اهم ٥ مهارات شخصية واهمية السوفت سكيلز ‏في ‏حياتنا ‏soft skills ‎

كلنا عارفين إن ال Soft Skills حاجه مهمه جدا فى حياتنا .. وكمان عارفين ان السوفت سكيلز Soft Skills حاجه غير قياسيه يعنى مش محتاج انك تقعد تدرس زى المواد العلميه كدا..
- لا دى بتبقي مهارات متعلمه و مكتسبة من خلال تجاربك فى الحياه زى التواصل ، القيادة و غيرهم ..

 تعرف إنك لو بتقدم على وظيفه وعندك Soft Skills كويسه ف خليك عارف إن بنسبة 85% هتتقبل فى الوظيفه دى.

 لإن من خلال الSoft Skills اللى عندك تقدر تقرأ اللى قدامك و تعرف لازم توصله اي .. 👌

طب هتسألني و تقولي اي هي ال Soft Skills دي .. هل هي  مجرد مهارات و لا فيها أنواع؟ 
هقولك ..
- إن فى 3 أنواع يعتبر أهم 3 أنواع للSoft skills و هما :

 1- Communication Skills ( مهارات التواصل ) 
وهى قدرتك على التواصل مع أى حد سواء بقا كبير أو صغير فى السن، أهم حاجه إنك تقدر تتواصل معاه.

 وكمان يا صديقى تقدر يكون عندك المهارة دى من خلال تعلم 3 حاجات.

 A. Active Listening ( الأستماع الفعّال)

وده بيبقي عبارة على إنك تسمع كويس أوى الشخص اللى بيتكلم بمعنى تسمع بإنصاات وتحاول تعرفه انك معاه ومهتم لكلامه وأهم حاجه إظهار ال reaction المناسب علي حسب الموضوع لإن ده بيخليه يحس إنك مهتم للكلام اللى بيقوله.

 تانى حاجه بقاا وهى اللى ممكن نسميها ..
B. Body Language ( لغة الجسد )

لغة الجسد يعتبر علم بيدرس لتحليل تصرفات الإنسان عن طريق ريأكشنات جسمه و نقدر نقول عنها انها الوسيلة اللى بتفضح أى حد فينا 🙂 
يعنى مثلا لو إنت بتكدب هيبان من شكلك لإن بيبقي فى حركات معينة جسمك بيعملها وكمان تعبيرات بتبان على وشك وفى الحاله دى بنقدر نحلل الشخص اللى قدامنا إذا كان كداب فعلا ولا صادق ..
 مثال تاني لو انت في أنترڤيو لتقديمك علي شغل معين و كنت مشبك إيدك فى بعض ، ف أعرف إنك إتسجلت عند ال HR إنك متوتر وقلقان 🙃 

تالت حاجه بقاا وهى ال ..
C. Verbal Communication ( التواصل اللفظي ) 
التواصل اللفظى بيبقا عباره عن الكلام اللى بنقوله من حيث الكلام اللى بيخرج مننا وحجم صوتنا سواء بقا عالى أو واطى🗣
 
وأول حاجه وهى الكلمات اللى بتخرج مننا بلاش كلماتك تكون معقده خليك حد Simple فى كلامك يعنى  مثلا لو بتحكى لصاحبك عن محاضرة انهارده وبتقوله دى كانت خطيره هو ممكن يكون فهم انها خطيره يعنى حلوه ،أو خطيره يعنى حصل موقف خلاا المحاضره تبقا خطر عليا.

أما بقا بالنسبة ل حجم الصوت فهو لو إنت بتتكلم مع حد وصوته واطى إنت كمان خلى صوتك واطى🗣 والعكس صحيح لو هو بيتكلم بسرعه وصوتى عالى متخلكش بارد 😏 وتكلمه بصوت واطى ، لا كلمه بنفس الحاله اللى هو فيها

تانى نوع بقاا للSoft skills وهو ال ..
2. Negotiation Skills ( مهارة التفاوض ) 
هتلاقى معظم أى حوار بين إتنين بيتكلموا مع بعض هتلاحظ إن ده بيحاول يتكلم الاول عشان التانى يفهمه  والتانى برضو نفس المشكله كل واحد فيهم عايز يحكى ويتكلم الأول عشان التانى يفهمه و في الاخر بيكون فيه لغبطه و محدش بيفهم حاجة 😂👍

