القائمة الرئيسية

الصفحات

اهم ٤ ‏انواع ‏للروبوتاتHumanoid Robots ‎بعضها ‏تشبه ‏البشر ‏والاخر ‏يتحكم ‏به ‏عن ‏بعد

سمع معظمنا خلال الأيام دى عن مجال ال Robotics وأكيد انت شوفت لذيذ و زومبا (مسلسل مصري) وعشان كدا لازم نعرف أكتر عن مجال ال Robotics من خلال التكنولوجيا ، و أول حاجه هنعرفها يا صديقى إى هى ال Robotics

ال Robotics دى يا صديقى عبارة عن نقطة تقاطع بين العلوم والهندسه والتكنولوجيا ومن خلال التقاطع دة بينتج آلات إسمها الروبوتات 🤖 وزى ما نقول كدا الروبوتات دى بتحل محل الأفعال البشريه 

تعرف إن فى عام 2005 تم العثور عل 90% من الروبوتات و عارف كانت موجوده فين؟! 
- كانت موجوده فى تجميع من السيارات فى مصانع السيارات وكانت متكونه كمان من أذرع ميكانيكيه وكانت مُهمتها لحام أو شد أجزاء معينه من السيارة 🚗

أكيد طبعا يا صديقى حابب تعرف الروبوتات دى بتتكون من ايه 🙃
- الروبوتات دى بتتكون من نوع من البناء الميكانيكي ، والجانب الميكانيكي ده بيساعد الروبوت علي إنه يقوم بكل المهام علي أكمل وجه فى البيئه اللى اتصمم عشان يكون فيها.

وكمان الروبوتات بتحتاج مكونات كهربائيه عشان تقدر أنت ك إنسان إنك تتحكم فى تشغيل الروبوت .. زى مثلا بطارية عشان تكون مصدر للتيار الكهربي ⚡ و بعض المكونات التانية الخاصة بالبرمجة على سبيل المثال ؛ و دة لأن الروبوتات بتحتوى على مستوى معين من برمجه الكمبيوتر علي الأقل ، لإن لو الروبوت مش محتوي عل تعليمات برمجيه فى الوقت ده يا صديقى ف هو يعتبر آله بسيطه جدا.

عشان كدا مهم جدا إن إحنا نركز على إنو يكون فى برنامج داخل الروبوت لإن دة بيمنحه القدرة علي معرفة وقت تنفيذ المهام و كيفية تنفيذها علي أتم وجه 💯👌

ومازالت يا صديقى صناعة الروبوتات مستمرة بأشكالها المختلفة وتخطت أشواط مذهله جدا من أعمق أعماق محيطاتنا لحد الفضاء الخارجى 😁↗️

 الروبوتات حاليا بقت بتعمل مهام البشر نفسهم ميقدروش يحققوها .. بس صناعة الروبوت كان ناتج بردو من تفكير الإنسان مننساش ده 🤛🤜

طب الروبوتات دى موجوده من إمته ..! 
كتير مننا هيكون فاكر إنها إتعملت فى العصور الحاليه 🧐
- بس الإجابة .. أن الروبوتات كانت موجوده من العصر الرومانى وكان أول وأقدم Robot موجود فى العصر الرومانى 🏛️
و مش بس كدا دى اتطورت خلال العصور اللى بعد كدا وكان كل يوم بيكون فيه افكار جديدة وأشكال مختلفه لل Robots 🦾

و أهم أربع أنواع لل Robots هكلمك عنها دلوقتى .. 😉

1. الروبوتات المبرمجة 🤖 (Programmed Robots)

 الروبوتات المبرمجه كانت بتشتغل فى بيئه محكومة بمعني ان شغلها علي القد و بسيط ، ف علي سبيل المثال ( ذراع مكانيكيا على خط تجميع السيارات ) ده بقا كان بيعمل شغل بسيط جدا زى مثلا بتقوم بلحم السيارات ،  يقوم بإدخال جزء معين فى المحرك و حاجات تانية من هذا القبيل 🛠

2. الروبوتات الشبيهة بالبشر  (Humanoid Robots)

 الروبوتات دى يا صديقى بتبقي شبه البشر زى ما نقول كدا بتتعامل بالسلوك البشرى و بتعمل الأنشطة البشريه زى( القفز والجرى وحمل الأشياء) ، و يعتبر الغرض من تصميمها إنها تبقى زى البنى آدم ، وأشهر مثال على الروبوتات الشبيهة بالبشر هو الروبوت صوفيا (Robotics'Sophia) و دة هنعرف تفاصيل عنه بس تحت شويه 😉

3. الروبوتات المستقلة (Autonomous Robots)

الروبوتات دى زى ما نقول كدا بتشتغل بعيداً عن البشر يعنى مش محتاجه إشراف بشرى عليها ، و غالبا الروبوتات دى بتتعامل فى بيئه مفتوحة زى ما قولنا فوق مش بتبقي محتاجه تدخل بشري و دة لأنها بتتعامل في أماكن شديدة الخطورة زي الفضاء و المحيطات و غيره. 

4. الروبوتات المتخلفه عن بعد ( Teleoperated Robot)

دى بقا بتبقي روبوتات ميكانيكية بيتحكم فيها البشر بس بتبقا عن بعد ، و أحياناً الروبوتات دى بتشتغل فى ظروف جغرافية قاسية 🌪
و من أمثلة الروبوتات اللى بتتحكم عن بعد ( الغواصات اللى بيتحكم فيها الإنسان لإصلاح تسرب الأنابيب تحت الماء  أثناء التسرب النفطى أو زى مثلا الطيار الآلي ، و متستغربش لو قولتلك بتُستخدم لإكتشاف الألغام الأرضيه فى ساحات المعارك ).

و أخيراً جه الوقت عشان تعرف إى أهم وأحدث روبوت 😎

- تعرف إن المملكه العربيه السعوديه 🇸🇦 فى مؤتمرها الأخير المتعلق بالتكنولوجيا قدمت روبوت صوفيا 🤖💥 روبوت صوفيا كانت عبارة عن روبوت في جسم و شكل إنسان بالمعني الحرفي 🙂👌.. ااه متستغربش زي ما بقولك كدة 

و اللي جعل صوفيا تتميز عن باقي الروبوتس انها كان بتتمتع بذكاء إصطناعى عالى جدا واللغة اللى كانت بتستعملها فى الكلام هى لغة واحده بس وهى اللغة الانجليزية 

بس إيه الشىء المدهش و المميز بجد اللى كان الروبوت ده بيمتلكها ؟؟ 
- أنا اقولك يا صديقى 🌸 .. من خلال مؤتمر المملكة العربية ومن خلال الحوار مع روبوت صوفيا عشان يختبروا مدى نسبة نجاح الروبوت دة 💯 
اتضح إن  صوفيا بتقدر تفهم مشاعر الانسان وتتبادلها زي الانسان بالظبط 👌 .. يعني نقدر نسميها كائنة نصف آدمية 👀

و المملكة العربية السعودية منحت الروبوت ده الجنسيه وبقا أول روبوت معاه Passport ويقدر يتنقل بين الدول زى الإنسان بالظبط 

و في النهاية  .. من خلال تطور تفكير الانسان بعد كدا ان شاء الله هنشوف ونعرف حاجات أروع من كدا

تعليقات