اخواني المهندسين
هل راتب ٤٠٠٠ ريال في السعودية ده كويس ولا لا
مفيش استقدام للزوجة كله ع حسابك ... ولو زيارات انا هدفع تكاليف كلها عدا نصف الايجار
الكلام ده كويس ولا لا
بص ياحبي
مبدأيا كده متوسط الرواتب لحديث التخرج ٣٥٠٠ ل ٤٥٠٠ اساسي
وللخبرة هتكون متوسط اساسي
من ٦٠٠٠ ل ٨٠٠٠
اقل من كده شركات زبالة واكتر من كده طفرات مش موجودة كتير خصوصا للكهرباء
البدلات بتكون 10% بدل مواصلات
٢٥% بدل سكن دا ثابت في اي حته غير كده بتكون شركات زبالة
التامين ليك وللزوجة علي الشركة
الاقامة ليك علي الشركة
الطيران ليك علي الشركة
غير كده شركات زبالة
الطيران للزوجة وولد بتكون علي الشركة طفرات مش موجودة كتير
المصاريف
اكل وشرب عزابي لو بتطبخ ممكن من ٥٠٠ ل ٧٠٠ لو مش بتطبخ من ١٢٠٠ ل ١٥٠٠
لو عوائل في حدود من ٢٠٠٠ ل ٢٥٠٠
السكن لو عزابي من ٥٠٠ ل ١٠٠٠
لو عوائل من ٨٠٠ لحد ٢٠٠٠ حسب المكان والمدن
الكهرباء في حدود ٢٠٠ ريال
النت وكده ١٥٠
مصاريف مرافقين ٤٠٠ لكل واحد
لو زيارات بتكف ١٥٠٠ للواحد مع الطيران وكله بس من غير رسوم شهرية
دي تقريبا معظم الحاجات وباقي الرفاهيات حسب الشخص
الشغل في العادي من ٨ ل ٤
لكن المهندسين ملهومش اضافي
اخسبها بقي بالنسبة لشغلك في مصر وشوفها واي حد يقولك غير التفصيلة دي بيضحك عليك
سواء المصاريف او الرواتب
وفقنا الله واياكم لما يحبه ويرضاه