القائمة الرئيسية

الصفحات



لما بنسمع عن الـ Industrial Automation أول حاجة بتيجى على بالنا هى الـ PLC ولما بنسمع PLC بييجى على بالنا على طول البراندات الشهيرة ليه زى 

Siemens, Allen Bradley, Omron, Mitsubishi, Delta, Schnider, ...

وكنا ديما لحد فترة قريبة لما بنيجى نشرح الـ PLC لحد لسه بيتعلمه بنقوله ايه الأسباب اللى خلت الـ PLC بيستخدم بكثرة فى الصناعة وكان من ضمن الأسباب دى انه بسيط فى البرمجة مش محتاج مبرمج لغات High level زى الـ Controllers الخاصة بالـ Embeded وكمان ملائم للبيئة الصناعية أكتر من الـ Controllers دى .

لكن فى الوقت الحالى مع كثرة التطبيقات وتعقيدها بقت الحاجة أكبر للـ Flexability اللى بتوفرها الـ High level programming languages عن طريق Methods زى الـ Object oriented programming واللى بتوفر مرونة أكبر وبرمجة أقل من مثيلها فى الـ PLC اللى هى الـ Structural programming .

فظهر عندنا حاليا ما يسمى بالـ Embeded PLC واللى بدأ ياخد انتشار كبير فى الفترة الحالية واللى من أشهر الشركات اللى شغاله بيه حاليا Beckhoof و PLCNext.

وبقى اسم الـ PLC بشكله المتعارف عليه حاليا هو Traditional PLC وقبل ما نعرف ايه الفرق بين الاتنين هنتكلم الأول عن شكل منظومة التحكم بالـ PLC والامبيدد سيستم وازاى الـ Embeded PLC دمج بين الاتنين علشان يواكب احتياجات التطبيقات الصناعية الأكثر تعقيدا.

- منظومة التحكم بالـ PLC فى أبسط أشكالها بيقوم الـ PLC فيها بدور الـ Controller فى أى Control system block diagram واللى بيقرا الاشارات من الـ Sensors اللى بتكون داخله على الـ Inputs سواء Digital أو Analog ويعالج الاشارات دى فى الـ Memory جواه وينفذ البرنامج المكتوب جواه باللغات المتعارف عليها : Ladder diagram - Instuction list - Structured text - Function block diagram وبعد كده يشغل الـ Outputs المناسبة فى الوقت المناسب علشان يشغل الـ Actuators اللى عندى سواء كانت Valves أو Pumps أو Motors .

والعمليات دى كلها بتتنفذ خلال Loop اسمها Scan cycle بتتكرر بتردد معين بيختلف على حسب سرعة كل PLC عن التانى.

ومن المزايا بتاعت الـ PLC انه Modular وأقدر اعمل expansion فى الـ System بسهولة وانه مقاوم للـ Noise بتاعت الصناعة وان كل لغات البرمجة بتاعته تعتبر Low level languages بيسهل على أى حد تعلمها حتى لو مكانش  Software engineer وملوش خبرات سابقة فى البرمجة .

وكانت من المشاكل بتاعته محدودية الـ Memory والـ Scan cycle مقارنة بالـ PC controllers مثلا واللى كان بسببها قدرته المحدودة على التعامل مع انظمة الـ Motion مثلا واحتياجه لهارد وير زيادة وعدد محدود من الـ Axes اللى ممكن يتعامل معاها وكمان مكانش بالمرونة المطلوبة فى أنظمة زى أنظمة الـ Machine vision .

ده غير انك بأنظمة البرمجة التقليدية بتاعته حتى وان كانت Structural programming لكنها مش بمرونة لغات البرمجة التانية اللى ممكن بسهولة أكتر بكتير تعمل عمليات معقدة بتاخد وقت ومجهود كبير جدا علشان تتعمل بالـ PLC.

لكن لو جينا للـ Embeded systems controllers هنلاقيها بتعالج البيانات بشكل مختلف شوية عن طريق الـ interrupt و event-driven processing مش عن طريق الـ Continous loop اللى كان بيعملها الـ PLC علشان كده بنلاقى ان الـ PLC بيتعامل مع الـ Real time لأنه بيعتبر أى تغير لحظى فى اشارات الدخل بتاعت المنظومة هى event بينفذ على أساسه أمر ... لكن أنظمة الـ Embeded أكثر Flexability فى البرمجة باستخدام اللغات المختلفة زى (C, C++, C#, Java, Javascript, Python).

علشان كده جت بعض أنظمة التحكم بدأت تعمل منظومة Hybird من الاتنين بحيث انها تخلى الـ PLC فى الـ Low level للمنظومة الصناعية انها تتعامل مع الاشارات الفيزيائية فى الـ Real time لكن الـ High level control system كان بيتم عن طريق الـ Embeded systems 

لحد ما بدأت الشركات تتجه ناحية الـ PLC Embeded cotroller اللى بيتعامل مع الـ Real time وفى نفس الوقت بيتبرمج بالـ High level languages زى (C, C++, C#, Java, Javascript, Python) وياخد منها سهولة البرمجة وسهولة التحكم مع الأنظمة المعقدة واستخدام الـ Object oriented programming. 

ولو حد حابب يطور من نفسه فى الـ PLC حقيقى بنصحه جدا يتعلم نوع من دول زى Beckhoof مثلا


اقرا ايضا

تعليقات