القائمة الرئيسية

الصفحات

صدمة زيرو عملي البورالكترونكس power electronics

يعلم الله اني بعمل الي عليا وزياده في ظل الظروف الصعبه الي بمر بيها ، ومفيش درجه خدتها في امتحان الا لو كنت استحقها واكتر منها بكتير بل بالعكس احيانا باخد درجات اقل مما استحق.

يوم عملي البورالكترونكس كان الخميس ١٠ يونيو ٢٠٢١ ، قبل الامتحان بيوم كان عليا سكاشن الصبح و ميدترم بورسيستم الساعه ٤ عصرا وامتحان ماشين الساعه ٨ م ، وفي اليوم ده وقبله كنت مطبق ولم انم بقالي يومين حتي سهرت من بعد امتحان الماشين مطبق بعمل في ريبورت الماتلاب وتبقي اخر مسألتين نقلتهم.

يوم العملي كنت في مواصلات ووصلت الامتحان متاخر دخلت خدت ورقه احل فيها اسئله واثبات ورسم الموجه ، مش فاكر غير حجات بسيطه بحل وشويه دكتور نده اسمي ورحتله وسألني في ريبورت الماتلاب وحظي السئ سألني في مسأله رقم ٦ في الريبورت الي كنت ناقلها ، قله النوم خلتني في الشفوي مليش نفس اتكلم ولا اقول اي حاجه والاجابه علي القدر الكافي بدون توضيح قد ايه انا فاهم او مزاكر 

وبعدين نده عليا دكتور الماده التاني يسألني في الي حليته ، والمعيده علمت ورقتي واعطتني zero اتصدمت ان حتي الي حليته مستهلش عليه درجه واحده ، حتي المعيده التانيه قالت لها حرام ادتيله زيرو ليه ، جه الدكتور اما شاف الدرجه بص ليا باشمئزاز وقلي كلمتين حرقوا دمي وكان زهقان ويقلي مبتزاكرش ليه ، ودي اساسيات تكون عارفه و... وانا مش مركز معاه ومصدوم ، حط الدرجه وانا مشيت 

سؤال قعدت اكرره في المواصلات وانا مروح هو انا مستاهلش حتي درجه واحده ، كان عندها برود وهي بتعلم ورقتي اما لو مكنتش بزاكر كنت خدت ايه ، ناس كتير تانيه بتتصرف وتكذب وتغش وتفتي خدوا علي كده وممكن ميكونوش مزاكرين او اقل مني بكتير بس درجاتهم اعلي مني ، فعلا الشو واني ابين اني شغال افضل مليون مره من اي عمايل شغل ، وان شاء الله ربنا هينصرني وهكون حاجه في يوم من الايام

تعديل:
نصيحتي لاي حد بيزاكر الباورالكترونكس يزاكرها اول باول - فيه حجات كتير بتوضح مع تكرار المزاكرة واول مرة زاكرت فيها مادة الباورالكترونكس غير اخر مرة غير انك هتجيب مسطرة منحنيات وتحل كتير مع نفسك 

تعليقات