٧ نصائح سريعة لكل الناس ال هتنزل معرض ماك تك الهندسي 2021 MACTECH

٧ نصائح سريعة لكل الناس ال هتنزل معرض ماك تك الهندسي

معرض ماك تك، لازم تحدد هدفك من الزيارة هل هتروح للتعرف على أحدث التكنولوجيا ولا هتروح تحضر محاضرات ولا هتشتري معدات أو اكسسوارات ولا هتعمل ايه بالظبط لأنك ممكن تروح والوقت يسرقك ومتعرفش توصل لهدفك

تم تعديل موعد معرض ماكتك هذا العام ليكون من 9 ديسمبر الي 12 ديسمبر 2021 

لو انت طالب بلاش ترهق رجل المبيعات أو الفني ال واقف في معرض ماك تك لأنه واقف علشان يبيع وبالتالي بلاش تستنزف وقته وجهده ويفضل انك تروح في وقت مفهوش زحمة يعني ابعد عن الجمعة وخاصة بعد الصلاة لكن انت تقدر تاخد الكتالوجات وكمان تتفرج على الماكينات براحتك ومحدش هيقولك حاجة ولو حابب تصور من الأفضل انك تستأذن من الشخص ال واقف واكيد مش هيرفض أو يمانع ولكن استئذانك شئ محترم وبيدل انك شخص واعي

حاول تشتري كتالوج المعرض أو ال CD علشان الداتا الموجودة فيه وبلاش تلم كروت كتيرة أو كتالوجات لأنها هتبقى كتيرة وممكن ترميها في الآخر

لو ناوي تشتري ماكينة أو معدة ممكن الأول تاخد جولة سريعة في المعرض وبعدين تبدأ تستقر على الشركة ال هتشتري منها وبعد كده اتوكل علي الله واشتري لأن المعرض فرصة عظيمة في الخصومات ال الشركات بتقدمها وطبعا في ناس بتفضل انها تيجي المعرض اكتر من يوم علشان ياخد قرار نهائي بالشراء طبعا ده كويس بس خد بالك ان كثرة المعروض ممكن يخليك تتشتت وتمشي من غير ما تشتري فلازم تعمل حسابك انك مش هتاخد كل حاجة ولكن حاول توصل لنسبة معقولة من الرضا عن اتخاذ القرار

لو هتنزل مع جروب أو مجموعة مش لازم ترتبط بيهم لأن غالبا كل واحد له اهتمامات مختلفة فالأفضل أن كل واحد ينطلق مع نفسه وبعد كده تتفقوا على مكان ووقت تتجمعوا فيه

طبعا المعرض السنة دي في قاعة المؤتمرات بمدينة نصر يعني اسهل وسيلة هي المترو - ارض المعارض وتنزل تتمشي شوية

طبعاً المعرض بيحتوي على ٣ معارض كمان تكنولوجيا الهواء المضغوط وأعمال الروافع والسيارات لو حابب تاخد جولة فيهم يبقى زي الفل مش هتخسر حاجة وخاصة أعمال الروافع

تمنياتي للمنظمين والعارضين بالنجاح والتوفيق بإذن الله