتم بها ادارة العملية التعليمية ، وقام الكثير من الطلاب بتقديم مقترحات وشكاوي ولم يتم النظر لها واستكمل كل دكتور شرح المقرر الدراسي بطريقته التقليدية معتمدا علي الحشو والتلقين المتبع

والجدير بالذكر انه في ظل الظروف القائمة ومنذ ان قررت اكاديمية الشروق استكمال الدراسة اونلاين لتزايد حالات كورونا ، انه لن يتم بالرأفه بالطلاب بل تكليفهم اخطائهم والظروف الحاليا مع معاملتهم علي انهم مقصرين في دراستهم بالرغم من قيام اغلبهم باقصي جهوده .

لم يكتفي دكاتره اكاديمية الشروق بالجداول المعلنة ولا ايام العمل الرسمية ولا اليوم الدراسي بل تم التدخل في حياة الطلاب الشخصية وجعل جميع الوقت متاح للاكاديمية فمنذ شهر رمضان الماضي كان داكترة هندسة الشروق يشرحون المقرر في المواعيد الدراسية بالاضافة الي عمل الامتحانات والكويزات في مواعيد اخري ليلا ، بل تعدي الامر ليقوم اكثر من دكتور بعمل محاضرات اضافيه قبل الفطار الرمضاني او قبل السحور وقد تستمر المحاضرة لاكثر من 3 ساعات من دون اي استفادة ، الامر الذي افسد لدي البعض الاجواء الرمضانية والعبادات بل زاد الامر لعمل كويز 1 في بعض المقررات ثاني ايام العيد اونلاين وكما يقول الطلاب ان بعض الدكاتره جاب امتحان يوم عيد المسيحين فقال للطلبة " واحده قصاد واحده والكويز الجاي تاني يوم العيد " وهذا ما تم .


يقول محمد " كل دكتور مفكر انه كده بيعلمنا وهما عمالين يحشو في مناهج وكل همهم يخلصوا المنهج وخلاص طب احنا نستوعب ناخد محاضرات الصبح وامتحانات بليل ازاي وعايشين في ضغط من اكتر من شهرين الترم صغير ازاي ناخد الكم ده كله في المده الصغيره دي انا بزاكر كله ومش قادر اخليني حافظهم كل الشباتر "

وقال محمود " انهاردة اول يوم فينل مادة صعبة وامتحانها تقيل واحنا لسه مخلصين المنهج من كام يوم حتي كان فيه 3 كويزات الخميس الي فات وامتحان عملي وكل دي درجات طارت مننا يعني هنحضر سكاشن الصبح ازاي وبعدين نمتحن كويزين بليل والمفروض نزاكر لعملي هنسافر علشان نمتحنه تاني يوم الصبح ارجو ان يكون فيه رأفه بحالنا "

وقال احمد " انا لو حصلي اي ظرف او معاد الكويز مش مناسب وامتحنت اكتر من مرة في مواصلات غير ان بيحصل مشاكل نت وكل دكتور مفكر ان قاعد في البيت بغش وميعرفش بيحصل ايه ، يعني اكون مش عارف ادخل الامتحان والنت قطع وادخل الامتحان علي اخر لحظه وملحقش احل غير كام سؤال من 30 سؤال والدكتور يهزئنا في المحاضره ويقول ان فيه طلاب داخله في اخر الوقت ومستنيه تغش من صحابهم الامتحان يعني ده دكتور بيفكر ازاي ومخوني وبدل الي قاله واستفز الطلبه كان شاف مشاكلهم ايه او حاول يساعدهم بس هقول ايه غير حسبي الله ونعم الوكيل فيهم "

وقالت مريم " دلوقتي الدكاترة عملت امتحانات خرافية علشان يمنعوا الغش وبالفعل كان فيه طالبه بتحل مع بعض وبيجيبوا درجات عاليه طب الناس الي كانت بتحل مع نفسها وبتجيب 1 او 2 ودي الغالبيه العظمي يتظلموا ليه غير ان موقع الاكاديمية بيكون تقيل كتير وقت الامتحانات وساعات بيقع وهما مزودين الاسئلة وعاملين امتحانات تعجيزية وطويله علي اساس احنا هنغش يعني من معاير حطتهم للامتحان اننا هنغش فنعمل امتحان صعب في مستوي الطالب الدحيح او المعيد هل كده فيه عدل لطالب مبيغشش اصلا اظن ان الغالبيه كده اتظلمت وبعدين يحطوا درجات الريبورتات واعمال السنه من الكام امتحان الي مفيش فيهم درجات فكده احنا اتظلمنا وفين مراعاة الظروف ده فيه جماعات حكومية قربت تخلص فاينل واحنا لسه هنمتحن ولسه نازل اعمال السنة الي المفروض تساعدنا ومش جايبين فيها حاجه ، انا ندمانه اني دخلت وشفت الضغط في المكان ده الي بيدار باصعب الطرق ومش الهدف العملية التعليميه تنجح علي قد ما بيعملوا شغلهم وروتين وخلاص ومحتاجين الدكاتره تتعلم اسس ازاي تشرح اونلاين او يتوفر من الفلوس الي بيلموها كاميرا نضيفه لتسجيل المحاضرات وتنزل للطلبه وخلاص بدل العك ده.

وقال اسامه " هما ليه ميشرحوش زي اماكن الكورسات وليه متكنش العمليه التعليمية منظمة بجدول ثابت لكل حاجه ليه وقتنا كله ممكن في اي لحظه يعملوا امتحان انشاله الساعه 1 بليل هو ليه كل حاجه امتحانات وليه ميتفرش الوقت ده كله في شرح المنهج بطريقه كويسه وكل معيد يشرح جزء بضمير بدل ما كل معيد بيشرح نفس الجزء وميشرحوش الباقي زي ما احنا بنتعلم الدكاتره مستواهم علي قدهم في الاونلاين وفيه مشاكل كتير وتضيع للوقت وليه علي طول في استفزاز للطلبه بتصريحات طول الوقت بدل مساعدتهم او يتعمل لجنه لمتابعه اداء الطلاب هو مش فيه مشرف اكاديمي لكل دفعه هو مساعدنيش بحاجه بيخش يبرر ويهاجمنا ومبيسمعش حاجه مننا احنا عاوزين نتفوق وننجح احنا مش في صراع او الي بنقوله كلام غلط بس ياريت كلنا نفيد بعض وانا اتظلمت الترم ده جامد وخصوصا السنادي بالرغم اني بزاكر طول السنة بس مجهود السنة عمال يضيع قدام عيني 

ويشار إلى أنه، وبعد أن أقرت نسبة اعمال السنة، لجميع الطلاب، وقبل اتاحتها علي موقع اكاديمية الشروق، لم يقوم اي دكتور بتوضيح للطلاب عن ان اعمال السنة سيئة بل ايضا لم يتم ذكر تفاصيل اعمال السنة حتي الطالبه مش عارفه هي ناقصه كده علي اي اساس ولو اتعمل التماس او تظلم هل فعلا هيكون فيه درجات للطلبه 

قام الزوار ايضا بمشاهدة الاتي

تعليقات