القائمة الرئيسية

الصفحات

محاضرات فرقة ثالثة باور هندسة الشروق ترم اول 2019 (بورسيستم - ادارة مشروعات - بروتكشن - انسانيات - ماشين 3 - جهد عالي - تدريب عملي)

محاضرات فرقة ثالثة باور هندسة الشروق ترم اول 2019 (بورسيستم - ادارة مشروعات - بروتكشن - انسانيات - ماشين 3 - جهد عالي - تدريب عملي)

البوست دا مش عايزك تعديه او تفوته عشان لو قابلته صدفة في آخر التيرم هتقول ياريتني قريته،هكلمكوا عن كل مادة عندكوا التيرم دا في 3 باور وكمان اللينك اللي ف آخر البوست دا لينك الماتريال (محاضرات فرقة ثالثة باور هندسة الشروق ترم اول 2019) يعني كل حاجة اتلخصت أو اتحلت او نزلت عندنا هتلاقوها معاكوا


اول حاجة المواد وحواراتها :

(1) Project management


المادة دي هتاخد منها شوية معلومات اساسية عن ادارة المشاريع والادارة بشكل عام والجزء النظري بتاعها مش صعب خالص والجزء التاني منها هيكون مسائل ودي كانت حاجة ممتعة جدا بس محتاجة منك متابعة أول بأول وتحاول تفهم أكتر من انك تحفظ وتصم هاه وتحل بايدك عشان الغلطة في مسائلها بفورة خلصانة ؟

الفايل بتاعها هتلاقي موجود فيه : (المحاضرات - حلول امتحان فاينال - حلول الميدتيرم بتاعنا والكويزات - حلول حبة mcq حلوين كدة هيفيدوك صدقني- مسائل بحلولها)


مادة هتكلمك عن انظمة الحماية في شبكات الكهربا عموما وفي المحطات وهكذا وهتبدأ بأول جزء تدرس اجهزة الحماية وهتكمل بتاني جزء عن القواطع الكهربية الخاصة بالجهد العالي والمتوسط وهتاخد حبة معلومات تيكنيكال عظيمة من دكتور عظيم زى دكتور هنداوي
طب هنذاكرها ازاى؟

بص ياصاحبي النظري بتاع أول جزء هى محاضرات د.عطية بيجي من السلايدز النظري والمسائل ساعات والقدر الاكبر م المسائل بيكون من الشيتات فاتأكد ان كل المسائل بتتحل معاك في السكشن عشان ماتتغفلش زى ماحصل معايا "ماكنتش اعرف ان فيه شيتات اساسا للمادة"

بالنسبة للجزء التاني النظري بتاعه نفس الكلام بس الدكتور هنداوي بيحب يشوف اللي فاهم من اللي لا فمش بيجيب الاسئلة كلها للي بيحفظوا بس ولكن الامتحان في المجمل بيكون سهل مش معقد حلو؟

فايل المادة بقى هتلاقي فيه ( محاضرات-سكاشن - حل شيتات - تلخيصات نظري للجزئين)


(3) Power System


عصب الكهربا دي خلي بالك فيها هتدرس الكهربا ازاى بتتنقل على الابراج اللي بتشوفها دي والحسابات بتاعتها والكلام دا ولازم تقوي نفسك فيها بانك تسأل وتقرا أكتر فيها مع نفسك لأنها هتضيف تكينيكال كتييير جدا

بالنسبة للمذاكرة بأكد اهو هاه المحاضرات واللي هتكتبه ورا الدكتور و الكتاب مهم جدا في المذاكرة حتى لو طرق حله مش لطيفة عادي اتعلم من السكاشن وحل بأى طريقة المهم والأهم انك تحل كتير عشان ايدك تبقى سريعة وتحفظ القوانين لأنها مليانة قوانين ولكن مش صعبة ومسائلها لذيذة والامتحان مش بيجي كله في المتناول عشان نبقى متفقين امتحانا مثلا جت فيه مغارز كتيرة بس اللي فاهم حل كويس اوي فهنهتم بالنظري كويس جدا زى المسائل والاثباتات

فايل المادة بقى هتلاقي فيه: (ملخصات كتيرة للنظري-ملزمة مراجعة نهائية-واسئلة اختر محلولة - حل امتحان فاينال- المحاضرات-السكاشن ودي لحسن الحظ سكاشن الدكتور العظيم باسم فهتلاقي الدنيا جميلة فيه وهتفهم كل حاجة زى الفل ان شاء الله )