 يعنى من الأخر يا صديقى إستنى إما اللى بيتكلم معاك يخلص كلامه عشان تفهمه وأهم حاجه يكون فهمتوا بعض وتقدر تحل مشكلة اللى قدامك ده وهو برضو يقدر يحل مشكلتك زى ما نقول كدا إنتو إلاتنين خلصتوا الحوار فى الأخر كل واحد كسب بإن مشكلته إتحلت.

تالت نوع بقا من الSoft skills وهو ال ..
3. Leadership Skills ( مهارة القيادة )
ودى بقا بتختلف من شخص لشخص يعنى ممكن تلاقى قائد مش قادر يدير المجموعه بتاعته وقائد تانى شغله جامد والمجموعه بتاعته عشره علي عشره ..
 ودى بقا يا سيدى عل حسب الكاريزما بتاعتك يعنى مثلا مش تبقا إنت القائد وتتأخر فى إنك تروح الشغل مش تبقا شخص مش منظم وبتقول للناس اللى معاك خليكوا منتظمين فى الشغل ..
 يعنى خليك فعلا القائد والمدير اللي الموظف أو اى شخص بيشتغل معاك يقول عليه ونعم القائد إلتزام وكاريزما مفيش بعد كدا 
وكمان متنساش لو إنت قائد المفروض إنك تبقا حابب التطور لنفسك وللتيم اللى بتشتغل فيه أو الشركه ويكون عندك شخصيه قويه جدا بس مش معنى كدا تكون القائد الرخم لاء القائد الشاطر اللى يقدر يكسب حب الناس اللى بتشتغل معاه بس فى نفس الوقت ميأخروش عن شغلهم لإنهم علي طول عرفوا إن وقت الشغل شغل وقت الهزار هزار.

رابع نوع معانا فى الSoft skills.
4-Self Motivation (التحفيز الذاتى)

التحفيز الذاتى ده تعتبر مهاره فعلا لان مش حاجه سهله إنك تبقا شخص بيحفز نفسه بنفسه،خليك عارف إن لو إنت من الناس اللى بتحفز نفسها بنفسها يبقا تأكد إنك شخص عظيم عشات دى مش سهله،إنك تقع فى أكبر المشكله وتيجى تهون عل نفسك وبالمميزات اللى عندك عشان تقدر تكمل طريقك دى حاجه عظمه يا صديقى💪🏻

آخر نوع معانا فى الSoft Skills.
5-Responsibility(المسؤليه)
ودى حاجه عظيمه جدا بس ساعات  بتبقا صعبه لإن لازم نيجى على نفسنا ونضحى ببعض الحاجات اللى بنحبها عشان زى ما نقول كدا انت اتحطيت فى الأمر الواقع وبقيت شايل المسؤليه يعنى لازم تكون قدها لإن لو خسرت مش هتلوم الPlans اللى عملتها او الظروف اللى حصلتلك بالعكسمش هتلوم غير نفسك لإنك كنت شايل المسؤليه دى فلازم نكون حريصيين جدا ونحط بدل الخطه كذا خطه.

تعلم الSoft Skills  حاجه مهمه  فى حياتنا وممكن تتعلمها من خلال تريننج عن ال Soft Skills  أو إنك تسمع فيديوز كتير أوى،وبعد كدا تبدأ تطبق عملى وهو إنك ممكن تشتغل فى شركه أو فى تيمات ومن خلال شغلك هتكتسب Soft skills  كتيره جدا هتبقا حد عنده مسؤليه هتبقا قادر تعتمد عل نفسك، قادر تحفز نفسك، هتبقا قائد كدا وهتقدر تتواصل مع الناس هيبقا عندك مهارة تواصل حلوه جدا مع الناس هتكون علاقات جديده مع ناس جديده وبكدا هيكون فعلا اكتسبت اسكيلز عاليه جدا من الSoft skills 🧡




حجم الخط
+
16
-
تباعد السطور
+
2
-