دكتور " تيسير" ياريت كل دكاترة الجامعة يكونوا زيه
من جامعة عين شمس دكتور عظيم جدا جدا
اشهر مقولاته
-"ﺍﻛﺘﺒﻠﻰ ﺑﺄﻯ ﻟﻐﺔ في ﺍﻻﻣﺘﺤﺎﻥ ﺣﺘﻰ ﻟﻮ ﻋﺎﻣﻴﺔ ﺍﻧﺎ ﻫﻘﺒﻠﻬﺎ ﻣﻨﻚ ﻃﺎﻟﻤﺎ ﻭﺻﻠﻠﻰ ﺍﻧﻚ ﻓﺎﻫﻢ"
- يوم امتحان الفاينل لف اللجان لجنة لجنة يسأل لو حد عايز حاجه كان بيعدي علي واحد واحد ينادي عليه بيساعده ويترجمله اللي واقف معاه من دفعة معدية 400 طالب ميكانيكا
-ﺍﻟﻠﻰ ﻋﺎﻳﺰ ﻳﺎﻛﻞ ﻣﻨﻜﻢ ﺍﻭ ﻳﺸﺮﺏ ﻑ ﺍﻟﻤﺤﺎﺿﺮﺓ ﻳﺎﻛﻞ ﻻﻧﻪ ﻟﻮ ﺟﻌﺎﻥ ﻣﺶ ﻫﻴﺮﻛﺰ ﻑ ﺍﻟﻤﺤﺎﺿﺮﺓ
-ﺍﻟﻠﻰ ﺟﺎﻯ ﻣﺘﺄﺧﺮ ﻋﻠﻰ ﺍﻟﻤﺤﺎﺿﺮﺓ ﻳﺪﺧﻞ ﻣﻦ ﻏﻴﺮ ﻣﺎﻳﺨﺒﻂ ...ﺍﻧﺎ ﻣﺶ ﺃﺣﺴﻦ ﻣﻦ ﺭﺑﻨﺎ ﺍﻟﻠﻰ ﺑﻴﺴﻤﺢ ﻟﻠﻨﺎﺱ ﺍﻧﻬﻢ ﻳﺪﺧﻠﻮﺍ ﺻﻼﺓ ﺍﻟﺠﻤﺎﻋﺔ ﻣﺘﺄﺧﺮ.
-ﺍﻧﺎ ﻫﻔﻬﻤﻜﻮا ﺍﻟﻤﻨﻬﺞ ﻛﻠﻪ ﻭﻓﺎﻻﺧﺮ ﻫﺪﻳﻜﻮ ﺷﻮﻳﺔ ﻭﺭﻕ ﻣﺶ ﻫﻴﺨﺮﺝ ﻣﻨﻬﻢ ﺍﻻﻣﺘﺤﺎﻥ ﻻﻥ ﺍﻧﺎ ﻋﺎﻳﺰﻙ ﺗﻔﻬﻢ ﻣﺶ ﻋﺎﻳﺰ ﺃﺳﻘﻄﻚ ﻑ ﺍﻻﻣﺘﺤﺎﻥ.
- ﺩ ﺗﻴﺴﻴﺮ ﻑ ﻣﺮﺓ ﺟيه لقى ﺩﻛﺘﻮﺭﺓ ﺍﻟﺮﻳﺎﺿﺔ ﻟﺴﺎ ﻭﺍﻗﻔﺔ ﺑﺘﺸﺮﺡ ﻭﺧﺪﺕ ﺍﻟﺒﺮﻳﻚ ﻛﻠﻪ ...ﺭﺍﺡ ﺍﺩﺍﻧﺎ ﺑﺪﺍﻟﻪ ﺑﺮﻳﻚ ﻋﻠﻰ ﺣﺴﺎﺏ ﻣﺤﺎﺿﺮﺗﻪ ﻭﻗﺎﻝ ﺍﻧﺘﻮ ﻣﺶ ﻫﺘﺮﻛﺰﻭﺍ ﻟﻮ ﺑﺪﺍﺕ ﺷﺮﺡ ﻋﻠﻰ ﻃﻮﻝ ﻻﺯﻡ ﺗﺎﺧﺪﻭ ﻓﺎﺻﻞ
-"انا اسف عشان الجيل بتاعي هوا السبب في اللي انتو عايشينو انتوا شباب تستهلوا احسن من الواقع اللي احنا فيه"
-انتو اقوي من اي حد يحبطكوا او يقلل منكو
-لما درجات الميد تيرم واعمال السنة بتظهر بيقولنا اللي عندو مشكله يبعتهالي وبيفضل يعدل في الدرجات تلت اربع مرات ويوريهالنا لغايه ما الكل يبقي راضي عنها
-امتحان الشفوي بتاع دكتور تيسير سؤال واحد "اسأل نفسك سؤال وجاوب عليه" وبتاخد الدرجه كامله علي اتفه سؤال
-في 2013 من طالبه :"في امتحان الشفوى قاللى اسألى نفسك سؤال و جاوبى عليه وانا من توترى معرفتش أرد فسألنى هو لخبطت من التوتر قاللى خلاص روحى و هسألك كمان شوية و لما رجعت بعدها حطلى 10 من 10 من غير ما أجاوب فانا اعترضت و قلت لا لازم اجاوب و مش هاخد درجة مش من حقى انا قعدت أعيط لكنه كان حنين و دخلنى بعدها بشوية و علمنى انه انا مهندسة لازم اكون واثقة من نفسي مينفعش اتوتر لأنى هبقى مسؤلة فى موقع عن الشغل كله فلازم اكون بنت قوية و سألنى و ادانى 10 برضو "
-في 2012 طالب: "كنت دبلر أولى ميكانيكا .. فــ كان دكتور تيسير بيوزع علينا ورقة الإمتحان بالدرجات و مطلوب ناخدها نبص فيها و نشوف غلطنا فى ايه و نرجعهاله تاني في المحاضرة و اللى حاسس بأى ظلم يقول للدكتورفا كنت جايب 19 من 20 .. فا طلبت من الدكتور انه يسمحلي انى اخدها البيت و ارجعهاله تاني يوم عشان اوريهالى لأمي عشان اطمنها انى بذاكر و انى اتغيرت
الدكتور تيسير مش بس وافق .. دا كمان كتبلى بتوقيعه " very good " لمجرد انه حس ان فيه ام محتاجه تفرح
-لما كنا بناخد صوره الدفعه نادينا عليه جيه وقعد معانا حوالي نص ساعه لغايه ما ظبتوا الكاميرا واستنانا واحد واحد نتصور معاه
-في امتحان في مدني دكتور تيسير كان بيراقب واحد طلب يطلع يجيب عصير من قدام باب اللجنة الدكتور راح بنفسه جابله العصير و ادهوله لحد عنده عشان ميضيعش وقت من الامتحان
..
دكتور تيسير انا جاي هنا عشان اعلمك واوصلك علم مش اتحداك ولا انفسك اول كلمه كتبهلنا "its all about learning not about competition"
#الانسان ..
كل يوم هننزل دكتور ونفتخر بيهم 🙂