11 نصيحة لاصحاب مصانع ماكينات ال ‏CNC ‎

11 نصيحة لاصحاب مصانع ماكينات ال ‏CNC ‎

مجموعة نصائح لاصحاب مصانع ماكينات ال ‏CNC ‎ المره دي تقدر تعتبر كلامي دردشه لأصحاب المصانع بس دردشه في نقاط
  1.  الناس الي عندهم ماكينات cnc ليزر صيني لازم الحرق يتم على كمبيوتر المهندس مش على الماكينه لان ده بيهدر وقت كتير جدا
  2. لو عندك مهندس جديد ما ينفعش يشتغل مع العملاء الا لما يتدرب كويس عشان ما يطفش العملاء
  3.  يجب استحداث طرق دعايه لكسب عملاء جدد واعرف انك لو مش بتتقدم تبقى بتتاخر لان البزنس مفيهوش ثبات
  4.  في دايما سؤال لازم يكون في بالك ليه العميل يجيلي انا وما يروحش لحد تاني اجابه السؤال ده فيها نجاح المشروع
  5.  ممكن تعمل ميزه تكامل الشغل بمعنى انك تكمل المعدات على قدر المستطاع ولازم تعرف ان دي ميزه كبيره يعني لو عندك ليزر وتنايه ودرفيل وطقم صنايعيه تجميع وتتعامل مع حد في الدهان ده ها يوفرلك ميزه تنافسيه عن الي عنده ليزر بس ولو مش في استطاعتك ممكن تعمل تحالف بينك وبين حد عنده المعدات الي مش عندك وطبعا لو تعرف توفر الخام للعملاء بهامش ربح بسيط او حتى من غير بزياده النقل بس يبقى كويس جدا
  6.  لو بتتعامل مع شركات يبقى لازم التعامل يكون باحتراف يعني من اول ما تيجي الشغلانه يكون في اهتمام وسرعه في الرد حتى لو العميل بيسأل بس اتعامل كأنك اخدت الشغلانه
  7. وما تزهقش من كتر التعديلات ال بيطلبها العملاء ولازم تحط نفسك مكانه يعني تدور على مصلحته عشان يصق فيك ويعتبر انه مش عميل لا ده مكانه
  8. طبعا سريه بيانات العملاء وحفظ شغلهم وما ينفعش تدخل عميل على شغل عميل تاني لان دي امانه وكمان الناس الي عندك ما تعرفش اسم الشركات واحد بس في المكان تكون بتثق فيه هو الي بيتعامل مع الشركات عشان اسامي الشركات ما تتسربش للمنافسين
  9.  مهم اوي يكون في واحد فاهم مهمته يقابل العملاء اول ما يدخلو المكان وده دوره مهم جدا داخل المكان لان ده الي بيحس حجم العميل الي داخل ونوع التعامل الي العميل ده محتاجه لان كمان في عملاء بيبقو داخلين يخسروك فالشخص ده هو الي بيحمي المكان من الخساره ديه
  10.  وبنبه تاني على دور التسويق وده في اي مؤسسه لازم يكون في تسويق ولازم تكون عارف انك داءما ها يكون في خساره في العملاء لأسباب المنافسه او غيره فالتسويق هو الي ها يعوضك الفاقد في حجم العملاء وكمان ده الي ها ينقلك صوره المكان الي متاخده عن المكان اذا كانت حسنه او سيءه
  11.  الاهتمام بتطوير المعدات والناس يعني المعده الي تقع تعملها إحلال وطبعا الصيانات الازمه ومهم اوي انك تهتم بالناس انك تديهم كورسات ويكون مستواهم أعلى حاجه لان لو تساوت الناس في المعدات يبقى مش ناقص غير التفاوت في مستوى الناس هو الي ها يحسم المنافسه بين المصانع
  12.  حاول أن جو الشغل يخلو من العصافير والغربان لان ده بيخلق روح مش حلوه داخل الشغل وبينهي عندك موضوع الفريق لان الناس بتتجسس على بعض وطبعا لازم الناس تحس ان ده مكانها عشان يهتمو بيه ويكبرو المكان
  13. دي كانت مجرد دردشه وانت كصاحب عمل مش لازم تستفيد من كل الكلام لكن لو استفادت ولو بجمله واحده يبقى كويس ولو ما لاقيتش في كلامي حاجه مفيده ليك دور انت لأن مفيش مكان كامل وبالتوفيق للجميع
مقالات ذات صلة عن CNC علي بريمو هندسة



حجم الخط
+
16
-
تباعد السطور
+
2
-