طبعا عارفين النظام ايه مش أول مرة بس عموما المادة هتكلمك عن المولدات وفكرة عملها ومسائل كتير عليها وعلى انواعها وهتاخد معلومات برضه جميلة عنها وهتتعلم حتى اللف بتاع ملفاتها بيكون ازاى والى آخره
النظري بيكون من الملازم ومن كلام الدكتور معاك في المحاضرة في الغالب يعني
والمسائل بتكون من مراجع غريبة كدة فعموما عموما سيبها على الله

فايل المادة هتلاقي فيه : (محاضرات-سكاشن العظيم م.أحمد حسين -حل ميدتيرمات - ورق شرح ملخص)


المادة القمر دي بقى عملي هتجمعلك الباور سيستم على الماشين مع بعض لأنها هتشرحلك نظري زيادة على الجزئين + تجارب عليهم هتعملهم في المعمل وفيها شفوي طبعا في الآخر ومادة جميلة جدا مش هتحس ان فيها حاجات زيادة لأنها هى فعلا ماشين وباور سيستم مع بعض ف اللي هتدرسه نظري فيهم هتطبق عملي مع المادة دي

فايل المادة هتلاقي فيه: (محاضرات- حلول ميدتيرمات وفاينال -اسئلة وحلولها للشفوي -واسئلة اختر محلولة)


المادة دي أول جزء فيها عبارة عن نظري ومسائل في شيتات والاتنين حفظ مش هقول غير كدة  اهتم بحضور المحاضرة عشان لو حاجة اتقالت جاية في الامتحان اعرف انها مش جاية واوعى تتغفل زينا  لا بهزر اهتم فعلا بالمحاضرة عشان مش كل حاجة هيبقى سهل عليك تحفظها وانت مش فاهمها هاه

الجزء التاني بقى اللي هيكون مع دكتور هنداوي هيكون برضه بنفس النظام نظري ومسائل والمادة عموما مليانة اثباتات وقوانين فاهتم بيها م الاول وحل م الاول عشان هتندم بعدين انا جايب مقبول فيها وعارف بقولك ايه كويس

بس كان تقصير مني مش صعوبة المادة يعني تمام؟ فماحدش يخاف برضه مع دكتور هنداوي افهم أكتر واحفظ برضه لأن بيكون فيه نظري ومسائل في الامتحان بس الجزء الاول بيعتمد ع الحفظ أكتر تمام ؟

فايل المادة هتلاقي فيه : (محاضرات-سكاشن فيها حل الشيتات-شيتات -ملخصات نظري)


 (امتياز الغلابة)  المادة دي هاديااااة نسمة كدة والله مش هتحس بيها بس اوعى تنساها برضه اهتم بحضور المحاضرة لان مالهاش سكاشن زى اول مادة وكمان لأنها هتضيفلك كتير على مستوى العلم ولا الأخلاق والسلوك ودا بجد فعلا واهتم باللي الدكتور هيقوله لأن شرحه هو اللي هتجاوب من خلاله بالاضافة الى المكتوب في السلايدز اللي بالمناسبة اللي بيحفظها بس مش بيجيب تقدير زى اللي بيكتب من دماغه وبفهمه وافهم السؤال كويس قبل ماتكتب الدكتور بيحب الفهم وبيحب اللي يعبر بأسلوبه

فايل المادة هتلاقي فيه : (المحاضرات-حل امتحانات فاينال وميدتيرم-ملخصات)


(8) المشروع التدريبي 


باخصاردا بيكون مشروع على scale صغير بتعملوه في أى مجال عايزينه أو اتفرض عليكوا واخدين بالكوا ؟ واللي كان بيشتغل على نفسه في الاجازة هيبان واللي ماكانش هيبان وهتبقى فضيحة بجلاجل


وماتخافوش السنة مش صعبة هى جايز تقيلة عشان موادها فيها محتوى قوي بس كلنا كمهندسين محتاجينلها جدا وهتستفيدوا منها جدا جدا ماحدش يقصر وماحدش يخون ثقة أهله فيه وافتكروا كويس ان كل ذرة تعب هتتعبها هتجنيها ادام باذن الله وربنا مش بيضيع تعب حد


تاني حاجة لينك درايف محاضرات 3 هندسة باور عشان الناس اللي بتحب من أبو آخر دا 
https://drive.google.com/.../1VH...
أسأل الله تعالى التوفيق لي ولكم جميعا واشوفكوا دايما بخير

قد يهمك ايضا:

تعليقات