القائمة الرئيسية

الصفحات

سرقة شركة فودافون للرصيد وتدني مستوي موظفين خدمة العملاء

في المقال هتكلم عن تجربتي مع فودافون مصر في سرقه رصيد حسابي لاكثر من مره بمبررات غير منطقيه والحكايه كبيره ولكن ملخصها كالاتي: بشحن رصيد لرقم شخص قريب من موقع فودافون بالفيزا ، فاتحول لحسابي ١٠٠ج واتخصموا من الفيزا، كلمت خدمة العملاء قال اعمل كود تحويل وحوله تاني.

وبعدين اتخصم الرصيد كله وبكلمهم بيقولوا اني اشتركت في خدمة علي موقع سوشيل وحطيت رقمي فيه واتواصلت مع خدمة عملاء شركة فودافون وشخص لا يفقه شئ مهنيا بيقنعني بالسرقه وبيبروا السرقه وطالبت بتعويض ورفضوا بالاضافة انهم مش عارفين ايه هي الخدمة دي

يعني ازاي رصيدي يتسرق ويقولوا انت حطيت رقمك في موقع هل فيه حاجه منطقيه اسمها حطيت رقمك في موقع واشتركت في خدمة اونلاين جيمنج ، يعني وانا معملتش اي حاجه حتي الموظفين مش حافظين غير انهم هيلغوا الخدمه اما ايه هي الخدمه مش عارفين اي حاجه عنها.
 


اروح الفرع فودافون بمدينة الشروق، يقلي احنا منعرفش حاجه اتواصل مع خدمة العملاء ، ارن علي خدمة العملاء مش عاوزه تتصل وبيقلي مش معاك رصيد لاستكمال المكالمة ، ذهبت وشحنت رصيد ونفس النظام مش عاوزه تتم المكالمه ، بالرغم اني معايا باقه فليكسات وباقه نت ورصيد لسه شاحنه، واعمل مكالمه تاني تتخصم من الرصيد والفليكسات مجمده ، اتواصل مع خدمة العملاء
- موظفه تقولي الفليكسات بتاعتك مجمدة علشان كده بيتم السحب من الرصيد
- الاقي كمان اتخصم ٣ ج احتفاظ بالمكالمات وموظف يقلي انت علي الخدمه دي ولو عاوزني الغيها الغيها وللعلم اني مكنتش علي حاجه برضو وازاي اشتركت فيها بعد الشحنه الاخيره.
- الرصيد لتاني مره يخلص فبتواصل مع خدمة العملاء علي تويتر والفيسبوك فكل شويه يقولوا سبب مختلف مرة يقولوا الفليكسات بتاعتك خلصت فبيتخصم من الرصيد وخلص ومره تانيه الموظف بيقول انت عامل ليميت للفليكسات بحيث يكون بعدها مكالمات وبعضها نت وانت وصلت للlimit بتاعك.

 ردود من اسطمبات بتبرر سرقه مستمره للرصيد في حسابي، واخيرا لا استطيع التواصل مع خدمة العملاء نهائي لا اعلم ان كان اتعملي بلوك اني اتواصل او ان الخط فيه حاجه معطله، ومستوي خدمة عملاء غير راضي عنه نهائي، وعلامات استفهام كتير عن السبب هل تم سرقه حسابي من الشركه او ان موظف قام بتحويل الحساب له، وازاي شركه كبيره زي فودافون مش عارفه السبب ايه او غير مهتمة برضي العملاء ومفيش اي استبيان عن جوده الخدمة 




تعليقات