يعتبر انترفيو IEEE Zagazig من الانترفيوهات اللطيفة الي عملتها في حياتي ، مكنش عبارة عن انترفيو ومشوار وخروجه ومواصلات واروح متأخر او بدري ولكن عبارة عن دردشة
في البدايه انا كنت مقدم في لجنة talent تبع IEEE Zagazige ، اتبعتلي ايميل بعدها بفتره باني احدد معاد انترفيو اونلاين وحددت يوم الخميس 17-12-2020 الساعه 8 مساءا يصادف في اليوم ده انه كان ورايا مشوار في مدينة نصر في COWORKING space Mjal وبرضو كنت بشتري حاجه المشروع من وسط البلد ووصلت الشقة في الشروق (سكن طلبة) الساعه 7 ونص ققعدت شويه ودخلت اعمل اكل ولاقيت رساله علي الواتساب باني ورايا انترفيو دلوقتي وقلت لمحمد جاهز، طبعا الي معايا في الغرفة نايم وانا لسه هفتح الابتوب وطبعا لو قعدت في الصاله مش هاخد راحتي في المكان وهما نايمين.
فقمت فتحت التليفون وسبت الاكل وخرجت قعدت في البلكونة وعملت الانترفيو ههههه، محمد قاعد ومجهز نفسه والاضاءة وكل حاجه وانا واقف في الضلمة في البلكونة وفتحنا الكاميرات وكلمنا بعض
وطبعا الاسئلة سهله ، هو الهدف منها قياس الثقة بالنفس وعدم التردد وارد عادي من غير قلق وطبعا في اي انترفيو لازم اكون عارف اللجنة الي مقدم فيها عبارة عن ايه وهشتغل فيها ايه والمكان الي رايحه كام معلومة عنه وكانت الاسئلة كالاتي:-
1- عرف نفسك؟
- انا احمد كذا كذا طالب سنه رابعه هندسة الشروق عندي خبره بالتسويق الرقمي وكتابة المقالات وادارة المحتوي علي الويب ، بحب اطور من نفسي وخلال الاجازة الي فاتت خدت دورة مهارات حياتية مستوي 1 و2 و3 بالوزارة وخدت كورس HR علي موقع ادراك وكورس SEO في Blue Academy ,وكنت لوجستك ميمبر في نشاط طلابي اسمه ADD بالشروق، وخدت تدريب ريادة اعمال في Innovategypt
- ممكن تكون علاقة زمالة وصحوبية وقت التاسكات تتعمل وغير كده هنكون زمايل
- هو علي حسب الموقف وطبعا مش هيكون فيه ايه مبرر او فرصة لحاجه زي كده طالما كل حاجه تمام وحتي لو حصل فده هنشوف انا وهو علي انفراد واي حاجه زي كده بيتم التعامل معها بزكاء
- شايف ان 3 ساعات هتكون مناسبة ده لو فيه تاسك ومش هتزيد عن كده ، اما لو فيه ميتينج فده له وقت تاني مثلا مواصلات والوقت الي هنقعده
- السنادي شايف اني كسرت حاجز التردد نهائي وبقي عندي سرعه في اتخاذ القرارات بدون ندم (وده بفضل تدريبات مهارات حياتية منها مثلا اني سافرت السنادي اسوان تدريب وفسحه جميلة وعشت كواحد من اهلها وجربت كل حاجه وصاحبت ناس كتير ومكنتش اتوقع اني اعمل كل ده هناك في عز الحر واللي محستش بيه نهائي ، زورت السد العالي زورت محطة الطاقة الشمسية زورت 3 محطات مائية، وكمان موقع بريمو هندسة شايف انه من افضل الحجات الي ساعدتني قبل ما اساعد بيها غيري وانشر كل الي اعرفه عليه و مبقتش اعمل هم واخاف طالما معايا ربنا
- انا مختار talent علشان اقدر افيد واستفيد وانمي بعض المهارات الخاصة بالكوميتي دي، ومن خلال Talent ممكن احضر مع كوميتي تانية ، وهيكون دوري مؤثر في الكوميتي دي خصوصا انها المسئولة عن حجات مهمة زي اختيار الميمبر واعمل انترفيو للاعضاء واقيم الميمبر واشوف المهارات الي عندهم واتطورها واشوف ناقصهم ايه واشتغل عليه