القائمة الرئيسية

الصفحات

معلومات عن ماكينات ‏CNC الصيني ونصائح ‏يجب ‏مراعتها ‏عند ‏الشراء

معلومات عن ماكينات ‏CNC الصيني ونصائح ‏يجب ‏مراعتها ‏عند ‏الشراء

نبدأ  نتكلم عن الماكينه CNC طبعا المكن الصيني دا تجميع مش تصنيع غير الشاسيه يعني معظم الماكينات في تشابه في بعض

الأجزاء مثلا السورس ipj ألماني او raycos  صيني رقم واحد في الصيني  او max صيني رقم اتنين في الصيني  والهيد ها يكون
اما Raytools  سويسري  او precitec  ألماني لو غير كدا يبقى صيني ومعظم الماكينات الصيني بتشتغل بcyp cut كنترول   بس بيفرق مثلا انواع المواتير اذا كانت Yaskawa ياباني او schneider  فرنسي او delta او fuji ياباني بس في حته مهمه هي قدرات المواتير والدرايفير لو المواتير صغيره على الحمل الي هي شايلاه هي ها تشتغل بس ها تهنج بدري ومشاكلها ها تبقى كتير

١ الشاسيه
طبعا دا الجزء الي اكيد صيني نبص على ايه في الشاسيه
اول حاجه وزن الشاسيه لو الوزن بتاع الشاسيه كبير اعرف ان دي حاجه مهمه جدا لاستقرار الماكينه على الأرض وان مش اي حاجه تأثر فيها لأن  دي ماكينه دايما شغاله وفي حركه ف تقل الشاسيه بيدي استقرار والماكينه شغاله كمان بتعرف ان المصنع مش لامم العمليه واهي ماكينه والسلام لا دا صارف عشان يعمل معده محترمه وكمان عشان لما تحط الخامه ما تبقاش الماكينه بتهتز بالشغلانه 

طيب ايه تاني. اه في أجزاء الحركه زي الجريده المسننه واللنير جايد دول تبص فيهم على حاجتين اولا لازم يكون براند معروف اقل حاجه يكون hiwin او pmi ودول تقريبا صيني بس براندات وطبعا لو atlanta ألماني يبقى افضل  ليه بنقول براند عشان الخامه تكون موصفه تستحمل وما تتاكلش او تبوظ البلي ولازم كمان البلي يكون حاجه كويسه ولو ان كله اظن ها يبقى صيني

 طب لاقينا الحاجات دي براند ايه تاني. اه تكون كمان حجمها كبير مش صغيره تكون تتناسب مع حجم الماكينه الي انت واخدها ملحوظه الحاجات دي لو مش معموله صح الماكينه بردو ها تشتغل في الأول بس بعد كدا ها تبوظ وتكون ساعتها الماكينه خرجت من الضمان وكمان ما يكونش في وصلات كتير يعني مثلا لو انت واخد ماكينه ٣ متر طول لازم يكون الجريده واللنير قطعه واحده مفيش وصل. وبالكتير اوي  وصله واحده مش اكتر من كدا ويفضل طبعا تمشي الماكينه عند  جزء الوصله وتشوف لو حسيت انها عملت تكا او سمعت صوت يبقى كدا في مشكله وقابله للزياده مع الشغل

طب وايه كمان ال  gantry العربيه الي شايله محور ال y  تكون خفيفه. في شركات بتصنعها المنيوم مضغوط بتدي قوه وخفه في الحركه دا ها يأثر ان ما بعملش حمل على المواتير وكمان الكهرباء تقل في الفاتوره  

وطبعا بنحزر من الماكينات الي الكنترول في جسم الماكينه مش منفصل اكيد الحراره الي خارجه من الشغل ها تخلي الكنترول يهيس ويخرف.

طب ايه كمان لازم الماكينه تكون مقشوطه Cnc عشان الماكينه تبقى موزونه

مقالات ذات صلة عن CNC علي بريمو هندسة

تعليقات